Yoona 17:21 - A̠lyiat A̠gwaza na di̠n Tyap: A̠li̠ka̠uli A̠fai

²¹ A̱tyia̱ nung, n naai da̱nian a̱mgba̱m á̱niet khwi ba ba̱ mun á̱pyia̱ ma̱ng á̱ghyang, ma̱nang nwan ma̱ng a̱nung zi̱ mun á̱pyia̱ ma̱ng á̱ghyang a̱ni. N naai da̱nian mba mameang; ba̱ na mun á̱pyia̱ ma̱ng a̱nzi̱t da̱nian á̱niet mi̱ swanta ba na nwuak a̱chuchuk nang nwan wa nta̱m nung mi̱ swanta hu.

Yoona 17:21 Iomraidhean Croise

Ma̱rkut 3:24

Ki̱ tyok a̱byin ghai á̱ nyia̱ na̱nvan ma̱ng a̱ghyang, tyok a̱byin a̱hwa na yong bah, ku na kwa.

Yoona 10:16

N byia̱ zón seap jhyáng di̱ ji̱ shya̱ ma̱ a̱sorong kani a̱ni bah. Zón seap a̱ja, ku yet ta hwa mbai ma̱ng a̱nji ma̱ a̱sorong kani. Ba̱ na fa̱k a̱nwuat nung ka, ba̱ yet a̱sorong a̱nyiung, a̱tyu chok a̱nyiung.

Yoona 10:30

Nung ma̱ng A̱tyia̱ nung wu, zi̱ yet kyang nyiung hwa.”

Yoona 10:38

A̱wot ki̱ nta̱m A̱tyia̱ nung nia nang n nyia̱, ku da̱ nyi nwuak fwuo da̱ nung bah; ku myim nyi nwuak a̱chuchuk di̱ nta̱m a̱ga̱de na; nyi ka lyen, nyi bu fi̱k nang A̱tyia̱ wu nshya̱ dundung ma̱ng a̱nung; nung mameang n si̱ shya̱ dundung ma̱ng a̱nggu.”

Yoona 11:42

Neet gbangbang, n za ma ndyen kuzang jen a fwuong nung. A̱wot n hyia̱ á̱si̱ nani da̱nian á̱niet ba̱ yong a̱ji a̱ni, ba̱ ka nwuak a̱chuchuk nang nwan wa nta̱m nung mi̱ swanta hu.”

Yoona 13:32

Ka̱ A̱gwaza shya̱ shi mat Nggwon A̱tyubishyi; ma a̱nia wa nang A̱gwaza na nnwuak Nggwon ka shi da̱nian a̱pyia̱ nggu. A̱wot ka̱ na shya̱ shi mi̱ di̱ yong a̱hwa.

Yoona 13:35

A̱nia wa na mbyia̱, konyan mi̱ swanta hu á̱ nfi̱k nang nyi ngyet mman ta̱m nung nia.”

Yoona 17:11

“A̱wot ma̱ninika, n bwuot chobai da̱ a̱vwuo ang. N bu na swan mi̱ swanta huni bah. Bibya ni̱ ya nswan mi̱ swanta hu. Nwan A̱za̱za̱rak A̱tyia̱ nung! Chok ba ma̱ng tyok a̱lyoot ang nhu; a̱lyoot ka nang a ku tyia̱ nung da̱nian ba̱ ka mun á̱pyia̱ ma̱ng á̱ghyang; ma̱ cha̱chaat nang nwan ma̱ng a̱nung, zi̱ mmun á̱pyia̱ ma̱ng á̱ghyang a̱ni.

Yoona 17:18

Ma̱nang a nta̱m nung mi̱ swanta hu a̱ni; a̱nia wa n ma nta̱m mba mi̱ swanta hu.

Yoona 17:20

“Á̱niet bani bya ma̱nyin mba nang n naai ba ndyo bah. N naai tazwa a̱mgba̱m á̱niet ba̱ na nwuak fwuo da̱ nung, mat A̱lyiat A̱gwaza nang á̱niet bani na shei ma̱ng a̱mba a̱ni.

Yoona 17:25

“A̱tsotswat A̱tyia̱ nung, á̱niet mi̱ swanta ba lyen ang bah. A̱wot nung, n dyen ang. Á̱niet bani mameang, ba̱ si̱ lyen nang nwan wa nta̱m nung.

Yoona 17:3

“Swuan sang sangba̱p jini ja yet; á̱niet ba ba̱ lyen ang, nang nwan wa ma̱nyin ang ngyet a̱tsatsak A̱gwaza wu, ma̱ng Yesu Kristi, a̱tyo nang a ku nta̱m ndyo mi̱ swanta hu a̱ni.

Yoona 17:8

A̱lyiat na nang a ku hyia̱ ma̱ng a̱nung nyia̱ n si̱ hyia̱ ma̱ng mba a̱ni; n ku hyia̱ ma̱ng a̱mba, ba̱ si̱ san. Ba̱ lyen za̱m nang nung n neet da̱ a̱vwuo ang kya. A̱wot ba̱ si̱ nwuak a̱chuchuk nang nwan wa ta̱m nung.

Yoona 3:17

“A̱gwaza ku ta̱m ma̱ng nggwon nggu ka mi̱ swanta hu, da̱nian ka̱ ka yet a̱tyu nyia̱ shi̱ri̱ya wa bah. A̱ ku ta̱m ma̱ng a̱nka da̱nian ka̱ ka yet A̱tyusan á̱niet mi̱ swanta bya, ba̱ shya̱ swuan da̱ a̱vwuo nka kya.

Yoona 5:23

Da̱nian a̱mgba̱m á̱niet ba ba̱ ka nwuak Nggwon ka shi, ma̱ cha̱chaat nang ba̱ nnwuat A̱tyia̱ wu a̱ ta̱m ma̱ng a̱nka a̱ni.

Nta̱m A̱yaata̱m 2:46

Kuzang a̱tuk ba̱ ku tung mi̱ didyaat A̱li Nwuat Za̱nang A̱gwaza hu. Ba̱ si̱ bu tung á̱ ya nkyayak ma̱ a̱ka̱sa á̱ghyang ma̱ng ya kyayak a̱di̱dam a̱khwu Yesu ma̱ng a̱lyia̱ sai, ma̱ng fwuo nyiung,

Nta̱m A̱yaata̱m 4:32

A̱mgba̱m sot á̱niet khwi Yesu ji ku byia̱ a̱nu a̱nyiung ma̱ng fwuo nyiung. Á̱ si̱ mbyia̱ a̱tyo nyiung ma̱ mba a̱ ku kyiak zwá nang gu byia̱ a̱ni; ji̱ yet si̱ nggu ja ma̱nyin nggu bah. Mat a̱nia, ba̱ si̱ ka̱u a̱mgba̱m zwá nang ba̱ byia̱ a̱ni dundung.

A̱romawa 12:5

Ma a̱nia wa, zi̱ yet á̱niet ma̱ a̱di̱di̱t bya zi̱ yet vam nyiung mami Kristi a̱ni. A̱wot kuzang a̱yin ma̱ nzi̱t yet kap a̱ghyang nggu hwa.

1 A̱korontiyawa 1:10

N naai nyin á̱niet khwi Yesu ba nang n chat a̱ni, mami tyok a̱lyoot A̱tyoli nzi̱t Yesu Kristi, nyi swan swat nyinyang ma̱ng á̱ghyang nyin. Nyi yok ghai di̱ susot bah. Da̱ a̱kwonu a̱kya, nyi swan ma̱ng mun á̱pyia̱, nyi yok a̱di̱dam nyin wu ma̱ng kyang nang nyi chat a̱ni, ku yet nyiung.

1 A̱korontiyawa 12:12

Vam a̱tyubishyi hu byia̱ nkap ma̱ a̱di̱di̱t. A̱wot a̱mgba̱m nkap a̱nia yet vam nyiung hwa. Ma a̱nia wa, nzi̱t zi̱ yet kidee vam Yesu Kristi hu a̱ni ndi.

1 A̱korontiyawa 6:17

A̱wot a̱tyu a̱ mun a̱pyia̱ nggu ma̱ng A̱gwaza a̱ni, a̱ yet tswa jhyung ja ma̱ng a̱nggu.

A̱ga̱la̱tiyawa 3:28

Mat a̱nia, á̱ bu nkhap a̱tyu A̱yahudawa ma̱ng a̱tyu Nnwap a̱ nwai yet A̱yahudawa a̱ni zan bah. Da̱ mba, á̱ nkhap a̱khwo ma̱ng nggwon a̱li zan bah. Da̱ mba, á̱ nkhap a̱tyok ma̱ng a̱byii̱k zan bah. A̱mgba̱m nyin, nyi yet kyang nyiung hwa, mat mun á̱pyia̱ nyin hu ma̱ng Yesu Kristi.

A̱filibiyawa 1:27

Kyang ku yet a̱ swak a̱ni, ku yet ta hwa nyi swan nang á̱tsatsak mman a̱byin Ma A̱gwaza tswazwa a̱ni. Nyi swan swat ku myim A̱sham Nkhang Kristi ka a̱ni. A̱wot ka̱ nyi nyia̱ a̱nia, ki̱ n ba̱ mbai n di nyin, ku n ma nfa̱k nkhang nyin nia, n na ndyen nang nyi ngyong mi̱ chet dundung ma̱ng á̱ghyang, di̱ mun á̱pyia̱ ma̱ng la̱p sak nyiung. Nyi bu kwan, nyi ya a̱son ma̱ng tyiet a̱chuchuk tazwa A̱sham Nkhang ka.

1 Yoona 1:3

A̱lyiat Nswuan a̱nia, nang zi̱ ka̱n di zi̱ si̱ bu fa̱k a̱ni, ni̱nia nang zi̱ shei nyin, da̱nian nyi ka mun á̱pyia̱ ma̱ng a̱nzi̱t. A̱wot zi̱ mun á̱pyia̱ dundung ma̱ng A̱tyia̱ nzi̱t wu a̱ yet A̱gwaza a̱ni, mbeang Nggwon nggu ka, Yesu Kristi.

1 Yoona 5:7

Huhwa nang zi̱ ndi a̱lama a̱tat a̱ tak nang Yesu ngyet Nggwon A̱gwaza kya a̱ni: