Yoona 17:20 - A̠lyiat A̠gwaza na di̠n Tyap: A̠li̠ka̠uli A̠fai

²⁰ “Á̱niet bani bya ma̱nyin mba nang n naai ba ndyo bah. N naai tazwa a̱mgba̱m á̱niet ba̱ na nwuak fwuo da̱ nung, mat A̱lyiat A̱gwaza nang á̱niet bani na shei ma̱ng a̱mba a̱ni.

Yoona 17:20 Iomraidhean Croise

Yoona 10:16

N byia̱ zón seap jhyáng di̱ ji̱ shya̱ ma̱ a̱sorong kani a̱ni bah. Zón seap a̱ja, ku yet ta hwa mbai ma̱ng a̱nji ma̱ a̱sorong kani. Ba̱ na fa̱k a̱nwuat nung ka, ba̱ yet a̱sorong a̱nyiung, a̱tyu chok a̱nyiung.

Yoona 17:19

Mat bibya mbyia̱ n ja̱u a̱pyia̱ nung di̱ nyia̱ ta̱m, da̱nian mba mameang á̱ ka ja̱u mbaa ba̱ nyia̱ ta̱m shansham mami a̱chuchuk.

Yoona 17:21

A̱tyia̱ nung, n naai da̱nian a̱mgba̱m á̱niet khwi ba ba̱ mun á̱pyia̱ ma̱ng á̱ghyang, ma̱nang nwan ma̱ng a̱nung zi̱ mun á̱pyia̱ ma̱ng á̱ghyang a̱ni. N naai da̱nian mba mameang; ba̱ na mun á̱pyia̱ ma̱ng a̱nzi̱t da̱nian á̱niet mi̱ swanta ba na nwuak a̱chuchuk nang nwan wa nta̱m nung mi̱ swanta hu.

Nta̱m A̱yaata̱m 2:41

A̱wot a̱tuk a̱kya á̱kpa á̱niet ma̱ a̱di̱di̱t si̱ san á̱lyiat nggu na; ba̱ ku shim tat chyikwop tsat! Ba̱ si̱ nwuak nfwuo mba na, á̱ si̱ nyia̱ mba ba̱ptisman. A̱wot ba̱ si̱ mun á̱pyia̱ ma̱ng á̱kum sot á̱niet khwi Yesu ka.

Nta̱m A̱yaata̱m 4:4

A̱wot á̱niet ma̱ a̱di̱di̱t si̱ fa̱k á̱lyiat A̱gwaza na, ba̱ si̱ nwuak a̱chuchuk da̱ ná. Mat a̱nia, á̱kpa á̱niet khwi ka si̱ mbeang á̱ tat chyikwop tsuon, kang ma̱ng á̱nyiuk ma̱ng mman!

A̱romawa 16:26

A̱wot ma̱ninika, A̱sham Nkhang kani, á̱ tyai nka kpa̱sai ma̱nang a̱yaata̱m a̱kwonu A̱gwaza ba ntak á̱zanson ka a̱ni; ma̱ng si̱sak nang A̱gwaza a̱ swuan si̱ nat sang sangba̱p nkam a̱ni. A̱wot á̱ tyai nka da̱ a̱vwuo a̱mgba̱m nnwap mi̱ bibyin swanta hu, da̱nian mba meang ba̱ ka nwuak fwuo di̱ Kristi, ba̱ khwi ngguu.

A̱fisawa 4:11

Ma̱ninika, za̱náng chet jini ja nang Kristi nang á̱niet khwi nggu ba: Á̱ghyang a̱ nang mba za̱náng chet yet a̱yaata̱m, á̱ghyang a̱ si̱ nang mba yet a̱yaata̱m a̱kwonu A̱gwaza, á̱ghyang si̱ yet á̱niet shei A̱sham Nkhang ka da̱ a̱vwuo á̱niet nwai khwi Yesu, á̱ghyang si̱ yet á̱niet chok á̱niet khwi, a̱wot á̱ghyang si̱ yet á̱niet tyiet bya.

2 Timoti 1:2

N dyuut ang wusika jini, n bu mbyiat ang Timoti, nggwon nung mi̱ khwi Kristi nang n chat a̱ni. Yok A̱gwaza a̱ yet A̱tyia̱ a̱ni ma̱ng Kristi Yesu A̱tyoli nzi̱t wu, a̱ fa̱k shok ang, a̱ fa̱k kunak ang, a̱wot a̱ nang ang swat nyinyang.