Yoona 17:17 - A̠lyiat A̠gwaza na di̠n Tyap: A̠li̠ka̠uli A̠fai

¹⁷ “Ja̱u mba ma̱ng a̱chuchuk wu, a̱wot a bu tyiet mba á̱lyiat ang na; ni̱nia yet a̱chuchuk wu.

Yoona 17:17 Iomraidhean Croise

Luka 8:11

“Kyang hu nang kidee jini fa a̱ni, huhwa yet; zwá yak jija yet a̱lyiat A̱gwaza na.

Luka 8:15

“A̱wot a̱tsatsak a̱byin wu a̱ byia̱ bwum hu nang á̱ nnai zwá yak ji a̱ni, kikya yet kidee nfwuo á̱niet ba̱ fa̱k A̱lyiat A̱gwaza na ma̱ng fwuo nyiung. A̱wot ba̱ si̱ sak na mi̱ nfwuo mba na. Ba̱ si̱ bu neap nfwuo mba na. Ba̱ si̱ nnyia̱ nta̱m. Ba̱ si̱ tyia̱ tswá gba̱mgbam.”

Yoona 15:3

Nyin ma̱ninika, nyi yet á̱za̱za̱rak á̱niet bya. Mat a̱lyiat na nang n hyia̱ ma̱ng a̱nyin a̱ni.

Yoona 17:19

Mat bibya mbyia̱ n ja̱u a̱pyia̱ nung di̱ nyia̱ ta̱m, da̱nian mba mameang á̱ ka ja̱u mbaa ba̱ nyia̱ ta̱m shansham mami a̱chuchuk.

Yoona 8:32

Nyi na lyen a̱chuchuk wu, a̱wot a̱chuchuk wu na tyia̱ nyi yet á̱sa̱t á̱niet.”

Yoona 8:40

Nyin bya ba di̱ yong huni, nyi chat nyi hyat nung; nung a̱tyu n tak ma̱ng a̱nyin a̱chuchuk nang n fa̱k da̱ a̱vwuo A̱gwaza a̱ni. A̱nia wa nang Ibrahim ku nnyia̱ bah.

Nta̱m A̱yaata̱m 15:9

Nzi̱t A̱yahudawa ba ma̱ng Nnwap na̱ nwai yet A̱yahudawa a̱ni; A̱gwaza khai a̱yin bah. A̱ chi a̱ka̱tuk nyia̱ mba wu, mat ba̱ nwuak fwuo da̱ nggu meang.

2 A̱korontiyawa 3:18

Mat a̱nia, a̱mgba̱m nzi̱t nang á̱ ka̱n khwuk nzi̱t a̱toot a̱wa ma̱ a̱ghyi nzi̱t ba a̱ni, zi̱ byia̱ a̱wat zi̱ li zi̱ bu tak shi A̱gwaza hu kpa̱sai. A̱wot A̱gwaza wu, a̱ yet A̱za̱za̱rak Ntswa wu a̱ni, a̱ ni̱ tyia̱ zi̱ li nang nggu a̱ni kuzang jen. Mat nang nggu nshai za̱kwa nzi̱t ji zi̱ ka tai nggu ma̱ng a̱kyenkyai shi nggu wu a̱ni.

A̱fisawa 4:21

A̱tsak a̱lyiat, nyi ka̱n fa̱k nkhang Kristi na. A̱wot nyi si̱ myiam a̱chuchuk wu tazwa nggu.

A̱fisawa 5:26

Da̱nian gu ka neap á̱niet khwi ba mbwak Tyok A̱gwaza; ba̱ yet á̱za̱za̱rak á̱niet nang gu jaat ma̱ng a̱sa̱khwot ma̱ng a̱lyiat nggu na a̱ni.

2 A̱ta̱solonikawa 2:13

Á̱niet khwi Yesu ba nang n chat a̱ni, ku yet ta hwa zi̱ gwai A̱gwaza da̱nian nyin kuzang jen. Zi̱ gwai nang A̱gwaza nchat nyin, a̱wot a̱ ku khai nyin, nyin bya nyi tsa shya̱ swuan sang sangba̱p ji. Mat A̱za̱za̱rak Ntswa ja̱u nyin nyi ka yet á̱za̱za̱rak á̱niet, mat nwuak a̱chuchuk nyin hu da̱ a̱tsatsak a̱lyiat wu.

Yakubu 1:21

Mat a̱nia, si̱ nyi weam kuzang tangka̱i a̱ka̱tuk ma̱ng a̱ka̱kpa̱t mi̱ swat nyin hu. Nyi ghyuai á̱pyia̱ nyin a̱zaghyi A̱gwaza ka. A̱wot nyi san a̱lyiat nggu na nang gu ti̱p mi̱ nfwuo nyin na a̱ni. A̱lyiat gu ni̱nia byia̱ chet ku na san swuán nyin ji a̱ni.