Yoona 17:15 - A̠lyiat A̠gwaza na di̠n Tyap: A̠li̠ka̠uli A̠fai

¹⁵ N naai ang da̱nian a ka kyiak ba ghwut ndyo mi̱ swanta huhwa bah. N naai da̱nian a ka chok ba wa, kalak A̱ta̱nyeang ka ka̱ bwuk ma̱ng mba.

Yoona 17:15 Iomraidhean Croise

Matyu 5:37

Da̱ a̱kwonu a̱kya, nyi yok a̱lyiat nyin na na̱ yet a̱fang. Ka̱ nyi shim na nyia̱ kyang, nyi tyia̱ ‘Ii.’ Ka̱ nyi shim bah, nyi tyia̱ ‘Kaai.’ A̱wot ka̱ nyi shyi shyishyi ji̱ swak a̱nia a̱ni, ji̱ neet da̱ a̱vwuo A̱ta̱nyeang kya.

Matyu 6:13

Yok ghwon zi̱t zi̱ kwa di̱n jen mak bah. Da̱ a̱kwonu a̱kya, ti̱n zi̱t ma̱ a̱ka̱tuk wu wa. [[Mat tyok, chet, ma̱ng kyenkyai shi, yet si̱ nwan hwa, si̱ nat sang sangba̱p. Samba̱rka!]]’

Luka 11:4

Chi a̱ka̱tuk nyia̱ nang zi̱ nyia̱ a̱ni; ma̱nang zi̱ nchi a̱bun nang á̱ghyang á̱niet nyia̱ nzi̱t ndyo a̱ni. Yok ghwon nzi̱t zi̱ kwa di̱n jen mak bah.’ ”

Luka 22:32

A̱wot nung, n wa ka̱n naai A̱gwaza da̱nian ang Siman; a na but mi̱ fwuo di̱ nwuak fwuo ang hu da̱ nung bah. Mat a̱nia, jen nang a bye mbwuok a bu nwuak fwuo ang da̱ nung mi̱ chet a̱ni, a ba̱ beang á̱kpa̱ndang ta̱m ang ba, ba̱ yong mi̱ chet di̱ nwuak fwuo mba hu da̱ nung.”

A̱ga̱la̱tiyawa 1:4

Yesu wa ku nwuak swuan nggu ji da̱nian a̱ ka ti̱n nzi̱t a̱ ghwut ndyo ma̱ a̱ka̱tuk nyia̱ nzi̱t wu, ma̱nang A̱gwaza a̱ yet A̱tyia̱ nzi̱t wu ku nda̱p a̱ sak a̱ni. Yesu ku nyia̱ a̱nia, da̱nian a̱ ka san nzi̱t ma̱ a̱ka̱tuk jen wuni nang zi̱ nshya̱ a̱ni.

2 A̱ta̱solonikawa 3:3

A̱wot A̱tyoli Yesu yet a̱tsotswat wa. A̱ na tyia̱ nyin gba̱gbak nyi yong mi̱ chet. A̱ bu ti̱n nyin bwak a̱ka̱tuk a̱yin a̱wa, nggu wa yet A̱ta̱nyeang ka.

2 Timoti 4:8

A̱wot ma̱ninika, á̱ sak zang á̱ nfwuong nung. Ji̱ yet a̱tsotswat nbung tyok nang A̱tyoli Yesu a̱ yet a̱tsotswat ma̱ng a̱tan a̱tyu nyia̱ shi̱ri̱ya wu a̱ni, bye nwuak nung a̱tuk nyia̱ shi̱ri̱ya ka a̱ni. A̱wot zang jini ji yet si̱ nung ja ma̱nyin nung bah. Ji̱ bu yet si̱ a̱mgba̱m á̱niet ba̱ swan mi̱ di̱dang á̱ fwuong bwuok nggu hu, da̱nian ba̱ ka li bai nggu hu a̱ni.

1 Yoona 5:18

Zi̱ lyen nang konyan wa yet nggwon A̱gwaza a̱ ya a̱son mi̱ nyia̱ a̱ka̱tuk nyia̱ nchi̱ri̱ng bah, mat Yesu a̱ yet a̱tsak Nggwon A̱gwaza ka a̱ni, chok gu, kalak A̱ta̱nyeang ka ka̱ du tyia̱ nggu swuo a̱bung.

1 Yoona 5:19

Zi̱ lyen nang zi̱ ngyet mman A̱gwaza nia, a̱wot a̱mgba̱m swanta hu shya̱ mbwak tyok A̱ta̱nyeang hwa.