Yoona 17:14 - A̠lyiat A̠gwaza na di̠n Tyap: A̠li̠ka̠uli A̠fai

¹⁴ N si̱ ntak ma̱ng a̱mba A̱lyiat ang na. A̱wot á̱niet mi̱ swanta ba si̱ lak li mbaa, mat ba̱ yet á̱niet mi̱ swanta bya bah; ma̱nang nung n nwai ngyet a̱tyu mi̱ swanta wu a̱ni.

Yoona 17:14 Iomraidhean Croise

Ma̱rkut 10:39

Ba̱ si̱ nyia̱, “Ii, zi̱ maai!” Yesu si̱ nyia̱ ma̱ng a̱mba, “A̱tsak a̱lyiat, nyi na swuo ma̱ a̱kashyi swuo a̱bung nang n na nswuo a̱ni; a̱wot ba̱ptisman swuo a̱bung nang á̱ na nyia̱ nung dyo a̱ni, jija á̱ na nyia̱ nyin dyo.

Yoona 17:16

Ba̱ yet á̱si̱ mi̱ swanta bya bah, ma̱nang nung n nwai ngyet a̱tyu mi̱ swanta wu a̱ni.

Yoona 17:8

A̱lyiat na nang a ku hyia̱ ma̱ng a̱nung nyia̱ n si̱ hyia̱ ma̱ng mba a̱ni; n ku hyia̱ ma̱ng a̱mba, ba̱ si̱ san. Ba̱ lyen za̱m nang nung n neet da̱ a̱vwuo ang kya. A̱wot ba̱ si̱ nwuak a̱chuchuk nang nwan wa ta̱m nung.

Yoona 7:7

Swanta hu si̱ mi̱n dak nyin bah. A̱wot nung gwa nang á̱niet mi̱ swanta ba lak li hu. Mat n tak ma̱ng a̱mba nang ba̱ nyian a̱ka̱tuk nkyang.

Yoona 8:23

Huhwa Yesu si̱ nyia̱ ma̱ng a̱mba a̱ni, “Nyin, nyi shya̱ a̱byin kya a̱ji. A̱wot nung, n neet Ma A̱gwaza tswazwa kya. Nyin, nyi yet á̱niet mi̱ swanta bya. A̱wot nung, n gyet a̱tyu mi̱ swanta wuni wa bah.

1 Yoona 3:12

Ku myim zi̱ yok tai Kayinu a̱ yet a̱si̱ A̱ta̱nyeang a̱ni bah. Nggu wa ku hyat a̱na̱nyiuk nggu wu, Abila. Yihwa mbyia̱ Kayinu ku nhyat a̱na̱nyiuk nggu wu? Mat nta̱m Kayinu na ku yet a̱ka̱tuk, a̱wot si̱ Abila na si̱ yet a̱tsotswat wa.

1 Yoona 3:13

Mat a̱nia, nyin á̱na̱nyiuk nung ba, nyi yet á̱niet khwi Kristi a̱ni, ka̱ á̱niet swanta ba lak li nyin, nyi yok fa̱k a̱ga̱de di̱ si̱ a̱hwa bah.