Yoona 17:12 - A̠lyiat A̠gwaza na di̠n Tyap: A̠li̠ka̠uli A̠fai

¹² Nang n ku nshya̱ dundung ma̱ng a̱mba a̱ni, n ku nchok ba mi̱ chet a̱lyoot ang hu; a̱lyoot ka nang a ku tyia̱ nung a̱ni. N si̱ nkeang mba ntyia̱, á̱ si̱ byia̱ a̱tyu a̱ bwuk a̱ni bah; a̱tyo nyiung wa ma̱nyin nggu ku bwuk. A̱ ku bwuk wa ma̱nang á̱ ku ndyuut mami A̱lyiat A̱gwaza na a̱ni, ku si̱ bai ma̱ cha̱chaat da̱ a̱nu ka.

Yoona 17:12 Iomraidhean Croise

Yoona 13:18

“A̱mgba̱m nyin wa nang n dyiat bah. N dyen á̱niet ba nang n ku nkhai ma̱ nyin a̱ni. A̱mgba̱m ma̱ng a̱nia, ku yet ta hwa A̱lyiat A̱gwaza na na̱ bai cha̱chaat nyia̱, ‘A̱tyu a̱ ya kyayak hu ma̱ng a̱nung a̱ni, a̱ bwuak a̱ si̱ tyia̱ a̱tyu lak li nung.’

Yoona 17:6

“N wa ka̱n tyai za̱kwa ang ji da̱ a̱vwuo á̱niet nang a nwuak nung mi̱ swanta hu a̱ni. Neet a̱fwun bah, ba̱ yet á̱niet ang bya. Mat a̱nia, a si̱ nwuak nung mbaa. Mba mameang, ba̱ si̱ khwi a̱lyiat ang na.

Yoona 18:9

Yesu ku hyia̱ a̱lyiat nani, da̱nian na̱ ka nat cha̱chaat ma̱ng a̱lyiat na nang gu ku mi̱ nhyia̱ ma̱ng a̱mba nyia̱, “A̱tyia̱, mami á̱niet ba nang a nwuak nung a̱ni; a̱tyo nyiung ma̱ng a̱mba, na bwuk bah.”

Yoona 6:37

“A̱mgba̱m á̱niet ba nang A̱tyia̱ nung wu nwuak nung a̱ni, ba̱ na bai da̱ a̱vwuo nung. A̱wot a̱tyu a̱ bai da̱ a̱vwuo nung a̱ni, n si̱ mi̱n dak gu bah, ku ma̱ chunchwiit!

Nta̱m A̱yaata̱m 1:25

Nggu wa na kyiak a̱vwuo nta̱m Yahuda nang gu kai a̱ ghwon a̱ni, a̱tyu a̱wa a̱ yet a̱ta̱m shei a̱lyiat ang wu. Mat Yahuda ku kai nzi̱t a̱ ghwon a̱ si̱ kai vak a̱pyia̱ nggu, a̱ si̱ khwu.”

A̱filibiyawa 2:9

Mat a̱nia, A̱gwaza si̱ mbeang gu shi, a̱ si̱ sak gu da̱ a̱vwuo ka̱ swak ma̱ng shi a̱ni. A̱wot A̱gwaza si̱ nwuak gu a̱lyoot tyok ka̱ swak kuzang a̱lyoot ma̱ng shi a̱ni;

2 A̱ta̱solonikawa 2:3

Nyi yok shim a̱yin a̱ laai nyin di̱ kuzang vak bah. Mat mam a̱hwa na bai bah, si̱ nang jen a̱chi̱nchi̱ri̱ng á̱niet swanta ji bai, a̱gwam tyei zat a̱wa a̱ swan a̱ni, á̱ sii tyai gu kpa̱sai. A̱gwam wuni wa ni̱ chong ma̱ng a̱khwu ka.

Ibriniyawa 2:13

Yesu si̱ bu nyia̱, “N na nwuak fwuo nung hu da̱ A̱gwaza.” Á̱ fa, “Nung ma̱ng mman nung na nang A̱gwaza tyia̱ nung dyo mbwak a̱ni.”

1 Yoona 2:19

Á̱niet lak li Kristi bani ghwut mi̱ susot á̱niet khwi nzi̱t ji ja. A̱wot ba̱ ku shya̱ ndung ma̱ng a̱nzi̱t bah. Ka̱ á̱ wa nyia̱ ba̱ ku shya̱ ndung ma̱ng a̱nzi̱t, si̱ ba̱ na ya a̱son dundung ma̱ng a̱nzi̱t. Nang ba̱ nghwut, ba̱ si̱ ghwon nzi̱t a̱ni, si̱ huni tak kpa̱sai da̱nang ba̱ za ku nshya̱ ndung ma̱ng a̱nzi̱t bah.

Tyai Á̱zanson 19:12

Tswá á̱ghyi nggu ji ya á̱ghyi ma̱ mya̱myat a̱myat nang a̱lya̱ra̱p ndong a̱ni! A̱wot a̱ si̱ kup búng tyok ma̱ a̱di̱di̱t a̱pyia̱ nggu ka! Á̱ si̱ lyuut a̱lyoot da̱ a̱nggu nang a̱yin si̱ mi̱n fi̱k a̱ni bah, si̱ ma̱ nggu ma̱nyin gu!