Yoona 17:11 - A̠lyiat A̠gwaza na di̠n Tyap: A̠li̠ka̠uli A̠fai

¹¹ “A̱wot ma̱ninika, n bwuot chobai da̱ a̱vwuo ang. N bu na swan mi̱ swanta huni bah. Bibya ni̱ ya nswan mi̱ swanta hu. Nwan A̱za̱za̱rak A̱tyia̱ nung! Chok ba ma̱ng tyok a̱lyoot ang nhu; a̱lyoot ka nang a ku tyia̱ nung da̱nian ba̱ ka mun á̱pyia̱ ma̱ng á̱ghyang; ma̱ cha̱chaat nang nwan ma̱ng a̱nung, zi̱ mmun á̱pyia̱ ma̱ng á̱ghyang a̱ni.

Yoona 17:11 Iomraidhean Croise

Matyu 10:16

“Nyi fa̱k, n ta̱m nyin nang zón seap a̱ni da̱ a̱vwuo a̱ka̱bwu a̱yit. Mat a̱nia, si̱ nyi swan cham nang zwák a̱ni. A̱wot nyi sang a̱ka̱kpa̱t nang a̱yaabwa a̱ni.

Matyu 5:48

Mat a̱nia, ku yet ta hwa nyi yet á̱tsatsak á̱niet, ma̱nang A̱tyia̱ nyin wu a̱ shya̱ tswazwa ka ngyet a̱tsatsak a̱ni.”

Matyu 6:9

A̱ni wa nang nyi na nnaai A̱gwaza wu nchi̱ri̱ng; ‘A̱tyia̱ nzi̱t wu a̱ shya̱ tswazwa ka a̱ni, á̱ ja̱u a̱lyoot ang ka.

Yoona 13:1

Neet nang jen song A̱yet Ghwut Mman Isi̱rela mi̱ Khwo ji ka̱ mbai bah, Yesu ku mi̱ ndyen nang jen gu na nghwon swanta huni gu bwuok a̱ nat da̱ a̱vwuo A̱tyia̱ nggu. Mat nang Yesu nchat á̱niet nggu ba, ba̱ shya̱ mi̱ swanta hu a̱ni. A̱wot a̱ si̱ bu tak mba tangka̱i a̱jhyem chat nang gu byia̱ da̱nian mba a̱ni.

Yoona 13:3

Yesu ku lyen nang A̱tyia̱ nggu wu ntyia̱ kuzang kyang bwak gu. A̱ si̱ bu lyen nang gu nneet da̱ a̱vwuo A̱gwaza, a̱wot a̱ bu na bwuok a̱ nat da̱ a̱vwuo A̱gwaza kya.

Yoona 14:20

A̱tuk a̱kyakya nang nyi na ndyen nang nung nshya̱ mami A̱tyia̱ nung; nyin, nyi si̱ ma nshya̱ mami nung; nung mameang, n si̱ ma shya̱ mami nyin.

Yoona 16:28

N ghwut neet da̱ a̱vwuo A̱tyia̱ kikya, n si̱ mbai mi̱ swanta hu. A̱wot ma̱ninika, n na ghwon swanta hu, n bwuok nat da̱ a̱vwuo A̱tyia̱ nung ka.”

Yoona 16:33

“N wa ka̱n tak ma̱ng nyin nkyang nani, da̱nian nyi ka shya̱ dundung ma̱ng a̱nung. Nyi na shya̱ swat nyinyang. Mi̱ swanta hu nyi na swuo a̱bung. Ma̱ng a̱nia, nyi gwai, mat n wa ka̱n swuo chet swanta hu!”

Yoona 17:23

N na swan dundung ma̱ng a̱mba; nwan mameang, a ma nswan dundung ma̱ng a̱nung. Yok ba̱ mun á̱pyia̱ za̱m, ku na tyia̱ á̱niet ma̱ a̱di̱di̱t mi̱ swanta hu ba̱ lyen nang nwan wa nta̱m nung; a̱wot ba̱ bu lyen nang a nchat ba ma̱ cha̱chaat nang a nchat nung a̱ni.

Yoona 17:25

“A̱tsotswat A̱tyia̱ nung, á̱niet mi̱ swanta ba lyen ang bah. A̱wot nung, n dyen ang. Á̱niet bani mameang, ba̱ si̱ lyen nang nwan wa nta̱m nung.

Yoona 17:6

“N wa ka̱n tyai za̱kwa ang ji da̱ a̱vwuo á̱niet nang a nwuak nung mi̱ swanta hu a̱ni. Neet a̱fwun bah, ba̱ yet á̱niet ang bya. Mat a̱nia, a si̱ nwuak nung mbaa. Mba mameang, ba̱ si̱ khwi a̱lyiat ang na.

Yoona 7:33

Yesu si̱ nyia̱, “N na nswan ma̱ng a̱nyin da̱ a̱banjen ma̱ a̱da̱dei. A̱wot n na mbwuok nat da̱ a̱vwuo a̱tyu a̱ ta̱m nung a̱ni.

Nta̱m A̱yaata̱m 3:21

Mat ku yet ta hwa, Yesu a̱ ya a̱son ma̱ng swat Ma A̱gwaza tswazwa; a̱ fwuong jen ji nang á̱ na mbwuak kuzang nkyang nang A̱gwaza mat, na̱ tyia̱ fai a̱ni; ma̱nang A̱gwaza ku nyia̱ a̱li̱ka̱uli a̱bwonu á̱za̱za̱rak a̱yaata̱m a̱kwonu nggu ba gbangbang a̱ni.

A̱romawa 12:5

Ma a̱nia wa, zi̱ yet á̱niet ma̱ a̱di̱di̱t bya zi̱ yet vam nyiung mami Kristi a̱ni. A̱wot kuzang a̱yin ma̱ nzi̱t yet kap a̱ghyang nggu hwa.

A̱romawa 9:17

Ma̱nang A̱gwaza ku ntak ma̱ng Fi̱ra̱una a̱ni, nyia̱, “N ku nkup ang tyok hu, da̱nian n ka tak chet nung hu da̱ a̱vwuo ang. N bu ntyia̱ á̱ lyen a̱lyoot nung ka koji mi̱ swanta hu.”

1 A̱korontiyawa 1:10

N naai nyin á̱niet khwi Yesu ba nang n chat a̱ni, mami tyok a̱lyoot A̱tyoli nzi̱t Yesu Kristi, nyi swan swat nyinyang ma̱ng á̱ghyang nyin. Nyi yok ghai di̱ susot bah. Da̱ a̱kwonu a̱kya, nyi swan ma̱ng mun á̱pyia̱, nyi yok a̱di̱dam nyin wu ma̱ng kyang nang nyi chat a̱ni, ku yet nyiung.

A̱ga̱la̱tiyawa 3:28

Mat a̱nia, á̱ bu nkhap a̱tyu A̱yahudawa ma̱ng a̱tyu Nnwap a̱ nwai yet A̱yahudawa a̱ni zan bah. Da̱ mba, á̱ nkhap a̱khwo ma̱ng nggwon a̱li zan bah. Da̱ mba, á̱ nkhap a̱tyok ma̱ng a̱byii̱k zan bah. A̱mgba̱m nyin, nyi yet kyang nyiung hwa, mat mun á̱pyia̱ nyin hu ma̱ng Yesu Kristi.

A̱fisawa 4:4

Mat zi̱ yet vam nyiung hwa, zi̱ si̱ byia̱ A̱za̱za̱rak Ntswa a̱nyiung. Ma a̱nia wa, a̱mgba̱m zi̱t, zi̱ byia̱ tyia̱ fwuo nyiung nang A̱gwaza nyia̱ nzi̱t a̱li̱ka̱uli di̱n jen nang gu ku ngyorong nzi̱t a̱ni.

A̱filibiyawa 2:9

Mat a̱nia, A̱gwaza si̱ mbeang gu shi, a̱ si̱ sak gu da̱ a̱vwuo ka̱ swak ma̱ng shi a̱ni. A̱wot A̱gwaza si̱ nwuak gu a̱lyoot tyok ka̱ swak kuzang a̱lyoot ma̱ng shi a̱ni;

Ibriniyawa 1:3

Nggwon kikya tyai a̱kyenkyai shi A̱gwaza wu. A̱wot ka̱ si̱ bu tyai za̱kwa A̱gwaza ji ma̱ cha̱chaat. Kikya ba̱ng a̱mgba̱m kuzang kyang mi̱ swanta hu, mat chet a̱lyiat nka hu. Nang nggwon ka ntyak chi a̱ka̱tuk nyia̱ ka̱ si̱ jaat zi̱t a̱ni, ka̱ si̱ swan di̱n chuk tyok a̱zayak A̱gwaza Tswazwa, A̱ byia̱ A̱tsatsak A̱gba̱ndang Tyok a̱ni.

Ibriniyawa 9:24

Mat Kristi ku nwuo ma̱ A̱za̱za̱rak Suswak nang á̱nietbishyi bya tat a̱ni bah, mat hu ku yet mi̱ ghwughwu a̱za̱za̱rak a̱vwuo ka̱ shya̱ Ma A̱gwaza tswazwa a̱ni. Da̱ a̱kwonu a̱kya, Kristi si̱ nwuo Ma A̱gwaza tswazwa. A̱ja wa nang gu nshya̱ ma̱nini a̱zaghyi A̱gwaza tswazwa da̱nian nzi̱t.

Yakubu 4:4

Nyin á̱niet katnaan! Nyi lyen nang kpa̱ndang ma̱ng swanta hu ngyet na̱nvan hwa ma̱ng A̱gwaza baa? Mat a̱nia, konyan wa nyia̱ kpa̱ndang ma̱ng swanta hu, a̱ nyia̱ na̱nvan hwa ma̱ng A̱gwaza.

1 Bitut 1:5

A̱wot mat si̱sak nang zi̱ nnwuak fwuo da̱ A̱gwaza a̱ni, a̱ si̱ chok zi̱t ma̱ng chet nggu hu, si̱ nang zi̱ nsan swuan sang sangba̱p ngaan ji, nang gu sak a̱ na tyai kpa̱sai, konyan a̱ ka lii da̱ ngaan jen wu a̱ni.

1 Yoona 3:12

Ku myim zi̱ yok tai Kayinu a̱ yet a̱si̱ A̱ta̱nyeang a̱ni bah. Nggu wa ku hyat a̱na̱nyiuk nggu wu, Abila. Yihwa mbyia̱ Kayinu ku nhyat a̱na̱nyiuk nggu wu? Mat nta̱m Kayinu na ku yet a̱ka̱tuk, a̱wot si̱ Abila na si̱ yet a̱tsotswat wa.

1 Yoona 5:19

Zi̱ lyen nang zi̱ ngyet mman A̱gwaza nia, a̱wot a̱mgba̱m swanta hu shya̱ mbwak tyok A̱ta̱nyeang hwa.

Yahuda 1:1

Nung Yahuda, a̱khwo Yesu Kristi, n gyet a̱na̱nyiuk Yakubu. Nung gwa n dyuut nyin wusika jini. N dyuut nyin, a̱mgba̱m á̱niet ba nang A̱gwaza a̱ yet A̱tyia̱ yei a̱ni; á̱si̱ ba ba̱ bu mun á̱pyia̱ ma̱ng a̱nggu A̱gwaza, a̱ yet A̱tyia̱ wu a̱ chat ba ba̱t, a̱ si̱ bu tyia̱ mba mbwak Yesu Kristi gu ka chok ba a̱ni.

Yahuda 1:24

Ma̱ninika, yok a̱mgba̱m a̱kyenkyai shi a̱ yet a̱si̱ A̱gwaza a̱ni, nggu wa maai a̱ byia̱k nyin nyi du ga̱u; a̱wot a̱ bu bai ma̱ng a̱nyin ma̱ng a̱gba̱ndang a̱gwai mami a̱kyenkyai shi nggu wu nang á̱niet sang a̱bun a̱zaghyi nggu a̱ni.

Tyai Á̱zanson 15:4

Ka̱a̱t A̱gwaza! A̱nyan wa na nwai fa̱k a̱wun ang, a̱wot a̱ bu nwuak a̱lyoot ang ka shi?! Mat nwan wa ma̱nyin ang yet A̱za̱za̱rak wu! A̱mgba̱m nnwap mi̱ bibyin swanta na na bai na̱ kwok ang ntong, mat á̱ tyai a̱tsotswat nta̱m ang wu kpa̱sai!”

Tyai Á̱zanson 19:12

Tswá á̱ghyi nggu ji ya á̱ghyi ma̱ mya̱myat a̱myat nang a̱lya̱ra̱p ndong a̱ni! A̱wot a̱ si̱ kup búng tyok ma̱ a̱di̱di̱t a̱pyia̱ nggu ka! Á̱ si̱ lyuut a̱lyoot da̱ a̱nggu nang a̱yin si̱ mi̱n fi̱k a̱ni bah, si̱ ma̱ nggu ma̱nyin gu!

Tyai Á̱zanson 4:8

Nkyang nswuan naai a̱nia, kuzang hu si̱ byia̱ nfeap a̱taa. Nfeap mba na si̱ byia̱ tswá á̱ghyi, á̱ tyong á̱ kaat a̱tafa ma̱ng tazwa! Kuzang a̱tuk, a̱ta̱mam ma̱ng a̱tyetuk, ba̱ ni̱ yong di̱ bubwom dyep A̱gwaza nyia̱, “A̱gwaza a̱ yet A̱tyoli a̱ byia̱ A̱mgba̱m Tyok a̱ni; a̱ yet a̱za̱za̱rak, a̱za̱za̱rak, a̱za̱za̱rak! Nggu wa ku nshya̱ kuzang jen! Nggu wa bu nshya̱ ma̱nini! A̱wot nggu wa bu na bai!”