Yoona 17:10 - A̠lyiat A̠gwaza na di̠n Tyap: A̠li̠ka̠uli A̠fai

¹⁰ A̱mgba̱m á̱niet ba ba̱ yet á̱si̱ nung a̱ni, á̱si̱ nwan bya. A̱wot a̱mgba̱m á̱niet ba nang a byia̱ a̱ni, á̱si̱ nung bya. A̱wot bibya shei a̱kyenkyai shi nung wu.

Yoona 17:10 Iomraidhean Croise

Yoona 10:30

Nung ma̱ng A̱tyia̱ nung wu, zi̱ yet kyang nyiung hwa.”

Yoona 11:4

Nang Yesu nfa̱k a̱nia a̱ni, huhwa gu nyia̱, “Zwan ji nyia̱ Laaza̱rut a̱ni, zwan a̱khwu ja bah. Ji̱ na bai ma̱ng A̱gwaza wa shi ma̱ng Nggwon ka.”

Yoona 12:23

Huhwa Yesu si̱ nwuak ba shim nyia̱, “Jen nyia̱ nang á̱ na nnwuak Nggwon A̱tyubishyi a̱kyenkyai shi a̱ni.

Yoona 5:23

Da̱nian a̱mgba̱m á̱niet ba ba̱ ka nwuak Nggwon ka shi, ma̱ cha̱chaat nang ba̱ nnwuat A̱tyia̱ wu a̱ ta̱m ma̱ng a̱nka a̱ni.

Nta̱m A̱yaata̱m 19:17

Nkhang kyang nang á̱ nyia̱ a̱ni, si̱ nwuo ma̱ a̱fufwuo A̱yahudawa ma̱ng A̱helenawa ba̱ shya̱ A̱fisut a̱ni. A̱wot a̱wun si̱ ta̱bat a̱mgba̱m á̱niet ba̱ shya̱ ma̱ a̱keang ka a̱ni ba̱t. Ba̱ si̱ dyep a̱lyoot A̱tyoli Yesu ka.

A̱ga̱la̱tiyawa 1:24

A̱jawa á̱niet khwi ba si̱ kin ta̱bat dyep A̱gwaza, da̱nian kyang nang gu nyia̱ nung dyo a̱ni.

A̱filibiyawa 1:20

Mat n tyia̱ fwuo ma̱ng di̱dang, n si̱ mba̱ng fwuo ba̱t, nang n si̱ mi̱n mak fa̱k nsum bah. A̱wot n na chat n gya a̱son ma̱ng gbang a̱lyia̱ di̱ shei A̱sham Nkhang tazwa Kristi, ma̱nang n ku nnyia̱ di̱n jen ji ji̱ swak a̱ni. A̱wot n nwuak a̱chuchuk tangka̱i swat nang n swan a̱ni, na nwuak Kristi shi, ku nang n shya̱ a̱chet, ku nang n ka̱n khwu.

A̱kolosiyawa 2:9

Mat mi̱ Kristi wa ma̱nyin nggu nang á̱ ndi a̱jhyem za̱kwa A̱gwaza wu mi̱ vam a̱tyubishyi.

2 A̱ta̱solonikawa 1:10

A̱tuk ka A̱tyoli Yesu na mbwuok a̱ bai á̱ nwuak gu a̱kyenkyai shi nggu wu a̱ni, a̱mgba̱m á̱za̱za̱rak á̱niet khwi ba ba̱ nwuak fwuo da̱ nggu a̱ni, ba̱ bye fa̱k a̱ga̱de. Ba̱ sak mbwak a̱bwonu. Nyin meang, nyi bye fa̱k a̱ga̱de, mat nyi ku nwuak a̱chuchuk da̱ a̱lyiat nang zi̱ ku tak ma̱ng a̱nyin a̱ni.

2 A̱ta̱solonikawa 1:12

Zi̱ bu naai A̱gwaza, á̱ ka dyep a̱lyoot A̱tyoli Yesu da̱nian tangka̱i swat nyin hu, a̱wot nyin meang A̱gwaza bu na dyep nyin, mat shok nggu ji da̱ nzi̱t ma̱ng a̱si̱ A̱tyoli nzi̱t wu Yesu Kristi.

1 Bitut 2:9

A̱wot nyi li a̱nia bah, mat nyi yet kwai nang A̱gwaza khai a̱ni. Nyi yet a̱yaapris a̱gba̱ndang A̱gwam, a̱za̱za̱rak nwap, ma̱ng á̱niet ba̱ yet a̱si̱ A̱gwaza a̱ni. Mat a̱nia, nyi na tak á̱ghyang á̱niet a̱cha̱chet a̱tan nkyang a̱ga̱de nang A̱gwaza nyia̱ a̱ni. Mat A̱gwaza yorong nyin a̱ ghwut ndyo mi̱ ndyin a̱ nat ndyo ma̱ a̱kyenkyai sai nggu wu.