Yoona 17:1 - A̠lyiat A̠gwaza na di̠n Tyap: A̠li̠ka̠uli A̠fai

¹ Nang Yesu ntyak á̱lyiat nani a̱ni, huhwa gu si̱ gba̱t á̱ghyi, a̱ si̱ nwuan Ma A̱gwaza tswazwa. A̱ si̱ naai nyia̱, “A̱tyia̱ nung, jen nyia̱. Nwuak nggwon ang ka shi; nka mameang, ka̱ ma nwuak ang shi.

Yoona 17:1 Iomraidhean Croise

Ma̱rkut 14:41

Nang gu mbwuok a̱ bai da̱ a̱ka̱tat ka a̱ni, a̱ si̱ nyia̱ ma̱ng a̱mba, “Nyi ni̱ ya a̱son ma̱ng khat nda na, fwung waa? Kaai, jen ji nyia̱! Nyi li, á̱ tyia̱ nggwon A̱tyubishyi mbwak á̱ka̱tuk á̱niet.

Luka 18:13

“A̱wot nggu a̱tyu saai kurum ga̱ndu wu, a̱ si̱ shya̱i a̱ yong ma̱ gbang. A̱ si̱ byian á̱ghyi, a̱ si̱ totong ba a̱byin. A̱ si̱ sak mbwak di̱ fi̱ri̱ng. A̱ si̱ nyia̱, ‘A̱gwaza, ma̱sa̱kut fa̱k kunak nung! Mat, n ngyet a̱tyu a̱ka̱tuk nyia̱ wa!’

Luka 22:53

Kuzang a̱tuk n ni̱ shya̱ dundung ma̱ng a̱nyin tyiet A̱mali Nwuat Za̱nang A̱gwaza ka. Da̱ nyin, nyi ta̱bat nung mi̱ jen a̱ja bah. A̱wot jen jini yet si̱ nyin ja. Jen jini ja nang a̱ka̱tuk ndyin nnyia̱ tyok mi̱ swanta hu.”

Yoona 11:4

Nang Yesu nfa̱k a̱nia a̱ni, huhwa gu nyia̱, “Zwan ji nyia̱ Laaza̱rut a̱ni, zwan a̱khwu ja bah. Ji̱ na bai ma̱ng A̱gwaza wa shi ma̱ng Nggwon ka.”

Yoona 11:41

Ba̱ si̱ yuut a̱fang ka á̱ sak zan. Yesu si̱ gba̱t á̱ghyi Ma A̱gwaza tswazwa. A̱ si̱ nyia̱, “Nwan A̱tyia̱ nung, n gwai ma̱ng a̱nwan nang a mmyiai a̱fufwuo a si̱ fa̱k nung a̱ni.

Yoona 12:23

Huhwa Yesu si̱ nwuak ba shim nyia̱, “Jen nyia̱ nang á̱ na nnwuak Nggwon A̱tyubishyi a̱kyenkyai shi a̱ni.

Yoona 13:1

Neet nang jen song A̱yet Ghwut Mman Isi̱rela mi̱ Khwo ji ka̱ mbai bah, Yesu ku mi̱ ndyen nang jen gu na nghwon swanta huni gu bwuok a̱ nat da̱ a̱vwuo A̱tyia̱ nggu. Mat nang Yesu nchat á̱niet nggu ba, ba̱ shya̱ mi̱ swanta hu a̱ni. A̱wot a̱ si̱ bu tak mba tangka̱i a̱jhyem chat nang gu byia̱ da̱nian mba a̱ni.

Yoona 16:32

To, ka̱ a̱nia wa, jen na bai, di̱ yong huni ji wa ka̱n nyia̱, nang á̱ na nseang nyin! Konyan a̱ bwuok a̱ nat a̱mali nggu, nyi ghwon nung ma̱nyin nung! Ma̱ng a̱nia, nung gwa ma̱nyin nung bah; a̱tyia̱ nung wu shya̱ dundung ma̱ng a̱nung.

Yoona 7:30

Huhwa, ba̱ si̱ chat ba̱ ta̱bat gu. A̱wot a̱yin si̱ sak gu bwak bah. Mat jen a̱khwu nggu ji ka̱n nyia̱ bah.

Yoona 7:39

(Yesu lyiat á̱lyiat nani tazwa A̱za̱za̱rak Ntswa wu nang á̱niet ba̱ nwuak fwuo da̱ nggu na san a̱ni. Mat ba̱ng ba̱ tat jen jini á̱ ka̱n ta̱m ma̱ng A̱za̱za̱rak Ntswa wu bah. Mat á̱ ka̱n ta̱ngam Yesu ma̱ng swuan ma̱ á̱niet ba̱ ka̱n kwi a̱ni, a̱ si̱ shya̱ a̱kyenkyai shi tyok nggu wu bah.)

Yoona 8:20

Yesu ku lyiat a̱lyiat nani di̱n jen tyiet nggu ji mi̱ didyaat A̱li Nwuat Za̱nang A̱gwaza, nang gu shya̱ kpa̱mkpaan ma̱ng a̱vwuo khwot kurum ka. A̱mgba̱m ma̱ng a̱nia, á̱ ku mbyia̱ a̱tyu a̱ na ta̱bat gu a̱ni bah; mat nang jen nta̱bat gu ji ka̱n nyia̱ bah.

Nta̱m A̱yaata̱m 3:13

A̱gwaza Ibrahim, ma̱ng Ishaku, ma̱ng Yakubu, a̱ yet A̱gwaza a̱mgba̱m a̱yaatyia̱ a̱khwop nzi̱t ba a̱ni; nggu wa nwuak a̱khwo nggu wu Yesu shi gu choot a̱tyu wuni! Nggu wa yet Yesu wu nang nyi ku lak, nyi si̱ tyia̱ nggu mbwak gwomna Bilatut; ku nang gwomna Bilatut ku nchat a̱ kai nggu a̱ ghwon a̱ni.

1 Bitut 1:21

Mami Kristi kya nang nyi nnwuak fwuo da̱ A̱gwaza. A̱wot nyi si̱ nwuak a̱chuchuk ma̱ng tyia̱ fwuo da̱ A̱gwaza, mat a̱ ku ta̱ngam Kristi ma̱ á̱niet ba̱ ka̱n kwi a̱ni, a̱wot a̱ si̱ nwuak gu a̱gba̱ndang shi.