Yoona 16:8 - A̠lyiat A̠gwaza na di̠n Tyap: A̠li̠ka̠uli A̠fai

⁸ Jen ji nang A̱tyu Beang wu na mbai a̱ni, a̱ na tak á̱niet mi̱ swanta ba nang a̱di̱dam mba wu ngyet bah; tazwa a̱ka̱tuk nyia̱, ma̱ng tsotswat, mbeang shi̱ri̱ya.

Yoona 16:8 Iomraidhean Croise

Yoona 16:7

A̱wot, n shei nyin a̱chuchuk; ka̱ n ghwon nyin, ku na yet nyin a̱sham za̱m. Mat, ki̱ n nkat n si̱ ghwon nyin bah, A̱tyu Beang wu na bai da̱ a̱vwuo nyin bah. Huhwa mbyia̱, ka̱ n nkat, n na nta̱m ma̱ng a̱nyin guu.

Yoona 16:9

“A̱tyu Beang na tyiet mba nang a̱di̱dam mba wu tazwa a̱ka̱tuk nyia̱ ngyet bah. Mat ba̱ lak nwuak fwuo da̱ nung.

Yoona 8:46

“Mami nyin, a̱nyan wa doot a̱ tak nang gu ka̱n di nang n nyia̱ a̱ka̱tuk nyia̱? Ka̱ a̱tsatsak a̱lyiat wa nang n dyiat, yihwa mbyia̱ nang nyi ndak nwuak fwuo hu da̱ nung?

Yoona 8:9

Nang ba̱ nfa̱k a̱nia a̱ni, ba̱ si̱ ya̱bam á̱ vwuot a̱nyanyin kyiak neet da̱ a̱niet khwop si̱ nat da̱ a̱shushyuo. Ba̱ si̱ ghwon Yesu a̱ja ma̱nyin nggu ma̱ng a̱byii̱k wu.

Nta̱m A̱yaata̱m 2:37

Nang ba̱ nfa̱k á̱lyiat Bitut na a̱ni, na̱ si̱ kpaat ba mi̱ nfwuo mba na. Ba̱ si̱ fi̱k nang ba̱ mbwuo a̱bun, ba̱ si̱ lyip Bitut ma̱ng á̱kum a̱yaata̱m ka nyia̱, “Á̱na̱nyiuk, yihwa zi̱ na nyia̱?”

1 A̱korontiyawa 14:24

A̱wot ka̱ a̱mgba̱m nyin sot á̱niet khwi Yesu shya̱ di̱ shei a̱lyiat A̱gwaza na nang A̱za̱za̱rak Ntswa tyai nyin ndyo a̱ni, a̱wot á̱niet nwai khwi Yesu, ku á̱niet ba̱ nwai fi̱k nkyang nani a̱ni, si̱ bai ma̱ a̱tung sot á̱niet khwi nyin ka; a̱lyiat A̱gwaza na na kpaat mbaa mi̱ nfwuo mba na mat a̱ka̱tuk nyia̱ mba wu. A̱wot na̱ nyia̱ mba shi̱ri̱ya mat kyang nang nyi shei a̱ni.

Yahuda 1:15

Da̱nian gu ka nyia̱ shi̱ri̱ya nggu ji tazwa a̱mgba̱m á̱niet mi̱ swanta ba. A̱ na tak a̱bun a̱mgba̱m á̱niet ba̱ lak khwi nggu a̱ni, mat a̱mgba̱m a̱ka̱tuk nyia̱ nang ba̱ nyia̱ ba̱ njhyuai tyok nggu hu a̱ni; a̱wot mat a̱mgba̱m lihyat nang á̱niet nwai khwi nggu ba, ba̱ yet á̱niet a̱ka̱tuk nyia̱, ka̱n dyiat tazwa nggu a̱ni.”