Yoona 16:5 - A̠lyiat A̠gwaza na di̠n Tyap: A̠li̠ka̠uli A̠fai

⁵ “A̱wot di̱ yong huni, ma̱ninika n bwuot naat da̱ a̱vwuo a̱tyu a̱ ta̱m nung a̱ni. Ma̱ng a̱nia, a̱yin du lyip nung, ‘A̱ji wa nang a naat?’ bah.

Yoona 16:5 Iomraidhean Croise

Yoona 13:3

Yesu ku lyen nang A̱tyia̱ nggu wu ntyia̱ kuzang kyang bwak gu. A̱ si̱ bu lyen nang gu nneet da̱ a̱vwuo A̱gwaza, a̱wot a̱ bu na bwuok a̱ nat da̱ a̱vwuo A̱gwaza kya.

Yoona 13:36

Siman Bitut si̱ lyip Yesu nyia̱ “Nwan A̱tyoli nung, a naat a̱ji wa?” Yesu si̱ nwuak gu shim hu nyia̱, “A si̱ mi̱n khwi nung di̱ yong huni, a nat tyan ji nang n naat a̱ni bah. Di̱n jen jhyang ja nang a bye nkhwi nung, a nat dundung ma̱ng a̱nung.”

Yoona 14:28

Nyi jhyung n hyia̱ ma̱ nyin nyia̱; n na nat mbwuok mbai da̱ a̱vwuo nyin. Ka̱ nyi wa chat nung, si̱ nyi gwai nang n naat da̱ a̱vwuo A̱tyia̱ nung a̱ni. Mat A̱tyia̱ nung wu shi a̱ lan nung.

Yoona 16:10

“A̱ bu na tyiet mba tazwa tsotswat hu. Mat n naat da̱ a̱vwuo A̱tyia̱ nung ka; da̱ nyin, nyi bu na li nung bah.

Yoona 16:16

“Á̱ na labeang bah, nyi na chat nung lyin. A̱wot á̱ bu na labeang bah, nyi bu li nung.”

Yoona 16:17

Huhwa mman ta̱m nggu á̱ghyang nyia̱ ma̱ng á̱ghyang mba, “Yihwa nang gu fa nang gu nyia̱ ma̱ng a̱nzi̱t; ‘Á̱ na labeang bah, nyi na chat nung lyin, á̱ bu labeang bah, nyi bu na li nung?’ ” A̱wot ba̱ si̱ bu lyip á̱ghyang, “Yihwa nang gu fa a̱ naat da̱ a̱vwuo A̱tyia̱ wu?”

Yoona 16:28

N ghwut neet da̱ a̱vwuo A̱tyia̱ kikya, n si̱ mbai mi̱ swanta hu. A̱wot ma̱ninika, n na ghwon swanta hu, n bwuok nat da̱ a̱vwuo A̱tyia̱ nung ka.”

Yoona 17:13

“Ma̱ninika n chobai da̱ a̱vwuo ang. A̱wot n tak ma̱ng a̱mba nkyang nani neet nang n ni̱ shya̱ mi̱ swanta hu. Da̱nian á̱niet khwi nung ba, ba̱ ka shya̱ a̱jhyem a̱gwai nung wu mi̱ nfwuo mba na.

Yoona 17:4

“N wa ka̱n nwuak ang shi mi̱ swanta hu, mat si̱sak ji nang n ku ntyak ta̱m hu nang á̱ ku nwuak nung n nyia̱ a̱ni.

Yoona 6:62

Ka̱ a̱nia wa, yihwa nang nyi na dam ka̱ nyi li Nggwon A̱tyubishyi ka̱ bwuot a̱ naat a̱ nyeak da̱ a̱vwuo ka ka̱ ku nshya̱ gbangbang a̱ni?

Yoona 7:33

Yesu si̱ nyia̱, “N na nswan ma̱ng a̱nyin da̱ a̱banjen ma̱ a̱da̱dei. A̱wot n na mbwuok nat da̱ a̱vwuo a̱tyu a̱ ta̱m nung a̱ni.

Ibriniyawa 1:3

Nggwon kikya tyai a̱kyenkyai shi A̱gwaza wu. A̱wot ka̱ si̱ bu tyai za̱kwa A̱gwaza ji ma̱ cha̱chaat. Kikya ba̱ng a̱mgba̱m kuzang kyang mi̱ swanta hu, mat chet a̱lyiat nka hu. Nang nggwon ka ntyak chi a̱ka̱tuk nyia̱ ka̱ si̱ jaat zi̱t a̱ni, ka̱ si̱ swan di̱n chuk tyok a̱zayak A̱gwaza Tswazwa, A̱ byia̱ A̱tsatsak A̱gba̱ndang Tyok a̱ni.

Ibriniyawa 12:2

Yok zi̱ tyia̱ a̱di̱dam nzi̱t wu di̱ Yesu kuzang jen. Nggu wa yet a̱gwak a̱ tsa nwuak fwuo da̱ A̱gwaza nzi̱t wu. A̱wot nggu wa bu na tyia̱ nwuak fwuo nzi̱t hu ku ngyet a̱tsatsak. Mat a̱lyia̱ sai nang Yesu na shya̱ á̱zanson a̱ni, a̱ ku gbang a̱lyia̱ nang á̱ nkpang nggu da̱ a̱team a̱khwu a̱ni. Á̱niet ba ku kyiak nang a̱khwu da̱ a̱team a̱khwu ngyet a̱ka̱tuk kyang nsum wa; a̱wot Yesu si̱ kyiak a̱nia bah. Ma̱ninika, Yesu swan a̱zayak da̱ a̱vwuo shi da̱ a̱beam a̱gba̱ndang chuk Tyok A̱gwaza ji.