Yoona 16:4 - A̠lyiat A̠gwaza na di̠n Tyap: A̠li̠ka̠uli A̠fai

⁴ Huhwa mbyia̱ n shei nyin á̱lyiat nani, da̱nian ka̱ jen ji ba̱ nyia̱ nang á̱niet ba na nnyia̱ nkyang nani a̱ni; nyi ka jhyung nyi lyen nang n ku mi̱ ngba nyin da̱ na. N ku nhyia̱ ma̱ng a̱nyin nkyang nani neet di̱n tsa hu bah, mat n ku shya̱ dundung ma̱ng a̱nyin.

Yoona 16:4 Iomraidhean Croise

Matyu 10:7

Nyi nat nyi shei mba nyia̱, ‘Tyok Ma A̱gwaza tswazwa hu bai kpa̱mkpaan!’

Matyu 24:25

Di la! N mi̱ ntak nyin lap nang jen ji ka̱n bai bah.

Matyu 9:15

Yesu si̱ nwuak ba shim nyia̱, “Á̱ na nyia̱ ni wa á̱kpa̱ndang a̱tyu nyia̱ nyeang fai ba̱ nswan ma̱ng byian fwuo di̱n jen nang a̱tyu nyia̱ nyeang wu ni̱ shya̱ ma̱ng a̱mbaa? Ku na tyia̱ bah! A̱wot jen na bai nang á̱ na nkyiak a̱tyu nyia̱ nyeang wu á̱ ghwon á̱kpa̱ndang ba. Jen a̱jaja nang ba̱ na nswan a̱fa a̱khwot ka.”

Ma̱rkut 13:23

“A̱wot nyi chok pyipyia̱ nyin! N ka̱n tak ma̱ng a̱nyin kuzang nkyang lap!

Ma̱rkut 2:19

Yesu si̱ nwuak ba shim nyia̱, “Ku myim á̱kpa̱ndang a̱tyu byia̱ nyeang ba̱ lak ya kyayak mi̱ nyeang hu nang a̱tyu byia̱ nyeang wu ni̱ shya̱ ma̱ng a̱mbaa? Kaai, ku myim a̱nia bah! Ka̱ a̱tyu byia̱ nyeang wu ni̱ shya̱ ma̱ng a̱mba, ku myim ba̱ lak ya kyayak bah.

Luka 1:2

Ba̱ ku nyia̱ ta̱m ma̱ng nkhang nang á̱khwo shei a̱lyiat A̱gwaza ba ba̱ ku tsa fa̱k, ba̱ si̱ li ma̱ng á̱ghyi mba ba, a̱wot ba̱ si̱ tak ma̱ng a̱nzi̱t a̱ni.

Yoona 13:19

“N shei ma̱ng a̱nyin a̱lyiat nani ma̱ninika, neet nang na̱ ka̱ mbai da̱ a̱nu ka bah. Da̱nian jen nang na̱ bye mbai da̱ a̱nu ka a̱ni, nyi ka nwuak a̱chuchuk nang nung gwa ngyet A̱tyu A̱gwaza kup gu tyok a̱ni.

Yoona 14:29

Ma̱ninika, n hyia̱ ma̱ng a̱nyin neet nang nkyang nani ka̱n bai bah. Da̱nian jen nang na̱ bye mbai a̱ni, nyi na nwuak fwuo da̱ nung.

Nta̱m A̱yaata̱m 9:16

A̱wot n na ntak ma̱ng a̱nggu si̱sak ji nang ku ngyet ta hwa, gu swuo a̱bung da̱nian a̱lyoot nung ka a̱ni!”

2 A̱ta̱solonikawa 2:5

Nyi bwung wa kee? N ku nhyia̱ ma̱ng a̱nyin a̱lyiat nani nang zi̱ shya̱ dundung ma̱ng a̱nyin.

2 Bitut 1:14

Mat A̱tyoli nzi̱t wu, Yesu Kristi, ka̱n tyai nung ndyo, nang ku ngyet ta hwa, á̱ na labeang bah, n na ghwon swanta huni.