Yoona 16:32 - A̠lyiat A̠gwaza na di̠n Tyap: A̠li̠ka̠uli A̠fai

³² To, ka̱ a̱nia wa, jen na bai, di̱ yong huni ji wa ka̱n nyia̱, nang á̱ na nseang nyin! Konyan a̱ bwuok a̱ nat a̱mali nggu, nyi ghwon nung ma̱nyin nung! Ma̱ng a̱nia, nung gwa ma̱nyin nung bah; a̱tyia̱ nung wu shya̱ dundung ma̱ng a̱nung.

Yoona 16:32 Iomraidhean Croise

Matyu 26:31

Nang ba̱ shya̱ di̱n vak á̱ naat di̱n Tsok Za̱itun ji a̱ni, Yesu si̱ nyia̱ ma̱ng a̱mba, “A̱tyetuk a̱fwun kani, a̱mgba̱m nyin, nyi na tyong nyi ghwon nung. Ma̱nang á̱ ndyuut mami A̱lyiat A̱gwaza na a̱ni nyia̱, ‘N na hyat a̱tyu chok zón seap wu. A̱wot a̱sorong zón seap ka na seang.’

Matyu 26:56

A̱wot ku yet ta hwa A̱lyiat A̱gwaza na nang á̱ lyuut tazwa nung a̱ni na̱ bai da̱ a̱nu ka ma̱ cha̱chaat.” A̱jawa mman ta̱m Yesu na si̱ kin kai nggu á̱ ghwon, ba̱ si̱ tyong.

Ma̱rkut 14:27

Nang ba̱ nshya̱ di̱n vak á̱ naat di̱ Tsok Za̱itun ji a̱ni, Yesu si̱ nyia̱ ma̱ng a̱mba, “A̱mgba̱m nyin, nyi na tyong nyi ghwon nung; ma̱nang á̱ ndyuut mami A̱lyiat A̱gwaza na a̱ni, ‘Á̱ na hyat a̱tyu chok zón seap wu, a̱wot zón seap ji na seang.’

Ma̱rkut 14:50

Mman ta̱m nggu na si̱ kai gu á̱ ghwon, ba̱ si̱ tyong.

Yoona 12:23

Huhwa Yesu si̱ nwuak ba shim nyia̱, “Jen nyia̱ nang á̱ na nnwuak Nggwon A̱tyubishyi a̱kyenkyai shi a̱ni.

Yoona 16:2

Ba̱ na ti̱n nyin, á̱ ghwut ndyo mami á̱tutu a̱tung A̱yahudawa ba. A̱wot jen bye bai, nang á̱ghyang á̱niet na nhyaai nyin. Ba̱ nyia̱, ba̱ nyia̱ A̱gwaza wa ta̱m!

Yoona 16:25

“N ku ndyiat ma̱ng a̱nyin di̱ kidee ja, da̱nian n ka ntyai nyin nkyang nani. A̱wot jen chobai nang n bye ndyiat ma̱ng a̱nyin kuzang kyang kpa̱sai tazwa A̱tyia̱ nung wu a̱ni. N bu bye ndyiat ma̱ng a̱nyin di̱ kidee bah.

Yoona 16:31

Yesu si̱ nyia̱, “Ma̱nini kya nang nyi mang nwuak a̱chuchuk a?

Yoona 19:27

A̱wot a̱ si̱ nyia̱ ma̱ng nggwon nta̱m nggu ka a̱ni, “Di, a̱yang ang wu wa wu!” Neet di̱n jen a̱ja, nggwon nta̱m ka si̱ kin kyiak a̱yang byin Yesu wu, ka̱ si̱ nat ndyo a̱mali a̱ si̱si̱ swan ndung ma̱ng a̱nggu.

Yoona 20:10

A̱wot mman ta̱m na si̱ bwuok á̱ nat a̱mali.

Yoona 4:21

A̱wot Yesu si̱ nyia̱ ma̱ng a̱nap wu a̱ni, “A̱yang a̱li, nwuak a̱chuchuk di̱ kyang nang n hyia̱ ma̱ng a̱nwan a̱ni. Jen chobai da̱nang á̱niet bye nkwok ntong a̱zaghyi A̱tyia̱ tswazwa da̱ a̱fang kani a̱ni bah. A̱wot da̱ mba ba̱ bu na kwok ntong mi̱ Urusha̱lima bah.

Yoona 4:23

“Jen chobai, ku di̱ yong huni ji̱ wa ka̱n nyia̱, nang á̱niet ba̱ kwok ntong mami a̱chuchuk na nkwok ntong a̱zaghyi A̱tyia̱ ma̱ng A̱za̱za̱rak Ntswa ma̱ng a̱chuchuk a̱ni. Bibya yet tangka̱i á̱niet ba̱ kwok ntong nang A̱tyia̱ wu chat a̱ni.

Yoona 5:25

“N tak nyin a̱tsatsak a̱lyiat; jen na bai, a̱wot ma̱ninika ji̱ wa ka̱n nyia̱, nang á̱niet ba̱ ka̱n kwi a̱ni na nfa̱k a̱nwuat Nggwon A̱gwaza. A̱wot á̱niet ba̱ fa̱k a̱ni, ba̱ na shya̱ swuan.

Yoona 5:28

“Nyi yok ghwon si̱ huni ku tyia̱ nyi fa̱k a̱ga̱de bah! Jen chobai nang a̱mgba̱m á̱niet ba̱ ka̱n kwi, a̱wot ba̱ shya̱ ma̱ a̱ka̱bi a̱ni; ba̱ bye fa̱k a̱nwuat Nggwon A̱gwaza ka.

Yoona 8:16

A̱mgba̱m ma̱ng a̱nia, ka̱ n si̱ mi̱n nyia̱ shi̱ri̱ya, shi̱ri̱ya nung ji yet a̱tsotswat wa. Mat nung gwa ma̱nyin nung bah; nung gwa mbeang A̱tyia̱ nung wu a̱ ta̱m nung a̱ni, a̱ shya̱ dundung ma̱ng a̱nung.

Yoona 8:29

A̱wot a̱tyu a̱ ta̱m nung a̱ni, a̱ shya̱ dundung ma̱ng a̱nung. Mat kuzang jen n ni̱ nyia̱ kyang hu nang gu chat a̱ni.”

Nta̱m A̱yaata̱m 21:6

A̱wot zi̱ si̱ byiat á̱ghyang saak. A̱jawa zi̱ si̱ nwuo kukwon a̱wak hu. A̱wot mba, ba̱ si̱ bwuok á̱ nkat a̱mali.

Nta̱m A̱yaata̱m 8:1

A̱wot Sha̱wulu ku yet a̱tyo nyiung ma̱ á̱niet ba̱ li si̱sak nang á̱ nhyat Itifanut a̱ni. A̱wot a̱ si̱ shim a̱ si̱ li̱n a̱ma kyang nang á̱ nyia̱ a̱ni. A̱tuk a̱kya, á̱ si̱ nwuo ya̱shuk á̱niet khwi ba ba̱t mi̱ Urusha̱lima. A̱wot a̱mgba̱m á̱niet khwi ba, á̱ si̱ seang mbaa á̱ kai nfam bibyin Yahudiya ma̱ng Sa̱mariya. Ma̱ a̱yaata̱m Yesu bibya á̱ ku ghwon.