Yoona 16:30 - A̠lyiat A̠gwaza na di̠n Tyap: A̠li̠ka̠uli A̠fai

³⁰ Ma̱nini kikya nang zi̱ nfi̱k nang a ndyen kuzang kyang ka̱ doot a nwuak shim nang a̱yin ka̱n dyip ang kyang bah. Si̱ huni tyia̱ zi̱ si̱ nwuak a̱chuchuk nang a neet Ma A̱gwaza tswazwa kya.”

Yoona 16:30 Iomraidhean Croise

Yoona 16:17

Huhwa mman ta̱m nggu á̱ghyang nyia̱ ma̱ng á̱ghyang mba, “Yihwa nang gu fa nang gu nyia̱ ma̱ng a̱nzi̱t; ‘Á̱ na labeang bah, nyi na chat nung lyin, á̱ bu labeang bah, nyi bu na li nung?’ ” A̱wot ba̱ si̱ bu lyip á̱ghyang, “Yihwa nang gu fa a̱ naat da̱ a̱vwuo A̱tyia̱ wu?”

Yoona 16:23

“A̱tuk a̱kya, nyi si̱ ba̱ lyip nung kyang bah. N tak ma̱ng a̱nyin a̱chuchuk; a̱tyia̱ nung wu na nang nyin a̱mgba̱m kyang hu nang nyi lyip mami a̱lyoot nung a̱ni.

Yoona 16:26

A̱tuk a̱kya, nyi na naai da̱ a̱lyoot nung. Nyi na naai A̱tyia̱ ma̱ á̱pyia̱ nyin. Nung gwa na naai nyin ndyo bah.

Yoona 16:31

Yesu si̱ nyia̱, “Ma̱nini kya nang nyi mang nwuak a̱chuchuk a?

Yoona 17:8

A̱lyiat na nang a ku hyia̱ ma̱ng a̱nung nyia̱ n si̱ hyia̱ ma̱ng mba a̱ni; n ku hyia̱ ma̱ng a̱mba, ba̱ si̱ san. Ba̱ lyen za̱m nang nung n neet da̱ a̱vwuo ang kya. A̱wot ba̱ si̱ nwuak a̱chuchuk nang nwan wa ta̱m nung.

Yoona 2:11

Si̱ huni hwa yet a̱son kyang a̱ga̱de nang Yesu ku nyia̱ a̱ni. A̱ ku nyia̱ hu ma̱ a̱keang Kana ka̱ shya̱ ma̱ a̱byin Ga̱lili a̱ni. A̱ja wa nang gu nnyia̱ a̱lama wuni a̱ tyai a̱kyenkyai shi nggu wu. Mman ta̱m nggu na mameang, ba̱ si̱ nwuak a̱chuchuk da̱ nggu ba̱t.

Yoona 21:17

Yesu si̱ bu lyip gu da̱ a̱ka̱tat ka, nyia̱, “Siman, a̱fai Yoona, a chat nung a?” Bitut si̱ fa̱k a̱lyia̱ ya di̱ si̱sak nang Yesu bu ndyip gu da̱ a̱ka̱tat ka, nyia̱, “A chat nung a?” A̱ si̱ nyia̱ “A̱tyoli, a lyen kuzang kyang, a lyen nang n chat ang!” Yesu si̱ nyia̱ ma̱ng a̱nggu, “Ka̱u zón seap nung ji kyayak.

Yoona 5:20

Mat A̱tyia̱ wu fa̱k di̱ nggwon ka ba̱t. Huhwa mbyia̱ gu si̱ nshei ma̱ng Nggwon ka a̱mgba̱m nkyang nang gu nyia̱ a̱ni. A̱tyia̱ wu na hyia̱ ma̱ng Nggwon ka a̱cha̱chet nkyang na̱ lan á̱si̱ nani a̱ni, ka̱ nyia̱. A̱wot nyi na fa̱k a̱ga̱de.

Yoona 8:42

Yesu si̱ nyia̱ ma̱ng a̱mba a̱ni, “Ka̱ a̱tsatsak a̱lyiat wa nang A̱gwaza wa yet A̱tyia̱ nyin wu; si̱ nyi fa̱k da̱ nung. Mat, n ghwut neet da̱ a̱vwuo A̱gwaza kya; n shya̱ a̱ji ma̱ninika. N bai a̱ji da̱nian a̱pyia̱ nung bah, A̱gwaza wa ta̱m nung.

Ibriniyawa 4:13

Mami a̱mgba̱m nkyang nang A̱gwaza mat a̱ni, á̱ mbyia̱ kyang nyiung ku shya̱ di̱ niat da̱ a̱vwuo nggu a̱ni bah. Kuzang kyang shya̱ ka̱gbang, a̱wot ku si̱ shya̱ kpa̱sai a̱zaghyi nggu. A̱wot nggu wa yet a̱tyu nang konyan na nfang kuzang kyang gu nyia̱ a̱ni a̱zaghyi nggu.