Yoona 16:25 - A̠lyiat A̠gwaza na di̠n Tyap: A̠li̠ka̠uli A̠fai

²⁵ “N ku ndyiat ma̱ng a̱nyin di̱ kidee ja, da̱nian n ka ntyai nyin nkyang nani. A̱wot jen chobai nang n bye ndyiat ma̱ng a̱nyin kuzang kyang kpa̱sai tazwa A̱tyia̱ nung wu a̱ni. N bu bye ndyiat ma̱ng a̱nyin di̱ kidee bah.

Yoona 16:25 Iomraidhean Croise

Ma̱rkut 4:13

Huhwa Yesu si̱ nyia̱ ma̱ng a̱mba a̱ni, “Nyi fi̱k kidee jini baa? Nyi na nyia̱ ni wa nyi nfi̱k kidee jhyáng?

Ma̱rkut 4:34

Kang mi̱ kidee ji, a̱ ku lyiat ma̱ng a̱mba bah. A̱wot jen ji gu nshya̱ ma̱nyin gu ma̱ng mman ta̱m nggu na a̱ni, a̱ ni̱ wa̱i mba kidee ji kpa̱sai.

Ma̱rkut 8:32

Yesu ku hyia̱ a̱lyiat nani kpa̱sai. A̱wot Bitut si̱ khwat gu da̱ a̱gbang a̱nyiung. A̱ si̱ ta̱bat ngai ma̱ng a̱nggu, nyia̱ gu yok hyia̱ a̱nia bah.

Yoona 10:24

Huhwa a̱cha̱chet A̱yahudawa ba si̱ tyong nggu á̱ keang, ba̱ si̱ nyia̱ ma̱ng a̱nggu, “A̱zatuk kya a na ghwon zi̱t ma̱ a̱di̱dam? Tak ma̱ng a̱nzi̱t kpa̱sai a̱tsak a̱lyiat; nwan wa yet a̱tyu A̱gwaza kup gu tyok hu nang zi̱ fwuong a̱ni a?”

Yoona 10:6

Yesu ku tak ma̱ng a̱mba kidee jini. Da̱ mba, ba̱ fi̱k kyang hu nang gu lyiat a̱ni bah.

Yoona 16:12

“N byia̱ nkyang ma̱ a̱di̱di̱t nang n na hyia̱ ma̱ng a̱nyin a̱ni. A̱wot ma̱ninika nyi si̱ mi̱n ba̱ng na bah.

Yoona 16:2

Ba̱ na ti̱n nyin, á̱ ghwut ndyo mami á̱tutu a̱tung A̱yahudawa ba. A̱wot jen bye bai, nang á̱ghyang á̱niet na nhyaai nyin. Ba̱ nyia̱, ba̱ nyia̱ A̱gwaza wa ta̱m!

Yoona 16:32

To, ka̱ a̱nia wa, jen na bai, di̱ yong huni ji wa ka̱n nyia̱, nang á̱ na nseang nyin! Konyan a̱ bwuok a̱ nat a̱mali nggu, nyi ghwon nung ma̱nyin nung! Ma̱ng a̱nia, nung gwa ma̱nyin nung bah; a̱tyia̱ nung wu shya̱ dundung ma̱ng a̱nung.

2 A̱korontiyawa 4:2

Zi̱ ni̱ lak a̱mgba̱m nta̱m na̱ yet nkyang nsum nang á̱ nyia̱ da̱ bang a̱ni. Zi̱ ni̱ shyok a̱yin bah, ku zi̱ chi̱p a̱lyiat A̱gwaza na zi̱ mbeang á̱si̱ nzi̱t bah. Da̱ a̱kwonu a̱kya, zi̱ ni̱ shei a̱tsatsak a̱lyiat a̱zaghyi A̱gwaza kya. A̱wot a̱mgba̱m á̱niet ba̱ lyen a̱chuchuk a̱ni, fi̱k a̱nia.