Yoona 16:24 - A̠lyiat A̠gwaza na di̠n Tyap: A̠li̠ka̠uli A̠fai

²⁴ Ba̱ tat nang yong huni a̱ni, nyi ka̱n dyip kyang da̱ a̱lyoot nung bah. Nyi lyip, nyi na san, da̱nian a̱gwai nyin na na̱ ka yet a̱jhyem.

Yoona 16:24 Iomraidhean Croise

Matyu 6:9

A̱ni wa nang nyi na nnaai A̱gwaza wu nchi̱ri̱ng; ‘A̱tyia̱ nzi̱t wu a̱ shya̱ tswazwa ka a̱ni, á̱ ja̱u a̱lyoot ang ka.

Yoona 14:1

“Nfwuo nyin na na̱ yok byian bah. Nyi nwuak fwuo da̱ A̱gwaza. A̱wot nyi bu nwuak fwuo da̱ nung.

Yoona 14:14

Kuzang kyang nang nyi naai mami a̱lyoot nung a̱ni, n na nyia̱ nyin ndyo.”

Yoona 15:11

“N tak ma̱ nyin á̱lyiat nani, da̱nian nyi ka shya̱ ma̱ng a̱gwai nang n byia̱ a̱ni. A̱wot a̱gwai nyin na, na̱ bu yet a̱jhyem a̱gwai wa.

Yoona 16:23

“A̱tuk a̱kya, nyi si̱ ba̱ lyip nung kyang bah. N tak ma̱ng a̱nyin a̱chuchuk; a̱tyia̱ nung wu na nang nyin a̱mgba̱m kyang hu nang nyi lyip mami a̱lyoot nung a̱ni.

Yoona 3:29

“A̱tyu a̱ nyia̱ nyeang fai hu a̱ni; nggu wa byia̱ a̱byii̱k wu. A̱kpa̱ndang a̱tyu byia̱ nyeang wu yong kpa̱mkpaan a̱ myiai a̱fufwuo, a̱wot a̱ ni̱ fa̱k a̱lyia̱ sai, ka̱ a̱ fa̱k a̱nwuat a̱tyu byia̱ nyeang ka. Ma a̱nia wa, nung n byia̱ a̱jhyem a̱lyia̱ sai ba̱t.

2 A̱ta̱solonikawa 1:2

Yok A̱gwaza a̱ yet A̱tyia̱ a̱ni ma̱ng A̱tyoli Yesu Kristi, ba̱ fa̱k shok nyin, ba̱ bu nang nyin swat nyinyang.

2 Yoona 1:12

N byia̱ nkyang ma̱ a̱di̱di̱t n na ntak ma̱ng a̱nyin a̱ni. A̱wot n na ndyuut nyin dyo mami wusika bah. Da̱ a̱kwonu a̱kya, n tyia̱ fwuo n na mbai n byiat nyin, n bu ndyiat ma̱ng a̱nyin a̱ghyi ma̱ng a̱ghyi, da̱nian a̱gwai nzi̱t na na̱ ka tyia̱ a̱jhyem.