Yoona 16:22 - A̠lyiat A̠gwaza na di̠n Tyap: A̠li̠ka̠uli A̠fai

²² A̱nia wa ku na ndi da̱ a̱vwuo nyin. Ma̱ninika, nyi shya̱ ma̱ng byian fwuo. A̱mgba̱m ma̱ng a̱nia, n bu na ndi nyin. A̱wot a̱yin si̱ mi̱n ti̱n nyin a̱gwai a̱nia bah.

Yoona 16:22 Iomraidhean Croise

Matyu 28:8

Á̱nyiuk a̱bya si̱ ghwon a̱bi ka ma a̱nggang di̱n chung. Ba̱ si̱ fa̱k a̱wun ba̱t. A̱mgba̱m ma̱ng a̱nia, ba̱ si̱ shya̱ ma̱ng fwuo sai gba̱mgbam. A̱wot ba̱ si̱ nkat di̱n chung, á̱ nat ba̱ ka tak ma̱ng á̱kum mman ta̱m Yesu na ta̱m a̱ta̱m tswa A̱gwaza ji.

Luka 10:42

Mi̱ kyang nyiung hwa nshya̱ ku yet a̱tan a̱ swak a̱ni. Ma̱ryamu wa ka̱n khai kyang a̱hwa. A̱wot da̱ mba, á̱ na san hu á̱ kai nggu a̱ ghwon bah.”

Luka 16:25

“Ibrahim si̱ nyia̱ ma̱ng a̱nggu, ‘Nggwon nung, jhyung jen ji nang a ku nswan nswat nyinyang ang hu mi̱ swanta hu a̱ni. Di̱n jen a̱ja, a ku shyat a̱tan kyang nang fwuo ang hu chat a̱ni, a si̱ swa̱i. Da̱ a̱kwonu a̱kya, nggu Laaza̱rut, a̱ ku shya̱ a̱bya̱bya̱ kyang wa! A̱wot ma̱ninika, a̱ji wa nang gu nshya̱ nang á̱ shyim nggu fwuo hu; nang nwan, a shya̱ di̱ swuo a̱bung ang a̱ja.

Luka 19:26

“A̱gwam wu si̱ nwuak mba shim nyia̱, ‘A̱tsak a̱lyiat, á̱niet ba ba̱ nyia̱ tsotswat ma̱ng kyang nang á̱ jong mba a̱ni; á̱ na mbeang mba ghyáng. Ma a̱nia wa, á̱niet ba di̱ ba̱ nyia̱ tsotswat a̱ni bah; ku ba̱ byia̱ kyang ma̱ a̱da̱dei, á̱ na ta̱wap hu á̱ ghwon mbaa.

Luka 24:41

Ma̱ng a̱nia, ba̱ si̱ bwuok á̱ yong ma̱ jak! Ku si̱ vwuo mba a̱khwu ba̱ nwuak a̱chuchuk, mat a̱gwai ma̱ng a̱ga̱de nang ba̱ fa̱k da̱ a̱ka̱nyiung a̱ni. A̱jawa Yesu si̱ lyip ba nyia̱, “Nyi byia̱ kyayak a̱ji nang n na gya a̱ni a?”

Yoona 14:1

“Nfwuo nyin na na̱ yok byian bah. Nyi nwuak fwuo da̱ A̱gwaza. A̱wot nyi bu nwuak fwuo da̱ nung.

Yoona 14:19

N bwat a̱banjen ma̱ chunchwiit á̱niet mi̱ swanta ba bu na li nung bah. A̱wot nyin, nyi na li nung. Mat nang nung nshya̱ ma̱ng swuan a̱ni; ma a̱nia wa, nyin mameang nyi na nswuan.

Yoona 14:27

“N nang nyin swat nyinyang; swat nyinyang nung huhwa nang n nwuak nyin. N nwuat nyin huu nang swanta hu nnwuat a̱ni bah. Mat a̱nia, nyi yok byia̱ a̱ka̱tuk a̱fi̱fa, ku nyi bu fa̱k a̱wun bah.

Yoona 16:16

“Á̱ na labeang bah, nyi na chat nung lyin. A̱wot á̱ bu na labeang bah, nyi bu li nung.”

Yoona 16:20

“N chat n tak ma̱ng a̱nyin a̱chuchuk; nyi na twei, nyi shya̱ byian fwuo. A̱mgba̱m ma̱ng a̱nia, á̱niet mi̱ swanta ba na shya̱ ma̱ng a̱gwai. Nyi na shya̱ byian fwuo. A̱wot byian fwuo nyin ji na tyia̱ a̱gwai.

Yoona 16:6

A̱wot ma̱ninika nang n tak ma̱ng a̱nyin á̱lyiat nani a̱ni, nfwuo nyin na si̱ byian.

Yoona 21:7

Nggwon ta̱m ka nang Yesu ku chat a̱ swak a̱ni, si̱ nyia̱ ma̱ng Bitut, “A̱tyoli Yesu wa!” Mi̱ di̱ yong a̱hwa nang Bitut nfa̱k nang Yesu wa a̱ni, a̱ si̱ kup a̱yaatoot nggu ba, (nang gu khwuk a̱yaatoot gu ba, a̱ koot); a̱wot a̱ si̱ fi̱p a̱ kwa ma̱ a̱sa̱khwot na!

Yoona 4:14

Da̱ a̱kwonu a̱kya, a̱sa̱khwot nang n na nang nggu a̱ni, a̱ bu si̱ mi̱n mak fa̱k mashyi bah. A̱sa̱khwot na nang n na nnang nggu a̱ni; na̱ na yet nnang a̱sa̱khwot na̱ hyai á̱ ghwut. A̱wot na̱ bu na nwuak gu swuan sang sangba̱p.”

Nta̱m A̱yaata̱m 13:52

A̱wot á̱niet khwi Yesu ba si̱ gwai ba̱t! A̱wot A̱za̱za̱rak Ntswa wu si̱ tyei mba chet.

Nta̱m A̱yaata̱m 16:25

Nang á̱ nshim tat a̱ka̱wa̱tyia̱ a̱tyetuk a̱ni, Bulut ma̱ng Sila si̱ ta̱bat naai A̱gwaza. Ba̱ tsa bwom bubwom dyep A̱gwaza, nang á̱kum á̱khwo ka myiai a̱fufwuo á̱ fwuong!

Nta̱m A̱yaata̱m 2:46

Kuzang a̱tuk ba̱ ku tung mi̱ didyaat A̱li Nwuat Za̱nang A̱gwaza hu. Ba̱ si̱ bu tung á̱ ya nkyayak ma̱ a̱ka̱sa á̱ghyang ma̱ng ya kyayak a̱di̱dam a̱khwu Yesu ma̱ng a̱lyia̱ sai, ma̱ng fwuo nyiung,

Nta̱m A̱yaata̱m 5:41

A̱yaata̱m Yesu ba si̱ ghwon a̱gba̱ndang a̱tung sot a̱cha̱chet A̱yahudawa wu ma̱ng a̱gwai. Mat A̱gwaza kyiak baa, ba̱ maai ba̱ swuo a̱bung ma̱ng nsum da̱nian a̱lyoot Yesu.

2 A̱korontiyawa 6:10

A̱wot nfwuo nzi̱t na ni̱ byian. A̱mgba̱m ma̱ng a̱nia, zi̱ ni̱ shya̱ ma̱ng a̱gwai. Zi̱ yet á̱kunak nia mi̱ swanta huni. A̱mgba̱m ma̱ng a̱nia, zi̱ ni̱ tyia̱ á̱niet ba̱ shya̱ a̱li̱ba̱rka á̱ neet da̱ a̱vwuo A̱gwaza a̱ni. Zi̱ byia̱ kyang mi̱ swanta huni bah. A̱wot a̱mgba̱m ma̱ng a̱nia, zi̱ byia̱ kuzang kyang Ma A̱gwaza tswazwa.

2 A̱ta̱solonikawa 2:16

Ma̱ninika, yok A̱tyoli nzi̱t, Yesu Kristi ma̱ a̱pyia̱ nggu, ma̱ng A̱gwaza a̱ yet A̱tyia̱ nzi̱t wu a̱ni, a̱ chat zi̱t a̱wot mat shok nggu ji, a̱ si̱ tyei nzi̱t gba̱gbak ku nwai tyiai a̱ni, a̱wot a̱ si̱ tyia̱ nzi̱t zi̱ ntyia̱ fwuo da̱ nggu;

Ibriniyawa 10:34

Nyi ku swuo a̱bung dundung ma̱ng á̱niet khwi ba nang á̱ ku tyia̱ mi̱ jaru a̱ni. A̱wot a̱mgba̱m nkyang nang nyi ku byia̱ a̱ni, á̱niet nyia̱ tyok ba si̱ ta̱wap naa, ba̱ si̱ ghwon nyin. A̱mgba̱m ma̱ng a̱nia, nyi si̱ san si̱sak nang nyi nnwai nkyang a̱nia a̱ni ma̱ng a̱lyia̱ sai. Mat nyi ku lyen nang nyi na nshya̱ á̱tsatsak nkyang nang á̱ sak nyin dyo Ma A̱gwaza tswazwa, na̱ fwuong nyin si̱ nat sang sangba̱p a̱ni.

Ibriniyawa 6:18

A̱gwaza ka̱n dyiat tazwa nkyang nfeang nani; ni̱nia yet a̱li̱ka̱uli ma̱ng shyishyi nggu ji. Na̱ si̱ mi̱n shyak bah, mat ku si̱ mi̱n tyia̱ A̱gwaza a̱ bwuo la bah. A̱ nyia̱ a̱li̱ka̱uli ma̱ng shyishyi, da̱nian a̱ ka tyia̱ nzi̱t gba̱gbak zi̱ ntyia̱ fwuo ba̱t ma̱ng gbang a̱lyia̱ di̱ san ku shya̱ á̱zanson nzi̱t a̱ni, nzi̱t á̱niet zi̱ tyong naat da̱ a̱vwuo A̱gwaza di̱ chat a̱vwuo ta̱kup a̱ni.

1 Bitut 1:8

Ku nang nyi nwai nwuan gu a̱ni, nyi chat gu. Ku nang nyi nwai nwuan nggu ma̱nini a̱ni, nyi si̱ nwuak fwuo da̱ nggu. Nyi bu byia̱ a̱gba̱ndang a̱lyia̱ sai, ka̱ swak kidee a̱ni.