Yoona 16:20 - A̠lyiat A̠gwaza na di̠n Tyap: A̠li̠ka̠uli A̠fai

²⁰ “N chat n tak ma̱ng a̱nyin a̱chuchuk; nyi na twei, nyi shya̱ byian fwuo. A̱mgba̱m ma̱ng a̱nia, á̱niet mi̱ swanta ba na shya̱ ma̱ng a̱gwai. Nyi na shya̱ byian fwuo. A̱wot byian fwuo nyin ji na tyia̱ a̱gwai.

Yoona 16:20 Iomraidhean Croise

Matyu 21:38

“A̱wot nang á̱niet khap ba ndi nggwon a̱tyu byia̱ a̱byin ka chobai a̱ni, ba̱ si̱ nyia̱ ma̱ng á̱ghyang mba, ‘Di, nggwon ka̱ na ya gado a̱byin hu a̱ni kya chobai! Nyi bai zi̱ hyat ka! A̱wot zi̱ san a̱byin ka, ka̱ yet a̱si̱ nzi̱t!’

Matyu 5:4

A̱gwaza tyei a̱li̱ba̱rka da̱ á̱niet, ba̱ shya̱ ma̱ng byian fwuo mat a̱ka̱tuk nyia̱ mba wu a̱ni. Mat á̱ na shyim mba nfwuo na.

Ma̱rkut 14:72

Mi̱ di̱ yong a̱hwa a̱gbak si̱ bu tyiap a̱ka̱feang ka. A̱wot Bitut si̱ kin jhyung a̱lyiat nang Yesu ku hyia̱ ma̱ng a̱nggu a̱ni nyia̱, “Neet nang a̱gbak ka̱n tyiap a̱ka̱feang bah, a na fwuo lyen nung a̱ka̱tat.” A̱ si̱ mat kun, a̱ si̱ ta̱bat a̱nak.

Ma̱rkut 16:10

Nggu a̱byii̱k a̱wa si̱ nat a̱ si̱ shya̱ mman ta̱m Yesu na nang ba̱ shya̱ ma̱ng byian fwuo á̱ tsa á̱ bu nkhwot á̱ghyi. A̱ si̱ hyia̱ ma̱ng a̱mba kyang ku bai a̱ni.

Luka 22:45

Nang Yesu ntyak naai A̱gwaza hu a̱ni, a̱ si̱ bu doot. A̱ si̱ bwuok a̱ nat, a̱ si̱ shya̱ mman ta̱m na, nang ba̱ khat nda, mat ba̱ shya̱ ma̱ng van mat byian fwuo.

Luka 22:62

Bitut si̱ ghwut mi̱ didyaat a̱li a̱gba̱ndang pris hu. A̱ si̱ bai nta. Fwuo nggu hu si̱ byian, a̱ si̱ twei ba̱t!

Luka 23:27

Á̱nyiuk ma̱ a̱di̱di̱t mami a̱gba̱ndang á̱kpa á̱niet ka si̱ khwi Yesu á̱ twei.

Luka 24:17

Yesu si̱ lyip ba nyia̱, “Zang tangka̱i nkhang hwa nang nyi chong bwoi nyin ma̱ a̱feang di̱n vak hu a̱nia?” Ba̱ si̱ bwuok, á̱ yong ma̱ chi̱k, nang lilyia̱ hu ya mba!

Luka 24:21

A̱wot nzi̱t meang, zi̱ ku tyia̱ fwuo Yesu wa yet Kristi wu a̱ chobai a̱ san á̱niet Isi̱rela ba da̱ a̱vwuo á̱niet ba̱ lak li mba a̱ni. A̱wot mam tat hwa a̱fwun, nang á̱ nkpang Yesu da̱ a̱team a̱khwu a̱ni.

Luka 6:21

A̱gwaza tyei a̱li̱ba̱rka da̱ nyin, nyi fwuong zong ma̱nini a̱ni; mat nyi na ya, nyi swa̱i. A̱gwaza tyei a̱li̱ba̱rka da̱ nyin, nyi twei ma̱nini a̱ni; mat ki̱ jen nyia̱, nyi na mai.

Yoona 16:33

“N wa ka̱n tak ma̱ng nyin nkyang nani, da̱nian nyi ka shya̱ dundung ma̱ng a̱nung. Nyi na shya̱ swat nyinyang. Mi̱ swanta hu nyi na swuo a̱bung. Ma̱ng a̱nia, nyi gwai, mat n wa ka̱n swuo chet swanta hu!”

Yoona 16:6

A̱wot ma̱ninika nang n tak ma̱ng a̱nyin á̱lyiat nani a̱ni, nfwuo nyin na si̱ byian.

Yoona 20:20

Nang gu nhyia̱ a̱nia a̱ni, a̱ si̱ tak ma̱ng a̱mba mbwak nggu na ma̱ng a̱gbang tsi̱ntsa̱u nggu wu. Mman ta̱m na si̱ gwai ba̱t nang ba̱ ndi A̱tyoli Yesu a̱ni!

Nta̱m A̱yaata̱m 5:41

A̱yaata̱m Yesu ba si̱ ghwon a̱gba̱ndang a̱tung sot a̱cha̱chet A̱yahudawa wu ma̱ng a̱gwai. Mat A̱gwaza kyiak baa, ba̱ maai ba̱ swuo a̱bung ma̱ng nsum da̱nian a̱lyoot Yesu.

A̱romawa 5:11

Mat a̱nia, ma̱ninika, ka̱ zi̱ doot zi̱ gwai A̱gwaza, mat A̱tyoli nzi̱t wu Yesu Kristi jhyi swat kpa̱ndang nzi̱t hu ma̱ng A̱gwaza.

2 A̱korontiyawa 6:10

A̱wot nfwuo nzi̱t na ni̱ byian. A̱mgba̱m ma̱ng a̱nia, zi̱ ni̱ shya̱ ma̱ng a̱gwai. Zi̱ yet á̱kunak nia mi̱ swanta huni. A̱mgba̱m ma̱ng a̱nia, zi̱ ni̱ tyia̱ á̱niet ba̱ shya̱ a̱li̱ba̱rka á̱ neet da̱ a̱vwuo A̱gwaza a̱ni. Zi̱ byia̱ kyang mi̱ swanta huni bah. A̱wot a̱mgba̱m ma̱ng a̱nia, zi̱ byia̱ kuzang kyang Ma A̱gwaza tswazwa.

A̱ga̱la̱tiyawa 5:22

A̱wot ntangka̱i za̱kwá nang A̱za̱za̱rak Ntswa wu nnwuat a̱ni, jija yet, chat á̱ghyang, fwuo sai, swat nyinyang, nyap fwuo, fwuong kunak, yet a̱tan, yet a̱tsotswat,

1 A̱ta̱solonikawa 1:6

Nyi si̱ bu maat zi̱t ma̱ng A̱tyoli Yesu, nang nyi nsan a̱lyiat A̱gwaza na ma̱ng a̱gwai nang A̱za̱za̱rak Ntswa wu nwuat a̱ni, a̱mgba̱m ma̱ng a̱dodo swuo a̱bung nyi nswuo a̱ni.

Yakubu 1:2

Nyin á̱niet khwi Yesu ba nang n chat a̱ni, jen nang nyi nnwuo mi̱ swuo a̱bung a̱ni, nyi ni̱ nkyiak hu ku yet nyin a̱wat a̱gba̱ndang a̱lyia̱ sai.

Yahuda 1:24

Ma̱ninika, yok a̱mgba̱m a̱kyenkyai shi a̱ yet a̱si̱ A̱gwaza a̱ni, nggu wa maai a̱ byia̱k nyin nyi du ga̱u; a̱wot a̱ bu bai ma̱ng a̱nyin ma̱ng a̱gba̱ndang a̱gwai mami a̱kyenkyai shi nggu wu nang á̱niet sang a̱bun a̱zaghyi nggu a̱ni.

Tyai Á̱zanson 11:10

A̱mgba̱m á̱niet ba̱ shya̱ mi̱ swanta huni a̱ni, ba̱ na gwai ba̱ song ba̱ mai, mat kukwi a̱yaata̱m a̱kwonu A̱gwaza a̱feang bani. A̱wot ba̱ na nwuat á̱ghyang ba za̱náng. Mat a̱yaata̱m bani ku ba̱ng mba bi̱ba̱ng ma̱ng a̱lyiat A̱gwaza.

Tyai Á̱zanson 18:7

Ma̱nang a̱byii̱k wu ntam da̱ a̱pyia̱ nggu ma̱ng swat fa̱k nyinyang a̱ni; mat a̱nia, mak hu ma̱ cha̱chaat ma̱ng swuo a̱bung ma̱ng a̱lyia̱ byian! A̱ tam mi̱ fwuo nggu hu nyia̱, ‘N gyet a̱byii̱k a̱gwam di̱n chuk tyok nung ji! N sang a̱tyu beang nang a̱byii̱k nang a̱tyok gu khwu a̱ni bah! A̱wot n byia̱ kyang ku na tyia̱ nung a̱nak a̱ni bah!’