Yoona 16:19 - A̠lyiat A̠gwaza na di̠n Tyap: A̠li̠ka̠uli A̠fai

¹⁹ Yesu ku lyen nang mman ta̱m nggu na nchat ba̱ lyip gu kyang gu fa tazwa á̱lyiat nani a̱ni. Huhwa gu si̱ nyia̱ ma̱ng a̱mba, “Nyi lyi̱ri̱m á̱ghyang nyin tazwa a̱lyiat nang n hyia̱, ‘Á̱ na labeang bah, nyi na li nung bah; á̱ bu na labeang bah, nyi na li nung’ a?

Yoona 16:19 Iomraidhean Croise

Matyu 6:8

Nyi yok naai A̱gwaza tangka̱i naai á̱niet a̱hwa bah. Mat A̱gwaza a̱ yet a̱tyia̱ nyin wu a̱ni, wa ka̱n dyen kyang hu nyi chat a̱ni, neet nang nyi ka̱n dyip gu bah!

Matyu 9:4

A̱wot nang Yesu wa ka̱n dyen a̱di̱dam mba wu, a̱ si̱ lyip ba nyia̱, “Yihwa mbyia̱ nang nyi nyia̱ a̱ka̱tuk a̱di̱dam mi̱ fwuo nyin na?

Ma̱rkut 9:32

Ba̱ ku fi̱k kyang hu nang gu fa a̱ni bah. A̱wot ba̱ si̱ fa̱k a̱wun ba̱ lyip gu.

Yoona 13:33

“Nyin mman nung, jen ji nang n na nshya̱ ma̱ng a̱nyin a̱ni, ji̱ bu la̱u shi hu bah. Nyi na chat nung, a̱wot ma̱nang n hyia̱ ma̱ng A̱yahudawa ba a̱ni; a̱vwuo ka nang n naat a̱ni, nyi si̱ mi̱n nat bah. Huhwa n chat n tak nyin.

Yoona 14:19

N bwat a̱banjen ma̱ chunchwiit á̱niet mi̱ swanta ba bu na li nung bah. A̱wot nyin, nyi na li nung. Mat nang nung nshya̱ ma̱ng swuan a̱ni; ma a̱nia wa, nyin mameang nyi na nswuan.

Yoona 16:16

“Á̱ na labeang bah, nyi na chat nung lyin. A̱wot á̱ bu na labeang bah, nyi bu li nung.”

Yoona 16:18

A̱wot ba̱ si̱ bu lyip á̱ghyang, nyia̱ “Yihwa nang gu fa nang gu nnyia̱, ‘Á̱ na labeang bah?’ Zi̱ fi̱k kyang hu nang gu lyiat a̱ni bah.”

Yoona 16:23

“A̱tuk a̱kya, nyi si̱ ba̱ lyip nung kyang bah. N tak ma̱ng a̱nyin a̱chuchuk; a̱tyia̱ nung wu na nang nyin a̱mgba̱m kyang hu nang nyi lyip mami a̱lyoot nung a̱ni.

Yoona 16:26

A̱tuk a̱kya, nyi na naai da̱ a̱lyoot nung. Nyi na naai A̱tyia̱ ma̱ á̱pyia̱ nyin. Nung gwa na naai nyin ndyo bah.

Yoona 16:30

Ma̱nini kikya nang zi̱ nfi̱k nang a ndyen kuzang kyang ka̱ doot a nwuak shim nang a̱yin ka̱n dyip ang kyang bah. Si̱ huni tyia̱ zi̱ si̱ nwuak a̱chuchuk nang a neet Ma A̱gwaza tswazwa kya.”

Yoona 21:17

Yesu si̱ bu lyip gu da̱ a̱ka̱tat ka, nyia̱, “Siman, a̱fai Yoona, a chat nung a?” Bitut si̱ fa̱k a̱lyia̱ ya di̱ si̱sak nang Yesu bu ndyip gu da̱ a̱ka̱tat ka, nyia̱, “A chat nung a?” A̱ si̱ nyia̱ “A̱tyoli, a lyen kuzang kyang, a lyen nang n chat ang!” Yesu si̱ nyia̱ ma̱ng a̱nggu, “Ka̱u zón seap nung ji kyayak.

Yoona 6:61

Ma̱nang Yesu ndyen nang mman ta̱m nggu na ngya fwuang mi̱ nfwuo mba na tazwa tyiet gu hu a̱ni. Huhwa gu nyia̱ ma̱ng a̱mba, “A̱lyiat nani byian nyin nfwuo a?

Yoona 7:33

Yesu si̱ nyia̱, “N na nswan ma̱ng a̱nyin da̱ a̱banjen ma̱ a̱da̱dei. A̱wot n na mbwuok nat da̱ a̱vwuo a̱tyu a̱ ta̱m nung a̱ni.

Ibriniyawa 4:13

Mami a̱mgba̱m nkyang nang A̱gwaza mat a̱ni, á̱ mbyia̱ kyang nyiung ku shya̱ di̱ niat da̱ a̱vwuo nggu a̱ni bah. Kuzang kyang shya̱ ka̱gbang, a̱wot ku si̱ shya̱ kpa̱sai a̱zaghyi nggu. A̱wot nggu wa yet a̱tyu nang konyan na nfang kuzang kyang gu nyia̱ a̱ni a̱zaghyi nggu.

Tyai Á̱zanson 2:23

N na hyaai á̱niet ba̱ khwi tyiet gu hu a̱ni. A̱wot a̱mgba̱m á̱niet khwi ba na lyen, nang nung gwa ngyet a̱tyu a̱ zop fwuo ma̱ng a̱di̱dam konyan a̱ni! Mat a̱nia, n na ntan konyan zang ma̱ cha̱chaat ma̱ng ta̱m hu nang gu nyia̱ a̱ni.