Yoona 16:17 - A̠lyiat A̠gwaza na di̠n Tyap: A̠li̠ka̠uli A̠fai

¹⁷ Huhwa mman ta̱m nggu á̱ghyang nyia̱ ma̱ng á̱ghyang mba, “Yihwa nang gu fa nang gu nyia̱ ma̱ng a̱nzi̱t; ‘Á̱ na labeang bah, nyi na chat nung lyin, á̱ bu labeang bah, nyi bu na li nung?’ ” A̱wot ba̱ si̱ bu lyip á̱ghyang, “Yihwa nang gu fa a̱ naat da̱ a̱vwuo A̱tyia̱ wu?”

Yoona 16:17 Iomraidhean Croise

Ma̱rkut 9:10

Ba̱ si̱ ba̱ng a̱lyiat na tsi̱tsak mba. Ba̱ si̱ ta̱bat lyi̱ri̱m á̱ghyang mba kyang nang “Doot ma̱ng swuan ma̱ á̱niet ba̱ ka̱n kwi” fa a̱ni.

Ma̱rkut 9:32

Ba̱ ku fi̱k kyang hu nang gu fa a̱ni bah. A̱wot ba̱ si̱ fa̱k a̱wun ba̱ lyip gu.

Luka 18:34

Mman ta̱m Yesu na si̱ fi̱k kyang nyiung mami nkyang nani nang gu lyiat a̱ni bah. Á̱ ku niat ma̱ng a̱mba kyang nang á̱lyiat nani fa a̱ni. Da̱ mba, ba̱ fi̱k kyang nang gu lyiat a̱ni bah.

Luka 9:45

A̱wot ba̱ si̱ lyen kyang nang gu fa a̱ni bah. Á̱ si̱ niat ma̱ng a̱mba ndyo, kalak ba̱ du fi̱k. Mba mameang, ba̱ si̱ fa̱k a̱wun ba̱ lyip gu a̱tsak kyang nang gu fa a̱ni.

Yoona 12:16

Da̱ a̱chak a̱kya mman ta̱m Yesu na ku fi̱k kyang hu ku bai a̱ni bah. Jen nang Yesu ku ba̱ ndoot á̱ si̱ nwuak gu a̱kyenkyai shi a̱ni; jija mman ta̱m na ku njhyung nang á̱ ndyuut nkyang nani tazwa nggu. A̱wot nkyang na si̱ bai ma̱ cha̱chaat da̱ a̱nu ka nang á̱ ndyuut na a̱ni.

Yoona 14:22

Yahuda a̱ghyang (kang ma̱ng Yahuda Iska̱riyoti wu), a̱ si̱ lyip Yesu nyia̱, “Nwan A̱tyoli, yihwa mbyia̱ a na ntyai a̱pyia̱ ang da̱ a̱vwuo nzi̱t kya ma̱nyin zi̱t, kang ma̱ng á̱niet mi̱ swanta ba?”

Yoona 14:5

A̱jawa Toma si̱ nyia̱ ma̱ng Yesu a̱ni, “Nwan A̱tyoli, zi̱ lyen a̱vwuo ka nang a naat a̱ni bah. Zi̱ na nyia̱ ni wa zi̱ ndyen vak hu?”

Yoona 16:1

“N shei nyin a̱mgba̱m nkyang nani, da̱nian nyi ka bwuok lilyim da̱ nwuak fwuo nyin hu da̱ nung bah.

Yoona 16:16

“Á̱ na labeang bah, nyi na chat nung lyin. A̱wot á̱ bu na labeang bah, nyi bu li nung.”

Yoona 16:18

A̱wot ba̱ si̱ bu lyip á̱ghyang, nyia̱ “Yihwa nang gu fa nang gu nnyia̱, ‘Á̱ na labeang bah?’ Zi̱ fi̱k kyang hu nang gu lyiat a̱ni bah.”

Yoona 16:19

Yesu ku lyen nang mman ta̱m nggu na nchat ba̱ lyip gu kyang gu fa tazwa á̱lyiat nani a̱ni. Huhwa gu si̱ nyia̱ ma̱ng a̱mba, “Nyi lyi̱ri̱m á̱ghyang nyin tazwa a̱lyiat nang n hyia̱, ‘Á̱ na labeang bah, nyi na li nung bah; á̱ bu na labeang bah, nyi na li nung’ a?

Yoona 16:5

“A̱wot di̱ yong huni, ma̱ninika n bwuot naat da̱ a̱vwuo a̱tyu a̱ ta̱m nung a̱ni. Ma̱ng a̱nia, a̱yin du lyip nung, ‘A̱ji wa nang a naat?’ bah.