Yoona 16:16 - A̠lyiat A̠gwaza na di̠n Tyap: A̠li̠ka̠uli A̠fai

¹⁶ “Á̱ na labeang bah, nyi na chat nung lyin. A̱wot á̱ bu na labeang bah, nyi bu li nung.”

Yoona 16:16 Iomraidhean Croise

Ma̱rkut 16:19

Nang A̱tyoli Yesu ntyak lyiat ma̱ng mman ta̱m nggu na a̱ni, á̱ si̱ kyiak gu á̱ nat ndyo Ma A̱gwaza tswazwa; a̱ si̱si̱ swan da̱ a̱vwuo shi a̱zayak A̱gwaza.

Yoona 12:35

Yesu si̱ nyia̱ ma̱ng a̱mba, “Sai hu shya̱ dundung ma̱ng a̱nyin da̱ a̱bada̱dei njen. Nyi chong di̱n jen ji nang sai hu nshya̱ dundung ma̱ nyin a̱ni, kalak lyin ku shya̱ nyin. Mat a̱tyu a̱ chong mi̱ ndyin a̱ni, a̱ lyen a̱vwuo ka nang gu nchong a̱ ntyei a̱ni bah.

Yoona 13:3

Yesu ku lyen nang A̱tyia̱ nggu wu ntyia̱ kuzang kyang bwak gu. A̱ si̱ bu lyen nang gu nneet da̱ a̱vwuo A̱gwaza, a̱wot a̱ bu na bwuok a̱ nat da̱ a̱vwuo A̱gwaza kya.

Yoona 13:33

“Nyin mman nung, jen ji nang n na nshya̱ ma̱ng a̱nyin a̱ni, ji̱ bu la̱u shi hu bah. Nyi na chat nung, a̱wot ma̱nang n hyia̱ ma̱ng A̱yahudawa ba a̱ni; a̱vwuo ka nang n naat a̱ni, nyi si̱ mi̱n nat bah. Huhwa n chat n tak nyin.

Yoona 16:10

“A̱ bu na tyiet mba tazwa tsotswat hu. Mat n naat da̱ a̱vwuo A̱tyia̱ nung ka; da̱ nyin, nyi bu na li nung bah.

Yoona 16:22

A̱nia wa ku na ndi da̱ a̱vwuo nyin. Ma̱ninika, nyi shya̱ ma̱ng byian fwuo. A̱mgba̱m ma̱ng a̱nia, n bu na ndi nyin. A̱wot a̱yin si̱ mi̱n ti̱n nyin a̱gwai a̱nia bah.

Yoona 16:28

N ghwut neet da̱ a̱vwuo A̱tyia̱ kikya, n si̱ mbai mi̱ swanta hu. A̱wot ma̱ninika, n na ghwon swanta hu, n bwuok nat da̱ a̱vwuo A̱tyia̱ nung ka.”

Yoona 16:5

“A̱wot di̱ yong huni, ma̱ninika n bwuot naat da̱ a̱vwuo a̱tyu a̱ ta̱m nung a̱ni. Ma̱ng a̱nia, a̱yin du lyip nung, ‘A̱ji wa nang a naat?’ bah.

Yoona 17:13

“Ma̱ninika n chobai da̱ a̱vwuo ang. A̱wot n tak ma̱ng a̱mba nkyang nani neet nang n ni̱ shya̱ mi̱ swanta hu. Da̱nian á̱niet khwi nung ba, ba̱ ka shya̱ a̱jhyem a̱gwai nung wu mi̱ nfwuo mba na.

Yoona 17:5

A̱wot ma̱ninika, A̱tyia̱ nung, bu nwuak nung a̱kyenkyai shi nang n ku mbyia̱ a̱zaghyi ang, neet nang á̱ ka̱n mat swanta hu a̱ni bah.

Yoona 7:33

Yesu si̱ nyia̱, “N na nswan ma̱ng a̱nyin da̱ a̱banjen ma̱ a̱da̱dei. A̱wot n na mbwuok nat da̱ a̱vwuo a̱tyu a̱ ta̱m nung a̱ni.

Nta̱m A̱yaata̱m 1:3

Nang Yesu ku nghwut mi̱ swuo a̱bung da̱ a̱team a̱khwu wu a̱ni, a̱ si̱ tyai a̱pyia̱ nggu kpa̱sai mami mam swak naai di̱n jen di̱n jen, da̱ a̱vwuo a̱yaata̱m nggu ba! A̱wot a̱ si̱ tyai a̱pyia̱ nggu kpa̱sai di̱ nvak na̱ tak chi̱k nang nggu wa ndoot ma̱ng swuan ma̱ á̱niet ba̱ ka̱n kwi a̱ni. A̱ si̱ wa̱i mba a̱lyiat tazwa Tyok A̱gwaza hu.

Ibriniyawa 12:2

Yok zi̱ tyia̱ a̱di̱dam nzi̱t wu di̱ Yesu kuzang jen. Nggu wa yet a̱gwak a̱ tsa nwuak fwuo da̱ A̱gwaza nzi̱t wu. A̱wot nggu wa bu na tyia̱ nwuak fwuo nzi̱t hu ku ngyet a̱tsatsak. Mat a̱lyia̱ sai nang Yesu na shya̱ á̱zanson a̱ni, a̱ ku gbang a̱lyia̱ nang á̱ nkpang nggu da̱ a̱team a̱khwu a̱ni. Á̱niet ba ku kyiak nang a̱khwu da̱ a̱team a̱khwu ngyet a̱ka̱tuk kyang nsum wa; a̱wot Yesu si̱ kyiak a̱nia bah. Ma̱ninika, Yesu swan a̱zayak da̱ a̱vwuo shi da̱ a̱beam a̱gba̱ndang chuk Tyok A̱gwaza ji.