Yoona 16:15 - A̠lyiat A̠gwaza na di̠n Tyap: A̠li̠ka̠uli A̠fai

¹⁵ A̱mgba̱m nkyang nang A̱tyia̱ wu byia̱ a̱ni, si̱ nung nia. Huhwa mbyia̱ nang n nyia̱ A̱za̱za̱rak Ntswa wu na kyiak kyang hu nang n hyia̱ a̱ni, a̱ tak nyin.

Yoona 16:15 Iomraidhean Croise

Matyu 11:27

“A̱tyia̱ nung wu, tyia̱ nung kuzang kyang mbwak. Á̱ mbyia̱ a̱tyu a̱ lyen Nggwon ka a̱tsatsak lyen a̱ni bah, si̱ ma̱ A̱tyia̱ wu. A̱wot á̱ bu mbyia̱ a̱tyu a̱ lyen A̱tyia̱ wu a̱tsatsak lyen a̱ni bah, si̱ ma̱ Nggwon ka. Ma a̱nia wa, á̱niet nang Nggwon ka khai a̱ni, bibya ka̱ na tyai mba A̱tyia̱ wu kpa̱sai, ba̱ lyen gu.”

Matyu 28:18

Yesu si̱ bai, a̱ si̱ tyia̱ mman ta̱m nggu na ta̱m nyia̱, “Á̱ nwuak nung a̱mgba̱m Tyok Ma A̱gwaza tswazwa ma̱ng swanta.

Luka 10:22

Yesu si̱ bu nyia̱, “A̱tyia̱ nung wu wa ka̱n tyia̱ nung a̱mgba̱m kuzang kyang mbwak. Á̱ mbyia̱ a̱tyu a̱ lyen Nggwon ka shansham a̱ni bah; si̱ ma̱ A̱tyia̱ nung wu wa ma̱nyin gu. Da̱ mba, á̱ mbyia̱ a̱tyu a̱ lyen A̱tyia̱ nung wu a̱ni bah; si̱ mi̱ Nggwon kikya ma̱nyin ka, mbeang á̱niet ba nang Nggwon ka khai ka̱ tyai mba A̱tyia̱ wu a̱ni.”

Yoona 13:3

Yesu ku lyen nang A̱tyia̱ nggu wu ntyia̱ kuzang kyang bwak gu. A̱ si̱ bu lyen nang gu nneet da̱ a̱vwuo A̱gwaza, a̱wot a̱ bu na bwuok a̱ nat da̱ a̱vwuo A̱gwaza kya.

Yoona 14:21

“Konyan wa lyen doká nung ji, a̱wot a̱ si̱ khwi nji a̱ni, nggu wa yet a̱tyu a̱ chat nung a̱ni. A̱tyu a̱ chat nung a̱ni; nggu wa nang A̱tyia̱ nung wu ma na chat. Nung, mameang, n na chat gu, a̱wot n tyai a̱pyia̱ nung kpa̱sai da̱ a̱vwuo nggu.”

Yoona 17:10

A̱mgba̱m á̱niet ba ba̱ yet á̱si̱ nung a̱ni, á̱si̱ nwan bya. A̱wot a̱mgba̱m á̱niet ba nang a byia̱ a̱ni, á̱si̱ nung bya. A̱wot bibya shei a̱kyenkyai shi nung wu.

Yoona 17:2

A nwuak Nggwon ang ka tyok tazwa a̱mgba̱m á̱niet ba. Da̱nian ka̱ ka nnwuak á̱niet ba nang a nwuak nka a̱ni swuan sang sangba̱p.

Yoona 3:35

A̱tyia̱ wu fa̱k da̱ Nggwon ka ba̱t. Huhwa mbyia̱ a̱ si̱ tyia̱ kuzang kyang mbwak nka.

A̱kolosiyawa 1:19

Mat a̱mgba̱m shim A̱gwaza hwa nang gu ntyai a̱mgba̱m za̱kwa nggu ji mami vam Kristi.

A̱kolosiyawa 2:3

Kristi byia̱ chet a̱ nang nyin mumwang, a̱ bu tyai nyin lyen nkyang hu, nyi ka fi̱k A̱lyiat A̱gwaza na na̱ yet a̱tan nang zwá a̱ni.

A̱kolosiyawa 2:9

Mat mi̱ Kristi wa ma̱nyin nggu nang á̱ ndi a̱jhyem za̱kwa A̱gwaza wu mi̱ vam a̱tyubishyi.