Yoona 16:12 - A̠lyiat A̠gwaza na di̠n Tyap: A̠li̠ka̠uli A̠fai

¹² “N byia̱ nkyang ma̱ a̱di̱di̱t nang n na hyia̱ ma̱ng a̱nyin a̱ni. A̱wot ma̱ninika nyi si̱ mi̱n ba̱ng na bah.

Yoona 16:12 Iomraidhean Croise

Ma̱rkut 4:33

Di̱ kidee ja ma̱ a̱di̱di̱t nang Yesu ntyiet mba A̱lyiat A̱gwaza na, ma̱ cha̱chaat nang ba̱ na nfi̱k na a̱ni.

Yoona 14:30

“N bu si̱ mi̱n dyiat ma̱ng a̱nyin a̱jojoot a̱lyiat bah, mat A̱ta̱nyeang swanta kani, ka̱ chobai. A̱mgba̱m ma̱ng a̱nia, ka̱ si̱ mi̱n nyia̱ tyok tazwa nung bah.

Yoona 15:15

N bu si̱ mi̱n mak yorong nyin á̱khwo bah. Mat, á̱khwo lyen kyang hu nang A̱tyoli nggu wu nyia̱ a̱ni bah. Da̱ a̱kwonu a̱kya, n gyei nyin á̱kpa̱ndang bya. Mat n tak ma̱ng a̱nyin a̱mgba̱m nkyang na nang n fa̱k da̱ a̱vwuo A̱tyia̱ nung ka a̱ni.

Yoona 16:11

“A̱wot a̱ bu na tyiet mba tazwa nyia̱ shi̱ri̱ya. Mat á̱ wa ka̱n nyia̱ A̱ta̱nyeang swanta ka shi̱ri̱ya.

Yoona 16:13

Mat a̱nia, ka̱ A̱za̱za̱rak Ntswa a̱ yet a̱chuchuk a̱ni bai, a̱ na kwak nyin a̱son di̱ kuzang a̱chuchuk. A̱lyiat a̱pyia̱ nggu nia gu na lyiat bah. A̱ na lyiat kyang nang gu fwuong wa a̱ni. A̱wot a̱ bu na tak ma̱ng a̱nyin nkyang na̱ na bai á̱zanson a̱ni.

Nta̱m A̱yaata̱m 1:3

Nang Yesu ku nghwut mi̱ swuo a̱bung da̱ a̱team a̱khwu wu a̱ni, a̱ si̱ tyai a̱pyia̱ nggu kpa̱sai mami mam swak naai di̱n jen di̱n jen, da̱ a̱vwuo a̱yaata̱m nggu ba! A̱wot a̱ si̱ tyai a̱pyia̱ nggu kpa̱sai di̱ nvak na̱ tak chi̱k nang nggu wa ndoot ma̱ng swuan ma̱ á̱niet ba̱ ka̱n kwi a̱ni. A̱ si̱ wa̱i mba a̱lyiat tazwa Tyok A̱gwaza hu.