Yoona 15:8 - A̠lyiat A̠gwaza na di̠n Tyap: A̠li̠ka̠uli A̠fai

⁸ Ka̱ nyi tyei sum ma̱ a̱di̱di̱t nang A̱gwaza chat a̱ni, nyi na tak nang nyi ngyet a̱tsatsak mman ta̱m nung nia. Nyi tsa bu nshei shi A̱tyia̱ nung hu kpa̱sai.

Yoona 15:8 Iomraidhean Croise

Matyu 5:16

“Ma a̱nia wa, nyi yok sai a̱tsotswat swat nyin hu ku ghwut kpa̱sai konyan a̱ lii, da̱nian konyan a̱ ka dyep A̱tyia̱ nyin wu a̱ shya̱ tswazwa ka a̱ni.

Matyu 5:44

A̱wot n bu mbeang shei nyin hu. Nyi chat á̱niet ba̱ lak li nyin a̱ni! Nyi bu naai A̱gwaza da̱nian á̱niet ba̱ ya̱shuk nyin a̱ni!

Matyu 9:8

Nang á̱kpa á̱niet ka ndi a̱nia a̱ni, ba̱ si̱ fa̱k a̱wun. A̱wot ba̱ si̱ dyep A̱gwaza mat si̱sak nang gu nta̱m ma̱ng a̱yin a̱ byia̱ tangka̱i a̱gba̱ndang tyok huni a̱ni.

Luka 6:35

Nyi ni̱ nchat á̱niet ba̱ lak li nyin a̱ni! Nyi nyia̱ mba a̱tan nkyang. Nyi bu khwap baa. Nyi yok dam kee ba̱ na nwai tan nyin bah. A̱wot A̱gwaza na tyia̱ nyin a̱gba̱ndang a̱li̱ba̱rka! A̱nia wa nyi na ngyet á̱tsatsak mman A̱gwaza a̱ Swak ma̱ng A̱kyenkyai Shi a̱ni; mat a̱ ni̱ nyia̱ á̱niet sang a̱gwai ma̱ng á̱niet a̱ka̱tuk nyia̱ shok.

Yoona 13:35

A̱nia wa na mbyia̱, konyan mi̱ swanta hu á̱ nfi̱k nang nyi ngyet mman ta̱m nung nia.”

Yoona 15:5

“Nung gwa ngyet a̱tyin a̱na̱p ka. Nyin bya yet mbwak a̱kwon na. A̱tyu a̱ ta̱meet da̱ nung a̱ni; nung mameang n si̱ nta̱meet da̱ nggu. A̱ na tai a̱kwon ka̱ tyei sum ma̱ a̱di̱di̱t a̱ni. Mat, ka̱ nyi ta̱meet da̱ nung wa bah, nyi maai nyi nyia̱ kyang bah.

Yoona 8:31

A̱jawa Yesu si̱ lyiat ma̱ng A̱yahudawa ba, ba̱ ku nwuak fwuo da̱ nggu a̱ni, a̱ si̱ nyia̱, “Ka̱ nyi wa khwi a̱lyiat nang n tyiet nyin a̱ni, si̱ nyin bya chi̱k yet mman nung na.

1 A̱korontiyawa 10:31

Mat a̱nia, ku nyi ya ku nyi swuo wa, kuzang kyang nang nyi nyia̱ a̱ni, nyi ni̱ nyia̱ nhu da̱nian nyi ka nwuak A̱gwaza shi.

1 A̱korontiyawa 6:20

mat A̱gwaza wa san nyin, a̱ si̱ tan ma̱ng a̱tsatsak nzang. Mat a̱nia, ku yet ta hwa nyi tyei nvam nyin na na̱ nwuak A̱gwaza shi.

A̱filibiyawa 1:11

Ma̱nang a̱kwon ni̱ ntyia̱ sum a̱ni, ma a̱nia wa, yok shya̱ san nyin hu ku tyei nyi shya̱ a̱tsotswat za̱kwa, a̱ neet da̱ a̱vwuo Yesu Kristi a̱ni, da̱nian á̱ ka dyep A̱gwaza á̱ nwuak gu shi.

Titut 2:10

Ba̱ bu yok kpa bwak. Da̱ a̱kwonu a̱kya, ba̱ nyia̱ tsotswat, ba̱ ka tak á̱niet ba shisham A̱lyiat A̱gwaza A̱tyusan nzi̱t wu kpa̱sai mami kuzang kyang.

1 Bitut 2:12

Nyi ta̱bam, nyi swan swat ku yet a̱ni ma̱ng á̱kpa̱ndang nswat nyin ba ba̱ nwai khwi A̱gwaza a̱ni. Mat, a̱mgba̱m nang ba̱ mbat nyin di̱ nyia̱ a̱ka̱tuk, ba̱ na li á̱tsatsak nta̱m nang nyi nyia̱ a̱ni, a̱wot ba̱ nwuak A̱gwaza shi di̱n jen nang gu na mbai a̱ni.

1 Bitut 4:11

A byia̱ za̱nang chet shei a̱lyiat A̱gwaza jaa? Shei na shansham, nang A̱gwaza wa lyiat mami ang a̱ni. A byia̱ za̱nang chet beang á̱niet jaa? Beang ba ma̱ng a̱mgba̱m chet nang A̱gwaza nang ang a̱ni. A̱jawa kuzang ta̱m nang a nyia̱ a̱ni na nwuak A̱gwaza shi mami a̱lyoot Yesu Kristi. A̱mgba̱m a̱kyenkyai shi ma̱ng chet, yet si̱ nggu hwa, si̱ nat sang sangba̱p. Samba̱rka!