Yoona 15:5 - A̠lyiat A̠gwaza na di̠n Tyap: A̠li̠ka̠uli A̠fai

⁵ “Nung gwa ngyet a̱tyin a̱na̱p ka. Nyin bya yet mbwak a̱kwon na. A̱tyu a̱ ta̱meet da̱ nung a̱ni; nung mameang n si̱ nta̱meet da̱ nggu. A̱ na tai a̱kwon ka̱ tyei sum ma̱ a̱di̱di̱t a̱ni. Mat, ka̱ nyi ta̱meet da̱ nung wa bah, nyi maai nyi nyia̱ kyang bah.

Yoona 15:5 Iomraidhean Croise

Matyu 13:21

A̱wot nang A̱lyiat A̱gwaza na mbyia̱ á̱ni̱nan ba̱ nwuo á̱ nat gbang mi̱ nfwuo mba na a̱ni bah. Ba̱ si̱ mi̱n dabeang mi̱ khwi hu bah. Ki̱ swuo a̱bung ba̱ bai, ku á̱ ta̱shuk baa mat A̱lyiat A̱gwaza na, ba̱ na bwuok lilyim ma a̱nggang.

Yoona 12:24

A̱tsatsak a̱lyiat wa za̱m nang n shei nyin; ka̱ á̱ ti̱p tswa nswaat a̱byin bah, ji̱ na swan jhyung ja ma̱nyin ji. Ki̱ ji khwu a̱byin ka, ji̱ na saat ba̱t. Ji̱ tyei tswá ma̱ a̱di̱di̱t.

Yoona 15:16

“Nyin bya ku khai nung bah. Nung gwa ku khai nyin. N si̱ ntyia̱ nyin, nyi nat nyi tyei sum ma̱ a̱di̱di̱t. Sum hu ku na labeang a̱ni. Huhwa na mbyia̱, A̱tyia̱ wu a̱ nang nyin a̱mgba̱m nkyang nang nyi naai mami a̱lyoot nung ka a̱ni.

Yoona 5:19

A̱jawa Yesu si̱ wa̱i a̱lyiat nyia̱, “N na hyia̱ ma̱ng a̱nyin a̱chuchuk; Nggwon A̱gwaza ka nyian kuzang kyang ma̱nyin ka bah; a̱ ni̱ nyia̱ kuzang nkyang nang gu li nang A̱tyia̱ wu nyia̱ wa a̱ni. Mat kuzang kyang nang A̱tyia̱ wu nyia̱ a̱ni; huhwa nang Nggwon ka nyia̱ mameang.

Yoona 9:33

Ka̱ a̱tyu wuni wa yet a̱tyu a̱ neet da̱ a̱vwuo A̱gwaza a̱ni bah, a̱ si̱ mi̱n nyia̱ kyang bah.”

Nta̱m A̱yaata̱m 4:12

“Yesu wa ma̱nyin gu maai a̱ san á̱niet swanta ba! Ma a̱nia wa, á̱ bu byia̱ a̱lyoot á̱ghyang nang A̱gwaza nwuak mi̱ swanta hu nang á̱niet ba na yorong ba̱ ka nshya̱ san a̱ni bah!”

A̱romawa 12:5

Ma a̱nia wa, zi̱ yet á̱niet ma̱ a̱di̱di̱t bya zi̱ yet vam nyiung mami Kristi a̱ni. A̱wot kuzang a̱yin ma̱ nzi̱t yet kap a̱ghyang nggu hwa.

A̱romawa 6:22

A̱wot ma̱ninika, nang á̱ nti̱n nyin mbwak tyok a̱ka̱tuk nyia̱, nyi si̱ shya̱ shot, nyi yet á̱sa̱t á̱niet a̱ni. Nyi bu yet á̱khwo A̱gwaza bya. Ma̱ninika, nyi nyia̱ nkyang na̱ na tyei nyin yet a̱za̱za̱rak á̱niet, a̱wot na̱ nwuak nyin swuan sang sangba̱p a̱ni.

A̱romawa 7:4

Mat a̱nia, nyin á̱niet khwi Yesu ba nang n chat a̱ni, kidee jini shya̱ tazwa nyin kya. Ku li á ngyei zi̱ khwu ndung ma̱ng Kristi di̱n jen nang á̱ ku nkpang vam nggu hu da̱ a̱team a̱khwu wu a̱ni. Ku si̱ tyia̱ doka Musa ji bu si̱ mi̱n nyia̱ tyok da̱ nzi̱t bah. Zi̱ kwi ndung ma̱ng Kristi, da̱nian zi̱ ka mun á̱pyia̱ ma̱ng a̱nggu; nggu a̱tyu a̱ khwu á̱ si̱ ta̱ngam nggu ma̱ng swuan ma̱ á̱niet ba̱ ka̱n kwi a̱ni. Nang ku ndi a̱nia a̱ni, zi̱ byia̱ chet zi̱ nyia̱ a̱tan nta̱m gba̱mgbam da̱nian A̱gwaza.

1 A̱korontiyawa 10:16

Di̱n jen ya kyayak a̱di̱dam a̱khwu Yesu ji, nang zi̱ ni̱ ntyia̱ a̱li̱ba̱rka wu ma̱ a̱kashyi da̱ A̱tyii A̱tyoli Yesu wu a̱ni, mee ku yet kidee di̱ mun á̱pyia̱ hwa ma̱ a̱sok Yesu Kristi naa? Ma a̱nia wa, jen ji nang zi̱ ni̱ nkpa̱ra̱m burodi sang yit wu a̱ni, mee ku yet kidee mun á̱pyia̱ nzi̱t ja mi̱ vam Yesu Kristi hu a?

1 A̱korontiyawa 12:12

Vam a̱tyubishyi hu byia̱ nkap ma̱ a̱di̱di̱t. A̱wot a̱mgba̱m nkap a̱nia yet vam nyiung hwa. Ma a̱nia wa, nzi̱t zi̱ yet kidee vam Yesu Kristi hu a̱ni ndi.

1 A̱korontiyawa 12:27

Ma a̱nia wa, a̱mgba̱m nyin sot á̱niet khwi ji, nyi yet vam Kristi hwa. A̱wot konyan ma̱ nyin yet kap nyiung hwa mi̱ vam nggu hu.

2 A̱korontiyawa 13:8

Mat zi̱ byia̱ chet nang zi̱ na nnyia̱ fi̱p ma̱ng a̱chuchuk wu a̱ni bah. A̱wot ku yet ta hwa kuzang jen zi̱ yong chi̱k da̱ a̱chuchuk wu.

2 A̱korontiyawa 9:10

Mat A̱gwaza wu wa nwuat a̱tyu khap wu zwá yak ji gu chyui. A̱wot a̱ bu nwuak nggu kyayak nang gu na ya a̱ni. Ma a̱nia wa, A̱gwaza bu na nwuak, a̱wot a̱ mbeang nyin bwuo yak gba̱mgbam. Da̱nian nyi ka mbeang á̱ghyang á̱niet ba̱ sang a̱ni gba̱mgbam ma̱ng fwuo nyiung.

A̱ga̱la̱tiyawa 5:22

A̱wot ntangka̱i za̱kwá nang A̱za̱za̱rak Ntswa wu nnwuat a̱ni, jija yet, chat á̱ghyang, fwuo sai, swat nyinyang, nyap fwuo, fwuong kunak, yet a̱tan, yet a̱tsotswat,

A̱fisawa 5:9

Mat sai ku shya̱ mi̱ nfwuo nyin na a̱ni, huhwa tyei kpangti̱n ji̱ yet a̱tan, tsotswat, ma̱ng a̱chuchuk a̱ni.

A̱filibiyawa 1:11

Ma̱nang a̱kwon ni̱ ntyia̱ sum a̱ni, ma a̱nia wa, yok shya̱ san nyin hu ku tyei nyi shya̱ a̱tsotswat za̱kwa, a̱ neet da̱ a̱vwuo Yesu Kristi a̱ni, da̱nian á̱ ka dyep A̱gwaza á̱ nwuak gu shi.

A̱filibiyawa 4:13

Ki̱ n doot n swan nswat huni mi̱ kuzang tangka̱i njen nang n shya̱ a̱pyia̱ nung a̱ni, mat chet hu nang Kristi nang nung a̱ni.

A̱filibiyawa 4:17

N hyia̱ a̱lyiat nani, mat n chat nyi nang nung kurum hwa bah. Da̱ a̱kwonu a̱kya, n chat nyi ma shya̱ zang ja da̱ a̱vwuo A̱gwaza, mat shok nang nyi nyia̱ nung dyo a̱ni.

A̱kolosiyawa 1:10

A̱nia wa, nyi na nswan swat ku na nwuak A̱gwaza shi, a̱wot ku myim nggu kuzang jen a̱ni. Nyi bu nyia̱ kuzang tangka̱i a̱tan nta̱m. Nyi bu mban lyen A̱gwaza hu shansham ba̱t, kuzang jen.

A̱kolosiyawa 1:6

A̱sham Nkhang kani nang á̱ shei nyin a̱ni, á̱niet ma̱ a̱di̱di̱t mi̱ swanta hu ka̱n fa̱k, ba̱ si̱ nwuak a̱chuchuk da̱ nka. A̱sham Nkhang kani laai á̱ mban mi̱ nfwuo á̱niet na koji. Ka̱ ni̱ shai swat mba hu nang a̱kwon ni̱ ntyei sum ka̱ laai á̱ mban, mat chet nang ka̱ byia̱ a̱ni. Ma a̱nia wa, nang ka̱ ku nshai a̱ka̱tuk nswat nyin wu di̱n jen nang nyi ku ntsa fa̱k, nyi si̱ fi̱k a̱tsatsak a̱lyiat tazwa a̱gba̱ndang shok A̱gwaza wu a̱ni.

Yakubu 1:17

Kuzang a̱tan ma̱ng a̱tsatsak za̱nang chorop a̱ neet da̱ a̱vwuo A̱gwaza a̱ yet A̱tyia̱ nzi̱t, a̱tyu a̱ mat a̱mgba̱m nkyang na̱ sai mi̱ kyai tswazwa a̱ni. Da̱ nggu, a̱ shai za̱kwa nggu ji nang nghwughwu mam, ku zwat ma̱ng a̱ta̱ngwat ni̱ nshai tityan yong mba ji a̱ni bah.

1 Bitut 2:4

Nyi bai da̱ a̱vwuo Kristi, a̱ yet a̱fang nswuan a̱ta̱m kuntyin nok a̱li A̱gwaza ka a̱ni. Á̱nietbishyi si̱ lak gu. A̱wot A̱gwaza si̱ khai ngguu, á̱ ka chyin ngguu gba̱mgbam.

2 Bitut 3:18

Da̱ a̱kwonu a̱kya, nyi ya a̱son ma̱ng mban hwa mami shok ma̱ng lyen A̱tyoli Yesu Kristi A̱tyusan nzi̱t wu. Yok a̱kyenkyai shi a̱ yet si̱ nggu ma̱nini, ba̱ng si̱ nat sang sangba̱p! Samba̱rka!