Yoona 15:4 - A̠lyiat A̠gwaza na di̠n Tyap: A̠li̠ka̠uli A̠fai

⁴ Nyi ta̱meet da̱ nung; nung mameang n na nta̱meet da̱ nyin. Ma̱nang bwak a̱kwon a̱na̱p si̱ mi̱n tyia̱ sum ma̱nyin hu ka̱nang ku ta̱meet da̱ a̱tyin a̱kwon a̱na̱p ka a̱ni bah; ma a̱nia wa nyin mameang, nyi si̱ mi̱n nyia̱ kyang ma̱nyin nyin, ka̱nang nyi ta̱meet da̱ nung bah.

Yoona 15:4 Iomraidhean Croise

Matyu 12:33

Ma a̱nia wa, ka̱ a̱kwon ka yet a̱ka̱nka̱ra̱ng, sum nka hu na yet a̱tan. A̱wot ka̱ a̱kwon ka byia̱ zwan, sum nka hu na yet a̱bombwuon. Mat a̱nia, á̱ ni̱ fi̱k a̱ka̱nka̱ra̱ng a̱kwon wu mat sum nka hu hwa.

Luka 8:15

“A̱wot a̱tsatsak a̱byin wu a̱ byia̱ bwum hu nang á̱ nnai zwá yak ji a̱ni, kikya yet kidee nfwuo á̱niet ba̱ fa̱k A̱lyiat A̱gwaza na ma̱ng fwuo nyiung. A̱wot ba̱ si̱ sak na mi̱ nfwuo mba na. Ba̱ si̱ bu neap nfwuo mba na. Ba̱ si̱ nnyia̱ nta̱m. Ba̱ si̱ tyia̱ tswá gba̱mgbam.”

Yoona 14:20

A̱tuk a̱kyakya nang nyi na ndyen nang nung nshya̱ mami A̱tyia̱ nung; nyin, nyi si̱ ma nshya̱ mami nung; nung mameang, n si̱ ma shya̱ mami nyin.

Yoona 17:23

N na swan dundung ma̱ng a̱mba; nwan mameang, a ma nswan dundung ma̱ng a̱nung. Yok ba̱ mun á̱pyia̱ za̱m, ku na tyia̱ á̱niet ma̱ a̱di̱di̱t mi̱ swanta hu ba̱ lyen nang nwan wa nta̱m nung; a̱wot ba̱ bu lyen nang a nchat ba ma̱ cha̱chaat nang a nchat nung a̱ni.

Yoona 6:56

Konyan wa ya nam vam nung hu, a̱ si̱ swuo a̱sok nung na; a̱tyu a̱wa swan dundung ma̱ng a̱nung. A̱wot nung mameang, n shya̱ dundung ma̱ng a̱nggu.

Yoona 8:31

A̱jawa Yesu si̱ lyiat ma̱ng A̱yahudawa ba, ba̱ ku nwuak fwuo da̱ nggu a̱ni, a̱ si̱ nyia̱, “Ka̱ nyi wa khwi a̱lyiat nang n tyiet nyin a̱ni, si̱ nyin bya chi̱k yet mman nung na.

Nta̱m A̱yaata̱m 11:23

Jen nang Ba̱nabat si̱ nnwuo, a̱ si̱ li si̱sak nang A̱gwaza nnyia̱ mba shok a̱ni. A̱ si̱ fa̱k fwuo sai ba̱t! A̱wot a̱ si̱ tyia̱ mba gba̱gbak, ba̱ ka yong da̱ a̱chuchuk ba̱ khwi A̱tyoli Yesu ma̱ng fwuo nyiung.

Nta̱m A̱yaata̱m 14:22

Ba̱ si̱ tyia̱ á̱niet khwi ba gba̱gbak, ba̱ yong mi̱ chet di̱ nwuak fwuo mba hu da̱ Yesu. Ba̱ si̱ nyia̱ ma̱ng a̱mba ba̱ yok bwung bah; nyia̱, “Ku yet ta hwa zi̱ swuo a̱bung di̱ nvak ma̱ a̱di̱di̱t, zi̱ sii nnwuo Tyok A̱gwaza hu!”

2 A̱korontiyawa 13:5

Nyi mak á̱pyia̱ nyin nyi ka li, ke nwuak a̱chuchuk nyin hu yet a̱tsatsak wa. Nyi mak á̱pyia̱ nyin. A̱tsak a̱lyiat, nyi lyen nang Yesu Kristi nshya̱ ma̱ nyin, ki̱ di̱ a̱nia wa la? Ka̱ a̱nia wa bah, nyi ka̱n kwa di̱ mak a̱tsatsak nwuak a̱chuchuk nyin hu.

A̱ga̱la̱tiyawa 2:20

Á̱ ka̱n kpang za̱kwa a̱ka̱tuk nyia̱ nung ji da̱ a̱team a̱khwu ndung ma̱ng Kristi. Ma̱ninika, n swan swat a̱pyia̱ nung hwa bah. A̱wot n swan swat Kristi hwa. A̱wot n swan mi̱ vam mi̱ swanta huni di̱ nwuak fwuo di̱ khwi Nggwon A̱gwaza. Kikya chat nung, ka̱ si̱ nwuak a̱pyia̱ nka da̱nian nung.

A̱fisawa 3:17

Da̱nian Kristi gu ka shya̱ a̱vwuo nswat mi̱ fwuo nyin na, mat nwuak fwuo nyin hu da̱ nggu. N bu naai A̱gwaza gu tyia̱ nyi mbeang chet di̱ chat gu hu ma̱ng á̱ghyang nyin, nang a̱kwon ka̱ byia̱ á̱ni̱nan ba̱ nwuo ma̱ tsuung mi̱ chet a̱byin a̱ni, ku nang a̱li nang á̱ nok di̱ kuntyin ku byia̱ chet a̱ni.

A̱filibiyawa 1:11

Ma̱nang a̱kwon ni̱ ntyia̱ sum a̱ni, ma a̱nia wa, yok shya̱ san nyin hu ku tyei nyi shya̱ a̱tsotswat za̱kwa, a̱ neet da̱ a̱vwuo Yesu Kristi a̱ni, da̱nian á̱ ka dyep A̱gwaza á̱ nwuak gu shi.

A̱kolosiyawa 1:23

A̱wot ku yet ta hwa, nyi ya a̱son di̱ nwuak a̱chuchuk nyin hu nang á̱ kpaat di̱ kuntyin ku yet a̱tsatsak a̱lyiat wu a̱ni. A̱wot nyi ba̱ng nggu gi̱ngi̱ng. Nyi yok shim a̱yin a̱ tyia̱ nyi teap nyi ghwon tyia̱ fwuo hu nang A̱gwaza nyia̱ a̱li̱ka̱uli ma̱ A̱sham Nkhang ka a̱ni bah. Da̱ A̱sham Nkhang kani kya nang á̱ nkhai nung Bulut n gyet a̱khwo A̱gwaza wu. A̱wot n shei nka da̱ a̱vwuo á̱niet ma̱ a̱di̱di̱t, mi̱ kuzang a̱vwuo mi̱ swanta hu. A̱sham Nkhang kani kya nang nyi wa ka̱n fa̱k.

A̱kolosiyawa 1:27

Mat A̱gwaza tyai á̱niet nggu ba si̱sak nang gu mbyia̱ a̱tsatsak la̱p sak da̱nian a̱mgba̱m nnwap mi̱ bibyin swanta hu a̱ni. A̱wot a̱ tyai á̱niet nggu ba ba̱ lyen la̱p sak ku shya̱ di̱ niat a̱ni. Huhwa yet; tangka̱i zwá ma̱ng a̱kyenkyai shi nang Kristi byia̱ a̱ni, mun a̱ yet si̱ a̱mgba̱m nnwap mi̱ bibyin swanta hu hwa. A̱wot la̱p sak hu ku shya̱ di̱ niat a̱ni, huhwa hu; Kristi mun a̱pyia̱ ma̱ng a̱nyin Nnwap na̱ nwai yet A̱yahudawa a̱ni. A̱wot si̱ huni tyia̱ nyin, nyi tyia̱ fwuo nyi shya̱ a̱kwonu nyin ma̱ a̱kyenkyai shi nggu wu.

A̱kolosiyawa 2:6

A̱wot ma̱ninika, ma̱nang nyi wa ka̱n san Kristi Yesu a̱ yet A̱tyoli nyin wu a̱ni, ku yet ta hwa nyi ya a̱son ma̱ng khwi nggu hu a̱nia.

1 A̱ta̱solonikawa 3:5

Mat nang gbang a̱lyia̱ hu ku nkaat nung a̱ni, n si̱ ta̱m Timoti da̱ a̱vwuo nyin n ka ndyen nwuak fwuo nyin hu di̱ Yesu. N ku nfa̱k a̱wun kee A̱ta̱nyeang ka, ka̱ yet a̱tyu mai á̱niet a̱ni, ka̱ mak nyin, nyi si̱ kwa, a̱wot a̱mgba̱m ta̱m zi̱ ka̱n nyia̱ da̱ nyin a̱ni, ku tyia̱ a̱buk kyang.

Ibriniyawa 10:39

A̱mgba̱m ma̱ng a̱nia, nzi̱t zi̱ yet á̱niet ba̱ bwuot lilyim di̱ khwi A̱gwaza, ba̱ bwuk wa a̱ni bah. Da̱ a̱kwonu a̱kya, nzi̱t zi̱ yet á̱niet nwuak fwuo bya da̱ A̱gwaza a̱ na san nzi̱t a̱ni.

1 Yoona 2:6

Á̱niet ba ba̱ tak nyia̱ ba̱ shya̱ ndung ma̱ng A̱gwaza a̱ni, ku yet ta hwa ba̱ swan ma̱nang Yesu nswan a̱ni.

2 Yoona 1:9

Konyan wa mbeang a̱ si̱ shyak tyiet Kristi hu, a̱wot a̱ si̱ bwuok lilyim di̱ khwi tyiet a̱hwa, a̱tyu a̱wa byia̱ a̱meang ma̱ng A̱gwaza bah. A̱wot a̱tyu a̱ ya a̱son di̱ khwi tyiet Kristi hu a̱ni, a̱ byia̱ a̱meang ma̱ng A̱tyia̱ wu bi̱ri̱ng ma̱ng Nggwon nggu ka.