Yoona 15:26 - A̠lyiat A̠gwaza na di̠n Tyap: A̠li̠ka̠uli A̠fai

²⁶ “A̱wot n na ntyia̱ A̱tyu Beang gu bai da̱ a̱vwuo nyin. A̱ na neet da̱ a̱vwuo A̱tyia̱. Nggu wa yet A̱za̱za̱rak Ntswa a̱ shei a̱chuchuk wu a̱ni. Nggu, a̱ na neet da̱ a̱vwuo A̱tyia̱ kya. Nggu wa na tak nyin kpa̱sai tazwa nung.

Yoona 15:26 Iomraidhean Croise

Luka 24:49

“A̱wot á̱ na labeang bah, n na nta̱m ma̱ng a̱nyin A̱za̱za̱rak Ntswa wu; ma̱nang A̱tyia̱ nung wu ku nnyia̱ a̱li̱ka̱uli a̱ na ta̱m ma̱ng a̱nyin dyo a̱ni. A̱wot nyi ya ndabeang mi̱ Urusha̱lima. Nyi fwuong jen nang A̱za̱za̱rak Ntswa wu na mbai, a̱ tyia̱ nyin chet gba̱mgbam ku neet Ma A̱gwaza tswazwa a̱ni.”

Yoona 14:26

A̱wot A̱tyu Beang wu, nggu wa yet A̱za̱za̱rak Ntswa nang A̱tyia̱ wu na ta̱m ndyo da̱ a̱kwonu nung a̱ni; nggu wa na tyiet nyin kuzang kyang. A̱wot a̱ bu jhyung nyin a̱mgba̱m kuzang kyang nang n ka̱n hyia̱ ma̱ng a̱nyin a̱ni.

Yoona 16:7

A̱wot, n shei nyin a̱chuchuk; ka̱ n ghwon nyin, ku na yet nyin a̱sham za̱m. Mat, ki̱ n nkat n si̱ ghwon nyin bah, A̱tyu Beang wu na bai da̱ a̱vwuo nyin bah. Huhwa mbyia̱, ka̱ n nkat, n na nta̱m ma̱ng a̱nyin guu.

Yoona 8:42

Yesu si̱ nyia̱ ma̱ng a̱mba a̱ni, “Ka̱ a̱tsatsak a̱lyiat wa nang A̱gwaza wa yet A̱tyia̱ nyin wu; si̱ nyi fa̱k da̱ nung. Mat, n ghwut neet da̱ a̱vwuo A̱gwaza kya; n shya̱ a̱ji ma̱ninika. N bai a̱ji da̱nian a̱pyia̱ nung bah, A̱gwaza wa ta̱m nung.

Nta̱m A̱yaata̱m 1:4

Di̱n jen jhyang, nang gu ku nshya̱ di̱ ya kyayak dundung ma̱ng a̱mba a̱ni, a̱ si̱ gba mba mi̱ chet nyia̱, “Nyi yok doot, nyi ghwon Urusha̱lima hu a̱nfaan bah. Da̱ a̱kwonu a̱kya, nyi swan fwuong za̱nang nang A̱tyia̱ nung wu nyia̱ a̱li̱ka̱uli a̱ na ta̱m ma̱ng a̱nyin dyo a̱ni; ma̱nang n ku nhyia̱ ma̱ng a̱nyin a̱ni.

Nta̱m A̱yaata̱m 15:8

“A̱gwaza wu a̱ lyen nfwuo á̱nietbishyi na a̱ni, a̱ si̱ shim nang gu na nsan Nnwap na̱ nwai yet A̱yahudawa a̱ni, mat si̱sak nang gu nnang mba A̱za̱za̱rak Ntswa wu; ma̱nang gu ku nnang nzi̱t a̱ni.

Nta̱m A̱yaata̱m 5:32

Nzi̱t bya ku li ma̱ng á̱ghyi. Zi̱ si̱ bu yet á̱niet ba, ba̱ shei kyang hu nang A̱gwaza nyia̱ a̱ni; a̱wot ma a̱nia wa, A̱za̱za̱rak Ntswa wu nang A̱gwaza nwuak á̱niet ba ba̱ khwi á̱lyiat nggu na a̱ni.”

1 A̱korontiyawa 1:6

Si̱ huni tak za̱m nang a̱lyiat n ku ntak nyin tazwa Yesu Kristi a̱ni, yet a̱chuchuk wa.

Ibriniyawa 2:4

A̱wot A̱gwaza ku tak nang ta̱m ji ngyet a̱tsatsak wa mat nkyang a̱ri̱bi̱di, nkyang a̱ga̱de, ma̱ng a̱lama a̱ tak a̱chuchuk A̱gwaza wu, ma̱ng ka̱u za̱náng chet A̱za̱za̱rak Ntswa da̱ á̱niet kuzang jen nang gu khai a̱ni.

Tyai Á̱zanson 22:1

A̱jawa a̱ta̱m tswa A̱gwaza wu si̱ tak ma̱ng a̱nung a̱ghyui ka̱ byia̱ a̱sa̱khwot nswuan a̱ni. A̱sa̱khwot na li ma̱ wowot nang ma̱dubi a̱ni, na̱ tyong á̱ neet da̱ a̱gba̱ndang chuk Tyok A̱gwaza ma̱ng a̱si̱ Fi̱ng A̱nfwuk hu!