Yoona 15:25 - A̠lyiat A̠gwaza na di̠n Tyap: A̠li̠ka̠uli A̠fai

²⁵ “Kyang hu ba̱ nyia̱ a̱ni, ku ku bai da̱ a̱nu ka ma̱ cha̱chaat ma̱ng kyang nang á̱ ku lyuut mami doka mba ji a̱ni nyia̱, ‘Ba̱ ku lak li nung ma̱ kpa̱a̱t. Da̱ mba, ba̱ byia̱ ta̱fwat bah.’

Yoona 15:25 Iomraidhean Croise

Matyu 10:8

Nyi choot á̱niet nzwán ba. Nyi shyi̱ri̱p á̱niet ba ba̱ ka̱n kwi a̱ni ma̱ng swuan. Nyi choot á̱niet gbap ba. Nyi bu khai á̱ka̱tuk ntswá ba̱ ghwut ma̱ á̱niet ba. Ma̱nang á̱ nang nyin a̱ni, nyin meang, nyi ma nang a̱nia di̱ mi̱n san zang.

Luka 24:44

A̱jawa Yesu si̱ nyia̱, “Jen nang n ku nshya̱ ndung ma̱ng a̱nyin a̱ni, n ku ntak ma̱ng a̱nyin á̱zanson nang kuzang a̱lyiat nang á̱ lyuut tazwa nung mi̱ doka Musa ji ma̱ng a̱yaata̱m a̱kwonu A̱gwaza ba, mbeang Za̱bura a̱ni; ku yet ta hwa na̱ bai da̱ a̱nu ka.”

Yoona 10:34

Yesu si̱ nyia̱ ma̱ng a̱mba a̱ni, “Á̱ ku lyuut mi̱ doka nyin ji nyia̱, A̱gwaza nyia̱ ma̱ng a̱yaakwak a̱son á̱niet Isi̱rela á̱ghyang; ‘Nyi yet a̱yaagwaza bya.’

Yoona 13:18

“A̱mgba̱m nyin wa nang n dyiat bah. N dyen á̱niet ba nang n ku nkhai ma̱ nyin a̱ni. A̱mgba̱m ma̱ng a̱nia, ku yet ta hwa A̱lyiat A̱gwaza na na̱ bai cha̱chaat nyia̱, ‘A̱tyu a̱ ya kyayak hu ma̱ng a̱nung a̱ni, a̱ bwuak a̱ si̱ tyia̱ a̱tyu lak li nung.’

Yoona 19:36

Si̱ huni ku bai da̱nian ku ka nat cha̱chaat ma̱ng kyang nang á̱ ku lyuut mami A̱lyiat A̱gwaza na a̱ni nyia̱, “Á̱ byia̱ kunkup gu nyiung nang á̱ na but a̱ni bah.”

A̱romawa 3:19

Ma̱ninika, zi̱ lyen kuzang kyang ku shya̱ mi̱ doka ji a̱ni, á̱ lyuut hu da̱nian A̱yahudawa nang doka ji nyia̱ tyok da̱ mba a̱ni. Mbeang a̱nia, ta̱m doka huhwa yet; ku vwuong a̱mgba̱m á̱niet ba̱ shyat ta̱fwat kwop a̱dyii̱ng di̱ shi̱ri̱ya A̱gwaza ji a̱ni. A̱wot ku si̱ bu tak kpa̱sai nang a̱mgba̱m á̱niet swanta ba mbwuo a̱bun a̱zaghyi A̱gwaza.

A̱romawa 3:24

A̱mgba̱m ma̱ng a̱nia, A̱gwaza a̱ fwuong shok konyan a̱ni, a̱ tak kpa̱sai nang gu nkyiak zi̱t zi̱ yet á̱tsotswat á̱niet ba̱ sang a̱bun a̱zaghyi nggu a̱ni. A̱gwaza nyia̱ si̱ huni di̱n vak Kristi Yesu, di̱n jen nang gu nsan nzi̱t zi̱ yet á̱sa̱t á̱niet da̱ a̱vwuo nggu a̱ni.

2 A̱korontiyawa 11:7

Nyi kyiak n ku mbwuo a̱bun wa nang n ku nkyiak a̱pyia̱ nung kyang a̱ni baa? Kee nyi kyiak n ku mbwuo a̱bun wa, nang n si̱ nwuak nyin shi di̱ shei nyin A̱sham Nkhang A̱gwaza ka di̱ mi̱n san zang da̱ a̱vwuo nyin a?

A̱ga̱la̱tiyawa 2:21

A̱wot n si̱ mi̱n fwuo nang A̱gwaza nsan zi̱t mat shok nang gu nyia̱ nzi̱t ndyo a̱ni bah. Mat, ka̱ á̱ wa nyia̱ khwi doka hu si̱ mi̱n tyia̱ A̱gwaza a̱ kyiak a̱tyubishyi nang a̱tsotswat a̱tyu sang a̱bun a̱zaghyi nggu a̱ni, si̱ a̱khwu Kristi ka yet a̱buk kyang wa!

2 A̱ta̱solonikawa 3:8

Da̱ nzi̱t, zi̱ ku ya kyayak a̱yin da̱ mi̱ nwai tan bah. Da̱ a̱kwonu a̱kya, zi̱ ku nyia̱ ta̱m a̱ta̱mam ma̱ng a̱tyetuk. Zi̱ si̱ nyia̱ ta̱m nkan a̱lahyia̱, mat zi̱ ku chat zi̱ yet kpa̱t da̱ a̱vwuo a̱yin bah.

Tyai Á̱zanson 21:6

A̱wot A̱gwaza si̱ bu nyia̱, “Ku bai tyak! Nung gwa ngyet A̱lfa ma̱ng Omega; A̱son ka ma̱ng A̱ngaan ka! Konyan wa a̱ fwuong mashyi a̱ni, n na nang gu a̱sa̱khwot mi̱ nnang a̱sa̱khwot nswuan na gu swuo! A̱ na tan bah.

Tyai Á̱zanson 22:17

A̱za̱za̱rak Ntswa wu ma̱ng Nggwon neam naat nyeang ka si̱ nyia̱, “Yesu bai!” Konyan wa fa̱k a̱ni, yok gu nyia̱, “Yesu bai!” Yok a̱mgba̱m á̱niet ba̱ fwuong mashyi a̱sa̱khwot a̱ni, ba̱ bai! Yok á̱niet ba̱ chat swuo a̱sa̱khwot nswuan a̱ni, ba̱ bai ba̱ swuo di̱ mi̱n tan zang!