Yoona 15:24 - A̠lyiat A̠gwaza na di̠n Tyap: A̠li̠ka̠uli A̠fai

²⁴ “N ku nyia̱ nkyang a̱ga̱de ma̱ a̱di̱di̱t a̱zaghyi mba. Mami mba, á̱ mbyia̱ a̱tyu a̱ ka̱ mak nyia̱ na a̱ni bah. Ka̱ á̱ wa nyia̱, di̱ n wa nyia̱ nkyang a̱ga̱de a̱nia a̱zaghyi mba bah; si̱ ba̱ byia̱ a̱bun bah. A̱wot ma̱ninika, ba̱ li kyang hu nang n nyia̱ a̱ni. A̱mgba̱m ma̱ng a̱nia, ba̱ si̱ lak li nung, á̱ tsa bu ndak li A̱tyia̱ nung wu.

Yoona 15:24 Iomraidhean Croise

Matyu 11:5

Á̱niet a̱fi̱fan shyat nwuan a̱vwuo. Á̱niet a̱ti̱tak ba̱ ta̱luk a̱ni si̱ chong. Á̱ si̱ choot á̱niet gbap, ba̱ si̱ tyia̱ za̱za̱rak. A̱yaashi̱lan si̱ nwuo fwuong a̱vwuo. Á̱ ya̱ngam á̱niet ba̱ ka̱n kwi a̱ni ma̱ng swuan. A̱wot á̱ si̱ bu shei á̱kunak na A̱sham Nkhang ka.

Matyu 21:32

Mat Yoona a̱tyu nyia̱ ba̱ptisman ku bai, a̱ si̱ tyiet nyin a̱tsatsak nvak swat mi̱ swanta hu. A̱wot nyi si̱ lak nwuak a̱chuchuk da̱ nggu. A̱wot á̱ka̱tuk á̱niet saai kurum ga̱ndu ma̱ng á̱nyiuk ba̱ yet khám a̱ni, si̱ nwuak a̱chuchuk da̱ a̱nggu. A̱mgba̱m nang nyi ndi á̱ka̱tuk á̱niet bani nnwuak a̱chuchuk da̱ a̱nggu a̱ni, nyi si̱ lak ghwon a̱ka̱tuk nyia̱ nyin wu.

Matyu 9:33

Huhwa Yesu si̱ vwuong a̱ka̱tuk ntswa wu, a̱wot ma̱ma̱m wu si̱ nwuo lyiat. Á̱kpa á̱niet ka si̱ fa̱k a̱ga̱de. Ba̱ si̱ nyia̱, “Á̱ ka̱n nyia̱ tangka̱i a̱ri̱bi̱di huni mi̱ Isi̱rela bah!”

Ma̱rkut 2:12

A̱tyu nzwan wu si̱ tat a̱ doot. A̱ si̱ kyiak a̱gbaat nggu wu, a̱ si̱ ghwut a̱ bai nta a̱zaghyi konyan. A̱mgba̱m mba konyan si̱ fa̱k a̱ga̱de. Ba̱ si̱ ta̱bat dyep A̱gwaza nyia̱, “Zi̱ ka̱n di tangka̱i kyang a̱ri̱bi̱di nang si̱ huni a̱ni bah!”

Luka 24:19

Yesu si̱ bu lyip ba, nyia̱ “Zang ntangka̱i nkyang nia?” Ba̱ si̱ bu nyia̱ ma̱ng a̱nggu, “Nkyang na na̱ shya̱ Yesu a̱ neet ma̱ a̱keang Na̱za̱ra̱t ka a̱ni. A̱ ku yet a̱tsak a̱ta̱m a̱kwonu A̱gwaza wa. A̱ si̱ nyia̱ nkyang a̱ri̱bi̱di na̱ byia̱ chet a̱ni. A̱wot a̱ si̱ yet a̱gba̱ndang a̱tyu tyiet wa a̱zaghyi A̱gwaza mbeang a̱mgba̱m á̱nietbishyi ba.

Yoona 10:32

A̱jawa, Yesu si̱ nyia̱ ma̱ng a̱mba, “N ka̱n nyia̱ a̱tan nta̱m ma̱ a̱di̱di̱t nang A̱tyia̱ nung wu nwuak nung n nyia̱ a̱ni a̱zaghyi nyin. Zang huhwa nang n nyia̱, nang nyi nchat mang nung ma̱ng nfang na?”

Yoona 10:37

“Ki̱ nta̱m A̱tyia̱ nung nia nang n nyia̱ bah, nyi yok nwuak fwuo da̱ nung bah.

Yoona 12:10

A̱jawa, a̱cha̱chet a̱yaapris ba si̱ la̱p a̱nu nyia̱ ba̱ na hyat Laaza̱rut mameang.

Yoona 12:45

Konyan wa nwuan nung a̱ni, a̱ nwuan A̱tyu a̱ ta̱m nung wa a̱ni.

Yoona 14:9

Yesu si̱ nwuak Filibut shim hu nyia̱, “N dabeang ma̱ng a̱nyin ba̱t a̱ni. A̱mgba̱m ma̱ng a̱nia, nyi lyen nung baa? Konyan wa li nung, a̱ wa ka̱n di A̱tyia̱ nung wu za̱m! Yihwa mbyia̱ nang a nyia̱, ‘Tak zi̱t A̱tyia̱ wu’?

Yoona 15:21

“Ba̱ na nyia̱ nyin a̱ka̱kpa̱t, mat nyi yet a̱si̱ nung bya. A̱wot ba̱ bu lyen a̱tyu a̱ ta̱m ma̱ng a̱nung a̱ni bah.

Yoona 15:22

Ka̱ n wa ku ngyok bai n si̱ ndyiat ma̱ng a̱mba bah; si̱ ba̱ yet á̱niet bwoi a̱bun bya. Nang ku ndi a̱nia a̱ni, di̱ yong huni ba̱ byia̱ ta̱fwat kyang tazwa a̱ka̱tuk nyia̱ mba wu bah.

Yoona 15:23

Konyan wa lak li nung, a̱ lak li A̱tyia̱ nung wu wa oo!

Yoona 16:9

“A̱tyu Beang na tyiet mba nang a̱di̱dam mba wu tazwa a̱ka̱tuk nyia̱ ngyet bah. Mat ba̱ lak nwuak fwuo da̱ nung.

Yoona 3:2

Nggu wa ku bai da̱ a̱vwuo Yesu a̱tyetuk, a̱ si̱ ba̱ nyia̱, “A̱tyu tyiet, zi̱ lyen nang a ngyet a̱tyu tyiet wa nang A̱gwaza ta̱m ndyo a̱ni. Mat á̱ mbyia̱ a̱tyu a̱ na nyia̱ ntangka̱i a̱cha̱chet nkyang a̱ga̱de nani nang a nyia̱ a̱ni; ka̱nang A̱gwaza shya̱ dundung ma̱ng a̱nggu bah.”

Yoona 5:36

“A̱mgba̱m ma̱ng a̱nia, n byia̱ nkyang na̱ shei a̱chuchuk wu kpa̱sai tazwa nung, na̱ lan si̱ Yoona hu ma̱ng shi a̱ni. Huhwa yet nta̱m na nang n nyia̱ a̱ni; nta̱m na nang A̱tyia̱ nung wu ku nwuak nung n nyia̱ a̱ni. Nta̱m ni̱nia lyiat da̱ a̱kwonu nung. A̱wot na̱ si̱ tak nyin nang A̱tyia̱ nung wu wa ku nta̱m nung.

Yoona 6:36

“A̱wot ma̱nang n ka̱n hyia̱ ma̱ng a̱nyin a̱ni; nyi li nung, a̱mgba̱m ma̱ng a̱nia, da̱ nyin nyi nwuak fwuo da̱ nung bah.

Yoona 7:31

Ma̱ng a̱nia, á̱niet ma̱ a̱di̱di̱t mami á̱kpa á̱niet ka si̱ nwuak fwuo da̱ nggu. Ba̱ si̱ nyia̱, “Jen ji nang Kristi bye mbai a̱ni, a̱ si̱ ba̱ nyia̱ a̱cha̱chet nkyang a̱ga̱de na̱ lan si̱ nang a̱tyu wuni ka̱n nyia̱ a̱ni a?”

Yoona 9:32

“Neet nang á̱ nnyia̱ swanta huni, á̱ ka̱n fa̱k nang a̱yin khwuk á̱ghyi a̱tyu nang á̱ byin ma̱ng a̱fi̱fan a̱ni bah.

Yoona 9:41

Yesu si̱ nyia̱ ma̱ng a̱mba a̱ni, “Ka̱ nyi wa yet á̱niet a̱fi̱fan bya, si̱ nyi byia̱ a̱bun bah. A̱wot nang nyin nyia̱ nyi nwuan a̱ni, a̱ka̱tuk nyia̱ nyin wu yong da̱ nyin.”

Nta̱m A̱yaata̱m 10:38

A̱wot nyi bu lyen nang A̱gwaza nkup Yesu a̱tyu Na̱za̱ra̱t tyok, a̱ si̱ bu nang nggu chet A̱za̱za̱rak Ntswa. A̱jawa Yesu si̱ chong a̱ kat a̱ nyia̱ a̱tan nta̱m ma̱ng choot a̱mgba̱m á̱niet nang á̱ka̱tuk ntswá nyia̱ tyok A̱ta̱nyeang da̱ mba a̱ni. Mat A̱gwaza ku shya̱ ndung ma̱ng a̱nggu.

Nta̱m A̱yaata̱m 2:22

“Nyin á̱niet Isi̱rela, nyi myiai a̱fufwuo, nyi fa̱a̱k! Yesu a̱tyu Na̱za̱ra̱t wa nang A̱gwaza tak nyin kpa̱sai, a̱ si̱ ta̱m ma̱ng a̱nggu. A̱gwaza tak si̱ huni, di̱ tyia̱ Yesu a̱ nyia̱ kuzang tangka̱i a̱ri̱bi̱di, nkyang a̱ga̱de, ma̱ng a̱lama; ma̱nang nyin ma̱ á̱pyia̱ nyin ndyen a̱ni.

A̱romawa 1:30

Ntangka̱i á̱niet nani, ba̱ yet á̱niet tyam á̱ghyang bya, á̱niet lak A̱gwaza, á̱niet a̱ka̱kpa̱t, á̱niet gba̱p a̱pyia̱, ma̱ng á̱niet shei yet. Ba̱ ni̱ ghwut ma̱ng nvak nyian a̱ka̱tuk nyia̱ nfai. A̱wot ba̱ ni̱ jhyuai á̱niet mbyin mba ba.

2 Timoti 3:4

Á̱niet bani yet a̱yaabang a̱byin, á̱niet a̱gi̱gi̱k nyia̱, á̱niet ba̱ la̱u chat a̱kpai a̱ni, á̱niet chat fwuong nyinyang swak chat A̱gwaza hu.

Yakubu 4:4

Nyin á̱niet katnaan! Nyi lyen nang kpa̱ndang ma̱ng swanta hu ngyet na̱nvan hwa ma̱ng A̱gwaza baa? Mat a̱nia, konyan wa nyia̱ kpa̱ndang ma̱ng swanta hu, a̱ nyia̱ na̱nvan hwa ma̱ng A̱gwaza.