Yoona 15:23 - A̠lyiat A̠gwaza na di̠n Tyap: A̠li̠ka̠uli A̠fai

²³ Konyan wa lak li nung, a̱ lak li A̱tyia̱ nung wu wa oo!

Yoona 15:23 Iomraidhean Croise

Yoona 15:22

Ka̱ n wa ku ngyok bai n si̱ ndyiat ma̱ng a̱mba bah; si̱ ba̱ yet á̱niet bwoi a̱bun bya. Nang ku ndi a̱nia a̱ni, di̱ yong huni ba̱ byia̱ ta̱fwat kyang tazwa a̱ka̱tuk nyia̱ mba wu bah.

Yoona 15:24

“N ku nyia̱ nkyang a̱ga̱de ma̱ a̱di̱di̱t a̱zaghyi mba. Mami mba, á̱ mbyia̱ a̱tyu a̱ ka̱ mak nyia̱ na a̱ni bah. Ka̱ á̱ wa nyia̱, di̱ n wa nyia̱ nkyang a̱ga̱de a̱nia a̱zaghyi mba bah; si̱ ba̱ byia̱ a̱bun bah. A̱wot ma̱ninika, ba̱ li kyang hu nang n nyia̱ a̱ni. A̱mgba̱m ma̱ng a̱nia, ba̱ si̱ lak li nung, á̱ tsa bu ndak li A̱tyia̱ nung wu.

1 Yoona 2:23

Konyan wa fwuo Nggwon ka, a̱ fwuo A̱tyia̱ wu wa. A̱wot konyan wa san Nggwon ka, a̱ mun a̱ san A̱tyia̱ wu wa a̱wa.

2 Yoona 1:9

Konyan wa mbeang a̱ si̱ shyak tyiet Kristi hu, a̱wot a̱ si̱ bwuok lilyim di̱ khwi tyiet a̱hwa, a̱tyu a̱wa byia̱ a̱meang ma̱ng A̱gwaza bah. A̱wot a̱tyu a̱ ya a̱son di̱ khwi tyiet Kristi hu a̱ni, a̱ byia̱ a̱meang ma̱ng A̱tyia̱ wu bi̱ri̱ng ma̱ng Nggwon nggu ka.