Yoona 15:22 - A̠lyiat A̠gwaza na di̠n Tyap: A̠li̠ka̠uli A̠fai

²² Ka̱ n wa ku ngyok bai n si̱ ndyiat ma̱ng a̱mba bah; si̱ ba̱ yet á̱niet bwoi a̱bun bya. Nang ku ndi a̱nia a̱ni, di̱ yong huni ba̱ byia̱ ta̱fwat kyang tazwa a̱ka̱tuk nyia̱ mba wu bah.

Yoona 15:22 Iomraidhean Croise

Luka 12:46

a̱jawa a̱tyoli a̱khwo a̱wa na bwuok a̱ bai gba̱ngba̱ng di̱n jen nang a̱khwo wu ntyia̱ fwuo a̱tyoli wu na bwuok a̱ni bah! A̱wot a̱tyoli wu na kpi̱ri̱p a̱khwo a̱wa di̱ chunchong, a̱ bu tyia̱ nggu swan swuo a̱bung ndung ma̱ng á̱niet lak fwuong!

Yoona 12:48

“A̱tyu a̱ lak nung, a̱wot a̱ si̱ lak san a̱lyiat nung na a̱ni; a̱tyu a̱wa byia̱ a̱tyu á̱ na nyia̱ gu shi̱ri̱ya a̱ni. A̱lyiat na nang n dyiat a̱ni, ni̱nia na faat gu shi̱ri̱ya ji a̱tuk mam ngaan ka.

Yoona 15:23

Konyan wa lak li nung, a̱ lak li A̱tyia̱ nung wu wa oo!

Yoona 15:24

“N ku nyia̱ nkyang a̱ga̱de ma̱ a̱di̱di̱t a̱zaghyi mba. Mami mba, á̱ mbyia̱ a̱tyu a̱ ka̱ mak nyia̱ na a̱ni bah. Ka̱ á̱ wa nyia̱, di̱ n wa nyia̱ nkyang a̱ga̱de a̱nia a̱zaghyi mba bah; si̱ ba̱ byia̱ a̱bun bah. A̱wot ma̱ninika, ba̱ li kyang hu nang n nyia̱ a̱ni. A̱mgba̱m ma̱ng a̱nia, ba̱ si̱ lak li nung, á̱ tsa bu ndak li A̱tyia̱ nung wu.

Yoona 16:9

“A̱tyu Beang na tyiet mba nang a̱di̱dam mba wu tazwa a̱ka̱tuk nyia̱ ngyet bah. Mat ba̱ lak nwuak fwuo da̱ nung.

Yoona 19:11

Yesu si̱ ma nwuak gu shim nyia̱, “A byia̱ tyok hu tazwa nung, ka̱nang á̱ jong ang hu neet Ma A̱gwaza tswazwa. Huhwa mbyia̱, á̱niet ba̱ ta̱bat nung ba̱ si̱ nwuak ang a̱ni; a̱ka̱tuk nang ba̱ nyia̱ a̱ni, swak a̱ si̱ nwan wu.”

Yoona 9:41

Yesu si̱ nyia̱ ma̱ng a̱mba a̱ni, “Ka̱ nyi wa yet á̱niet a̱fi̱fan bya, si̱ nyi byia̱ a̱bun bah. A̱wot nang nyin nyia̱ nyi nwuan a̱ni, a̱ka̱tuk nyia̱ nyin wu yong da̱ nyin.”

Nta̱m A̱yaata̱m 17:30

“Gbangbang, A̱gwaza ku nwuan nkyang na nang á̱nietbishyi nyia̱ a̱ni gbi̱t, mat nwai lyen mba hu. A̱wot ma̱ninika, A̱gwaza tyia̱ konyan ma̱ kuzang a̱vwuo gu ghwon a̱ka̱tuk nyia̱, a̱ khwi ngguu.

A̱romawa 1:20

Neet nang A̱gwaza mmat swanta hu, á̱nietbishyi nwuan kyai tswazwa ma̱ng a̱byin. Mami kuzang kyang nang A̱gwaza mat a̱ni, á̱nietbishyi doot ba̱ li chet sang sangba̱p gu hu, ma̱ng za̱kwa yet A̱gwaza nggu ji. Mat a̱nia, á̱nietbishyi byia̱ ta̱fwat di̱ nwai lyen A̱gwaza bah.

A̱romawa 2:1

Ma a̱nia wa, nwan a̱tyu a dam a na bat á̱ghyang á̱niet a̱bun a̱ni, a mun nyia̱ a̱ka̱tuk nyia̱ wu nang ba̱ nyia̱ a̱ni. Mat a̱nia, a byia̱ ta̱fwat bah! A̱wot jen nang a mbat ntangka̱i á̱niet a̱nia a̱bun, nyia̱ ku myim á̱ nyiak mba a̱ni, a nyia̱ a̱pyia̱ ang kya shi̱ri̱ya ji. Mat nwan a̱tyu a bat á̱ghyang ang a̱bun a̱ni, nwan meang, a mun nyia̱ a̱ka̱tuk nyia̱ a̱wa.

Yakubu 4:17

Mat a̱nia, a̱tyu a̱ lyen kyang ku myim gu nyia̱ a̱ni, da̱nang gu nyia̱ nhu bah, a̱ nyia̱ a̱ka̱tuk nyia̱ wa.

1 Bitut 2:16

Nyi yet á̱sa̱t á̱niet bya. A̱mgba̱m ma̱ng a̱nia, nyi yet á̱khwo A̱gwaza bya. Mat a̱nia, nyi yok ghwon sa̱t nyin hu, ku yet ta̱fwat nang nyi na nyia̱ a̱ka̱kpa̱t a̱ni bah.