Yoona 15:21 - A̠lyiat A̠gwaza na di̠n Tyap: A̠li̠ka̠uli A̠fai

²¹ “Ba̱ na nyia̱ nyin a̱ka̱kpa̱t, mat nyi yet a̱si̱ nung bya. A̱wot ba̱ bu lyen a̱tyu a̱ ta̱m ma̱ng a̱nung a̱ni bah.

Yoona 15:21 Iomraidhean Croise

Matyu 10:18

Á̱ na kwak nyin á̱ nat ndyo a̱zaghyi a̱yaagwomna ma̱ng á̱gwam, mat nang nyi ngyet á̱niet khwi nung a̱ni. A̱wot si̱ huni na nwuak nyin jen nang nyi na ntak ma̱ng mba, ma̱ng A̱yahudawa, ma̱ng Nnwap nwai yet A̱yahudawa a̱ni, nkhang tazwa nung.

Matyu 10:22

Konyan na lak li nyin mat nang nyi ngyet á̱niet khwi nung a̱ni. A̱wot konyan wa gbang a̱lyia̱, a̱ si̱ yong mi̱ chet di̱n jen ya̱shuk si̱ nat sangba̱p swuan nggu ji a̱ni, nggu wa na shya̱ san hu.

Matyu 10:39

Ka̱ nyi nwai swuán nyin ji, nyi na nwai ji. A̱wot ka̱ nyi nwai swuán nyin ji da̱nian nung, nyi na shya̱ swuán sang sangba̱p ji.

Matyu 24:9

“A̱jawa á̱ na ya̱baat nyin, á̱ ya̱shuk nyin, á̱ bu hyaai nyin. Á̱ na lak li nyin mi̱ swanta hu, mat nyi yet á̱niet khwi nung bya.

Matyu 5:11

“A̱gwaza tyei nyin a̱li̱ba̱rka ka̱nang á̱niet lyiat nyin lihyat, ba̱ si̱ bu ya̱shuk nyin, a̱wot ba̱ si̱ bwoi a̱ka̱laa á̱ tyei nyin, ba̱ si̱ bu tyam nyin ma̱ng kuzang tangka̱i a̱ka̱tuk a̱lyiat, mat nang nyi ngyet á̱niet khwi nung bya a̱ni.

Ma̱rkut 13:13

Á̱niet ma̱ a̱di̱di̱t na lak li nyin, mat nyi yet á̱niet khwi nung bya. A̱wot a̱tyu a̱ gbang a̱lyia̱ a̱ si̱ yong mi̱ chet si̱ nat sangba̱p swuan nggu ji a̱ni; a̱ na shya̱ san.”

Luka 21:12

“A̱wot neet nang nkyang nani ka̱n bai bah, á̱niet lak li nyin ba̱ na kyiak jen nang ba̱ ya̱shuk nyin ba̱t. Ba̱ na kwak nyin á̱ nat ndyo ma̱ á̱tutu a̱tung A̱yahudawa ba. Ba̱ bu tyei nyin mi̱ jaru ma̱ a̱di̱di̱t. Ba̱ bu na nat ma̱ng a̱nyin ma̱ á̱tutu shi̱ri̱ya ba̱ nyia̱ nyin shi̱ri̱ya a̱zaghyi á̱gwam ma̱ng a̱yaagwomna, mat nyi yet á̱niet khwi nung bya.

Luka 21:17

Á̱ghyang á̱niet ma̱ a̱di̱di̱t na lak li nyin, mat nyi yet á̱niet khwi nung bya.

Luka 6:22

A̱gwaza tyei nyin a̱li̱ba̱rka, nyin á̱niet nang á̱ lak li; á̱ si̱ bu khap nyin zan mami á̱niet; á̱ si̱ bu nyia̱ nyin lihyat; á̱ si̱ tyam nyin nang á̱ka̱tuk á̱niet a̱ni; mat nyi khwi nung, Nggwon A̱tyubishyi.

Yoona 15:24

“N ku nyia̱ nkyang a̱ga̱de ma̱ a̱di̱di̱t a̱zaghyi mba. Mami mba, á̱ mbyia̱ a̱tyu a̱ ka̱ mak nyia̱ na a̱ni bah. Ka̱ á̱ wa nyia̱, di̱ n wa nyia̱ nkyang a̱ga̱de a̱nia a̱zaghyi mba bah; si̱ ba̱ byia̱ a̱bun bah. A̱wot ma̱ninika, ba̱ li kyang hu nang n nyia̱ a̱ni. A̱mgba̱m ma̱ng a̱nia, ba̱ si̱ lak li nung, á̱ tsa bu ndak li A̱tyia̱ nung wu.

Yoona 16:3

Ba̱ na nyia̱ a̱nia, mat ba̱ ka̱n dyen A̱tyia̱ wu ma̱ng a̱nung bah.

Yoona 17:25

“A̱tsotswat A̱tyia̱ nung, á̱niet mi̱ swanta ba lyen ang bah. A̱wot nung, n dyen ang. Á̱niet bani mameang, ba̱ si̱ lyen nang nwan wa nta̱m nung.

Yoona 8:19

Ba̱ si̱ lyip Yesu, nyia̱ “A̱tyia̱ ang wu shya̱ a̱ji wa?” Yesu si̱ nwuak ba shim nyia̱, “Mat nang nyi ndyen nung a̱ni bah, huhwa mbyia̱ nang nyi ndyen A̱tyia̱ nung wu bah. Ka̱ nyi wa lyen nung, si̱ nyi lyen A̱tyia̱ nung wu mameang.”

Yoona 8:54

Yesu si̱ nwuak mba shim nyia̱, “Ki̱ n nwuak a̱pyia̱ nung shi, shi nung hu na tyak kyang bah. A̱tyia̱ nung wu, nggu wa nwuat nung shi hu; a̱tyu nang nyi nyia̱ nggu wa yet A̱gwaza nyin wu a̱ni.

Yoona 8:55

“Nyin, nyi lyen gu bah. A̱wot nung, n dyen nggu. Ki̱ n nyia̱ di̱ n dyen gu bah, n na ngyet a̱tyu bwoi a̱ka̱laa cha̱chaat ma̱ng a̱nyin. A̱wot n dyen nggu za̱m, a̱wot n si̱ khwi a̱lyiat nggu na.

Nta̱m A̱yaata̱m 17:23

“Mat a̱nia, nang n chong kat a̱keang nyin ka a̱ni, n si̱ ndi nkyang nang nyi nkwok ntong a̱ni. A̱wot n si̱ ndi a̱tyii nang á̱ khap á̱ sak a̱gwaza da̱nang á̱ lyen a̱ni bah. A̱gwaza wuni nang nyi kwok gu ntong na, di̱ mi̱ lyen nggu a̱ni. Nggu wa nang n bai n shei ma̱ng a̱nyin, nyi lyen nggu!

Nta̱m A̱yaata̱m 26:9

“Gbangbang nung meang, n ku nwuak a̱chuchuk, n si̱ ndi ku myim n nyia̱ kuzang kyang ku na nyia̱ na̱nvan ma̱ng a̱lyoot Yesu a̱tyu Na̱za̱ra̱t a̱ni.

Nta̱m A̱yaata̱m 3:17

“Á̱na̱nyiuk nung, n nwuak a̱chuchuk; a̱ka̱kpa̱t na nang nyin ma̱ng a̱yaakwak a̱son nyin ba ku nyia̱ Yesu ndyo a̱ni, nyi ku nyia̱ na di̱ mi̱ lyen hwa.

Nta̱m A̱yaata̱m 4:17

A̱wot ka̱ zi̱ chat zi̱ vwuong nkhang mba na na̱ kai a̱vwuo ka, ku yet ta hwa zi̱ gba mba, zi̱ khwat ba a̱fufwuo; ba̱ bu yok mak lyiat, ku ba̱ tyiet a̱yin da̱ a̱lyoot kani bah.”

Nta̱m A̱yaata̱m 5:41

A̱yaata̱m Yesu ba si̱ ghwon a̱gba̱ndang a̱tung sot a̱cha̱chet A̱yahudawa wu ma̱ng a̱gwai. Mat A̱gwaza kyiak baa, ba̱ maai ba̱ swuo a̱bung ma̱ng nsum da̱nian a̱lyoot Yesu.

Nta̱m A̱yaata̱m 9:14

A̱wot a̱cha̱chet a̱yaapris ba ka̱n nwuak gu tyok gu ka ya̱baat a̱mgba̱m á̱niet ba̱ nwuak fwuo da̱ a̱lyoot ang ka a̱ni!”

Nta̱m A̱yaata̱m 9:16

A̱wot n na ntak ma̱ng a̱nggu si̱sak ji nang ku ngyet ta hwa, gu swuo a̱bung da̱nian a̱lyoot nung ka a̱ni!”

A̱romawa 1:28

A̱wot ku nang ba̱ ndam, nyia̱ ku yet bwuon hwa ba̱ san A̱gwaza mi̱ nfwuo mba na a̱ni, A̱gwaza si̱ ghwon mba ba̱ ya a̱son ma̱ng nyia̱ kuzang tangka̱i a̱shi̱shi̱k nkyang nsum á̱ nchi̱ri̱ng, da̱ na̱ myim ba̱ nyia̱ a̱ni bah.

1 A̱korontiyawa 15:34

Nyi nyia̱ á̱tsatsak a̱di̱dam di̱ kyang ku yet a̱tan a̱ni. A̱wot nyi ghwon a̱ka̱tuk nyia̱. Mat á̱ghyang á̱niet ma̱ nyin lyen A̱gwaza bah, ku yet kyang nsum hwa.

1 A̱korontiyawa 2:8

A̱wot á̱niet nyia̱ tyok swanta bani ka̱n fi̱k mumwang a̱hwa bah. Ka̱ ba̱ wa ku fi̱k hu, si̱ ba̱ ku hyat A̱tyoli nzi̱t wu a̱ byia̱ shi a̱ni, di̱ kpang gu da̱ a̱team a̱khwu wu bah.

2 A̱ta̱solonikawa 1:8

Di̱n jen bwuok bai nggu ji, á̱niet ba ba̱ lak lyen nggu hu a̱ni, ma̱ng á̱si̱ ba ba̱ lak khwi A̱sham Nkhang A̱tyoli Yesu nzi̱t ka a̱ni, A̱gwaza na nyia̱ mba shi̱ri̱ya.

1 Yoona 3:1

Nyi dam si̱sak ji nang A̱tyia̱ nzi̱t wu nchat zi̱t a̱tsatsak chat a̱ni, mat a̱ kyiak zi̱t nang mman nggu a̱ni. A̱tsak a̱lyiat mman nggu ni̱nia nang zi̱ yet. A̱mgba̱m ma̱ng yet mman A̱gwaza nzi̱t hu, á̱niet mi̱ swanta ba fi̱k nang zi̱ ngyet mman nggu nia bah, mat si̱sak nang ba̱ ndyen nggu a̱ni bah.

3 Yoona 1:7

Mat á̱niet bani ni̱ ghwut a̱chyet mba ka da̱nian ba̱ ka nyia̱ Yesu ta̱m hwa. A̱wot ba̱ ni̱ saai beang da̱ a̱vwuo á̱niet nwai khwi A̱gwaza bah.

Tyai Á̱zanson 2:3

N dyen nang nyi ngbang a̱lyia̱, nyi si̱ nyap fwuo, nyi si̱ swuo a̱bung da̱nian nung. Nyi si̱ yong mi̱ chet di̱ nwuak a̱chuchuk nyin hu.