Yoona 15:20 - A̠lyiat A̠gwaza na di̠n Tyap: A̠li̠ka̠uli A̠fai

²⁰ Nyi jhyung nkyang na nang n ku hyia̱ ma̱ng a̱nyin a̱ni; nyi yok bwung bah. N ku nyia̱, ‘A̱khwo si̱ mi̱n shya̱ shi a̱ swak a̱tyoli nggu bah.’ Ka̱ ba̱ lak li nung, ba̱ si̱ ya̱shuk nung; nyin mameang, ba̱ na lak li nyin, ba̱ ya̱shuk nyin. Ka̱ ba̱ wa ku khwi á̱lyiat nung na, si̱ ba̱ na khwi á̱lyiat nyin na mameang.

Yoona 15:20 Iomraidhean Croise

Matyu 10:24

“Nggwon ta̱m si̱ mi̱n swak a̱tyu tyiet nka wu ma̱ng shi bah. Ma a̱nia wa a̱khwo si̱ mi̱n swak a̱tyoli nggu wu ma̱ng shi bah.

Ma̱rkut 10:39

Ba̱ si̱ nyia̱, “Ii, zi̱ maai!” Yesu si̱ nyia̱ ma̱ng a̱mba, “A̱tsak a̱lyiat, nyi na swuo ma̱ a̱kashyi swuo a̱bung nang n na nswuo a̱ni; a̱wot ba̱ptisman swuo a̱bung nang á̱ na nyia̱ nung dyo a̱ni, jija á̱ na nyia̱ nyin dyo.

Luka 2:34

A̱jawa Simiyon si̱ nang mba a̱nu. A̱ si̱ tak á̱zanson tazwa nggwon ka da̱ a̱vwuo Ma̱ryamu a̱yang nggwon wu nyia̱, “Á̱ sak nggwon kani, ka̱ tyia̱ á̱niet ma̱ a̱di̱di̱t mi̱ Isi̱rela ba̱ kwa. A̱wot ka̱ bu na yet kyang a̱gwai da̱ a̱vwuo á̱ghyang á̱niet ma̱ a̱di̱di̱t. A̱gwaza bu na ta̱m nggwon nggu kani, ka̱ ka yet a̱lama a̱ neet da̱ a̱vwuo A̱gwaza a̱ni. A̱mgba̱m ma̱ng a̱nia, á̱niet ma̱ a̱di̱di̱t na lak li nkaa.

Luka 6:40

Nggwon nta̱m si̱ mi̱n swak a̱tyoli nka bah. Ma̱ng a̱nia, ka̱ nggwon nta̱m ka tyak myiam ta̱m hu shansham, ka̱ na li nang a̱tyoli nka wu a̱ni.

Yoona 10:31

Huhwa A̱yahudawa ba si̱ bu kyiak nfang nang ba̱ na mmang nggu a̱ni.

Yoona 11:57

Mat nang a̱gba̱ndang pris wu ma̱ng A̱fa̱risawa ba ku mi̱ nnwuak doka nyia̱; konyan wa lyen a̱vwuo ka nang Yesu nshya̱ a̱ni, gu bai a̱ hyia̱, da̱nian ba̱ ka ta̱bat guu.

Yoona 13:16

A̱tsak a̱lyiat, n tak nyin; a̱khwo si̱ mi̱n shya̱ shi a̱ swak a̱tyoli nggu bah. Ma a̱nia wa, nggwon nta̱m si̱ mi̱n swak a̱tyu a̱ ta̱m ka a̱ni bah.

Yoona 5:16

Huhwa si̱ mbyia̱ A̱yahudawa ba si̱ ka̱n ta̱bat nyia̱ Yesu a̱ka̱kpa̱t, mat nang a̱ nchoot a̱tyu nzwan a̱tuk Mam Fwung.

Yoona 7:32

Nang A̱fa̱risawa ba ku nfa̱k nang á̱kpa á̱niet ka chyuang tazwa Yesu a̱ni; a̱jawa mba ma̱ng a̱cha̱chet a̱yaapris ba, ba̱ si̱ ta̱m á̱niet chok A̱li Nwuat Za̱nang A̱gwaza ba, ba̱ ka ta̱bat guu.

Yoona 8:51

N na tak ma̱ng a̱nyin a̱chuchuk za̱m; konyan a̱ khwi a̱lyiat nung na a̱ni, a̱ si̱ mi̱n khwu bah, ba̱ng si̱ nat sang sangba̱p!”

Yoona 8:52

Huhwa a̱cha̱chet A̱yahudawa ba si̱ nyia̱ ma̱ng Yesu a̱ni, “Di̱ yong huni, zi̱ lyen chi̱k nang a mbyia̱ a̱ka̱tuk ntswa! Mat Ibrahim ku khwu, ma a̱nia wa a̱yaata̱m a̱kwonu A̱gwaza á̱ghyang. A̱mgba̱m ma̱ng a̱nia, a nyia̱, ‘Konyan wa khwi a̱lyiat nung na, a̱ si̱ mi̱n khwu bah. A̱ na shya̱ swuan sang sangba̱p.’

Yoona 8:59

Nang ba̱ nfa̱k a̱nia a̱ni, ba̱ si̱ kyiak nfang, ba̱ na mmang guu. Yesu si̱ tyia̱ ghyuai a̱ ghwut mi̱ didyaat A̱li Nwuat Za̱nang A̱gwaza hu.

Nta̱m A̱yaata̱m 14:22

Ba̱ si̱ tyia̱ á̱niet khwi ba gba̱gbak, ba̱ yong mi̱ chet di̱ nwuak fwuo mba hu da̱ Yesu. Ba̱ si̱ nyia̱ ma̱ng a̱mba ba̱ yok bwung bah; nyia̱, “Ku yet ta hwa zi̱ swuo a̱bung di̱ nvak ma̱ a̱di̱di̱t, zi̱ sii nnwuo Tyok A̱gwaza hu!”

1 A̱korontiyawa 4:12

Zi̱ ni̱ van ma̱ng nyia̱ ta̱m ma̱ng mbwak nzi̱t na, zi̱ ka shya̱ kyayak zi̱ ya. Á̱niet ba ba̱ ni̱ fwoi nzi̱t a̱ni, zi̱ ni̱ nang mba a̱nu. Ka̱ á̱ ya̱shuk zi̱t, zi̱ ni̱ gbang a̱lyia̱.

2 A̱korontiyawa 4:9

Á̱ ni̱ nyia̱ ma̱ng a̱nzi̱t. A̱mgba̱m ma̱ng a̱nia, A̱gwaza wu ghwon zi̱t bah. Di̱n jen jhyang, á̱ ni̱ tuu nzi̱t á̱ si̱ mat a̱byin. A̱mgba̱m ma̱ng a̱nia, á̱ tyak ma̱ng a̱nzi̱t bah.

1 A̱ta̱solonikawa 2:15

Tangka̱i A̱yahudawa huni hwa ku hyat A̱tyoli Yesu ma̱ng a̱yaata̱m a̱kwonu A̱gwaza gbangbang. A̱wot ma̱ninika ba̱ bu ya̱shuk zi̱t ba̱t. A̱wot ba̱ si̱ byian A̱gwaza fwuo. Ba̱ si̱ bu nyia̱ na̱nvan ma̱ng á̱niet ma̱ a̱di̱di̱t a̱di̱t.

2 Timoti 3:12

A̱tsak a̱lyiat, konyan wa chat swan swat ku myim A̱gwaza mami Yesu Kristi a̱ni, á̱ na ya̱shuk guu.