Yoona 15:19 - A̠lyiat A̠gwaza na di̠n Tyap: A̠li̠ka̠uli A̠fai

¹⁹ Ka̱ nyi wa yet á̱niet mi̱ swanta bani bya, si̱ á̱niet swanta ba chat nyin nang á̱si̱ mba a̱ni. Nung gwa khai nyin ghwut ndyo mi̱ swanta hu. Huhwa mbyia̱ nang á̱niet mi̱ swanta ba ndak li nyin hu.

Yoona 15:19 Iomraidhean Croise

Matyu 10:22

Konyan na lak li nyin mat nang nyi ngyet á̱niet khwi nung a̱ni. A̱wot konyan wa gbang a̱lyia̱, a̱ si̱ yong mi̱ chet di̱n jen ya̱shuk si̱ nat sangba̱p swuan nggu ji a̱ni, nggu wa na shya̱ san hu.

Matyu 24:9

“A̱jawa á̱ na ya̱baat nyin, á̱ ya̱shuk nyin, á̱ bu hyaai nyin. Á̱ na lak li nyin mi̱ swanta hu, mat nyi yet á̱niet khwi nung bya.

Luka 6:32

Ka̱ nyi chat á̱niet ba̱ chat nyin wa a̱ni ma̱nyin mba; yihwa na yet zang nyin ji? Ma a̱nia wa, á̱niet a̱ka̱tuk nyia̱ ba meang, ni̱ nchat á̱niet ba̱ chat ba wa a̱ni!

Yoona 13:18

“A̱mgba̱m nyin wa nang n dyiat bah. N dyen á̱niet ba nang n ku nkhai ma̱ nyin a̱ni. A̱mgba̱m ma̱ng a̱nia, ku yet ta hwa A̱lyiat A̱gwaza na na̱ bai cha̱chaat nyia̱, ‘A̱tyu a̱ ya kyayak hu ma̱ng a̱nung a̱ni, a̱ bwuak a̱ si̱ tyia̱ a̱tyu lak li nung.’

Yoona 15:16

“Nyin bya ku khai nung bah. Nung gwa ku khai nyin. N si̱ ntyia̱ nyin, nyi nat nyi tyei sum ma̱ a̱di̱di̱t. Sum hu ku na labeang a̱ni. Huhwa na mbyia̱, A̱tyia̱ wu a̱ nang nyin a̱mgba̱m nkyang nang nyi naai mami a̱lyoot nung ka a̱ni.

Yoona 6:70

Yesu si̱ nyia̱ ma̱ng mman ta̱m nggu na a̱ni, “N ku khai nyin swak ma̱ a̱feang. A̱mgba̱m ma̱ng a̱nia, a̱tyo nyiung ma̱ nyin yet A̱ta̱nyeang!”

Yakubu 4:4

Nyin á̱niet katnaan! Nyi lyen nang kpa̱ndang ma̱ng swanta hu ngyet na̱nvan hwa ma̱ng A̱gwaza baa? Mat a̱nia, konyan wa nyia̱ kpa̱ndang ma̱ng swanta hu, a̱ nyia̱ na̱nvan hwa ma̱ng A̱gwaza.

1 Bitut 4:3

Nyi ka̱n byian jen ba̱t mi̱ jen ji̱ swak, di̱ nyia̱ a̱ka̱tuk nang nnwap na̱ chyi A̱gwaza ku nnyia̱ a̱ni. Nkyang nani nia yet; a̱shi̱shi̱k nyia̱ nang a̱ka̱la̱m a̱ni, shyuo vam, ya tsa nswuo nkyang hyeng, tsot wun, ma̱ng a̱ka̱tuk khwi nghwughwu a̱yaagwaza sang swuan.

1 Yoona 3:12

Ku myim zi̱ yok tai Kayinu a̱ yet a̱si̱ A̱ta̱nyeang a̱ni bah. Nggu wa ku hyat a̱na̱nyiuk nggu wu, Abila. Yihwa mbyia̱ Kayinu ku nhyat a̱na̱nyiuk nggu wu? Mat nta̱m Kayinu na ku yet a̱ka̱tuk, a̱wot si̱ Abila na si̱ yet a̱tsotswat wa.

Tyai Á̱zanson 12:17

A̱wot a̱gba̱ndang a̱ka̱tuk nzwuo a̱ byia̱ nfeap na a̱ni, si̱ fa̱k a̱lyia̱ ya ma̱ng a̱byii̱k wu. A̱ si̱ doot zwang ma̱ng á̱kum mman a̱byii̱k ka. Ni̱nia yet a̱mgba̱m á̱niet ba̱ khwi á̱lyiat A̱gwaza na, ba̱ bu yong di̱ nwuak sheda da̱ a̱lyiat Yesu a̱ni.

Tyai Á̱zanson 12:9

A̱gba̱ndang a̱ka̱tuk nzwuo a̱ byia̱ nfeap na a̱ni, a̱ yet a̱khwukhwop nzwak gbangbang a̱wa, nang á̱ ngyei A̱ta̱nyeang, á̱ bu ngyei nggu, “Sha̱tan”; a̱tyu a̱ laai a̱mgba̱m á̱niet swanta ba a̱ni. Á̱ si̱ yuut gu ma̱ng a̱ka̱tuk a̱yaata̱m tswá nggu ba neet Ma A̱gwaza tswazwa á̱ ta a̱byin mi̱ swanta hu.