Yoona 15:18 - A̠lyiat A̠gwaza na di̠n Tyap: A̠li̠ka̠uli A̠fai

¹⁸ “Ka̱ á̱niet mi̱ swanta ba lak li nyin, nyi yok bwung bah, ku myim nyi lyen nang ba̱ ntsa lak li nung hu á̱ ghwon nyin.

Yoona 15:18 Iomraidhean Croise

Matyu 10:22

Konyan na lak li nyin mat nang nyi ngyet á̱niet khwi nung a̱ni. A̱wot konyan wa gbang a̱lyia̱, a̱ si̱ yong mi̱ chet di̱n jen ya̱shuk si̱ nat sangba̱p swuan nggu ji a̱ni, nggu wa na shya̱ san hu.

Matyu 24:9

“A̱jawa á̱ na ya̱baat nyin, á̱ ya̱shuk nyin, á̱ bu hyaai nyin. Á̱ na lak li nyin mi̱ swanta hu, mat nyi yet á̱niet khwi nung bya.

Matyu 5:11

“A̱gwaza tyei nyin a̱li̱ba̱rka ka̱nang á̱niet lyiat nyin lihyat, ba̱ si̱ bu ya̱shuk nyin, a̱wot ba̱ si̱ bwoi a̱ka̱laa á̱ tyei nyin, ba̱ si̱ bu tyam nyin ma̱ng kuzang tangka̱i a̱ka̱tuk a̱lyiat, mat nang nyi ngyet á̱niet khwi nung bya a̱ni.

Ma̱rkut 13:13

Á̱niet ma̱ a̱di̱di̱t na lak li nyin, mat nyi yet á̱niet khwi nung bya. A̱wot a̱tyu a̱ gbang a̱lyia̱ a̱ si̱ yong mi̱ chet si̱ nat sangba̱p swuan nggu ji a̱ni; a̱ na shya̱ san.”

Luka 6:22

A̱gwaza tyei nyin a̱li̱ba̱rka, nyin á̱niet nang á̱ lak li; á̱ si̱ bu khap nyin zan mami á̱niet; á̱ si̱ bu nyia̱ nyin lihyat; á̱ si̱ tyam nyin nang á̱ka̱tuk á̱niet a̱ni; mat nyi khwi nung, Nggwon A̱tyubishyi.

Yoona 16:1

“N shei nyin a̱mgba̱m nkyang nani, da̱nian nyi ka bwuok lilyim da̱ nwuak fwuo nyin hu da̱ nung bah.

Yoona 16:33

“N wa ka̱n tak ma̱ng nyin nkyang nani, da̱nian nyi ka shya̱ dundung ma̱ng a̱nung. Nyi na shya̱ swat nyinyang. Mi̱ swanta hu nyi na swuo a̱bung. Ma̱ng a̱nia, nyi gwai, mat n wa ka̱n swuo chet swanta hu!”

Yoona 3:20

Konyan wa nyia̱ a̱ka̱tuk nyia̱ a̱ni, a̱ ni̱ lak sai huhwa. A̱wot a̱ ni̱ bai da̱ a̱vwuo sai A̱gwaza hu bah, kalak á̱ tyai a̱ka̱tuk nang gu nyia̱ a̱ni kpa̱sai.

Yoona 7:7

Swanta hu si̱ mi̱n dak nyin bah. A̱wot nung gwa nang á̱niet mi̱ swanta ba lak li hu. Mat n tak ma̱ng a̱mba nang ba̱ nyian a̱ka̱tuk nkyang.

Nta̱m A̱yaata̱m 14:22

Ba̱ si̱ tyia̱ á̱niet khwi ba gba̱gbak, ba̱ yong mi̱ chet di̱ nwuak fwuo mba hu da̱ Yesu. Ba̱ si̱ nyia̱ ma̱ng a̱mba ba̱ yok bwung bah; nyia̱, “Ku yet ta hwa zi̱ swuo a̱bung di̱ nvak ma̱ a̱di̱di̱t, zi̱ sii nnwuo Tyok A̱gwaza hu!”

Ibriniyawa 12:2

Yok zi̱ tyia̱ a̱di̱dam nzi̱t wu di̱ Yesu kuzang jen. Nggu wa yet a̱gwak a̱ tsa nwuak fwuo da̱ A̱gwaza nzi̱t wu. A̱wot nggu wa bu na tyia̱ nwuak fwuo nzi̱t hu ku ngyet a̱tsatsak. Mat a̱lyia̱ sai nang Yesu na shya̱ á̱zanson a̱ni, a̱ ku gbang a̱lyia̱ nang á̱ nkpang nggu da̱ a̱team a̱khwu a̱ni. Á̱niet ba ku kyiak nang a̱khwu da̱ a̱team a̱khwu ngyet a̱ka̱tuk kyang nsum wa; a̱wot Yesu si̱ kyiak a̱nia bah. Ma̱ninika, Yesu swan a̱zayak da̱ a̱vwuo shi da̱ a̱beam a̱gba̱ndang chuk Tyok A̱gwaza ji.

Yakubu 4:4

Nyin á̱niet katnaan! Nyi lyen nang kpa̱ndang ma̱ng swanta hu ngyet na̱nvan hwa ma̱ng A̱gwaza baa? Mat a̱nia, konyan wa nyia̱ kpa̱ndang ma̱ng swanta hu, a̱ nyia̱ na̱nvan hwa ma̱ng A̱gwaza.

1 Yoona 3:1

Nyi dam si̱sak ji nang A̱tyia̱ nzi̱t wu nchat zi̱t a̱tsatsak chat a̱ni, mat a̱ kyiak zi̱t nang mman nggu a̱ni. A̱tsak a̱lyiat mman nggu ni̱nia nang zi̱ yet. A̱mgba̱m ma̱ng yet mman A̱gwaza nzi̱t hu, á̱niet mi̱ swanta ba fi̱k nang zi̱ ngyet mman nggu nia bah, mat si̱sak nang ba̱ ndyen nggu a̱ni bah.

1 Yoona 3:13

Mat a̱nia, nyin á̱na̱nyiuk nung ba, nyi yet á̱niet khwi Kristi a̱ni, ka̱ á̱niet swanta ba lak li nyin, nyi yok fa̱k a̱ga̱de di̱ si̱ a̱hwa bah.

1 Yoona 3:3

A̱wot konyan wa tyia̱ fwuo di̱ Kristi, a̱ ni̱ ja̱u a̱pyia̱ nggu, ma̱nang Kristi nja̱u a̱pyia̱ nggu a̱ni.