Yoona 15:16 - A̠lyiat A̠gwaza na di̠n Tyap: A̠li̠ka̠uli A̠fai

¹⁶ “Nyin bya ku khai nung bah. Nung gwa ku khai nyin. N si̱ ntyia̱ nyin, nyi nat nyi tyei sum ma̱ a̱di̱di̱t. Sum hu ku na labeang a̱ni. Huhwa na mbyia̱, A̱tyia̱ wu a̱ nang nyin a̱mgba̱m nkyang nang nyi naai mami a̱lyoot nung ka a̱ni.

Yoona 15:16 Iomraidhean Croise

Matyu 21:22

Ka̱ nyi nwuak a̱chuchuk, a̱mgba̱m kyang nang nyi lyip A̱gwaza mami naai a̱ni, nyi na shya̱.”

Matyu 7:7

“Nyi lyip, á̱ na nang nyin. Nyi kup á̱ghyi di̱ chat, nyi na shya̱. Nyi tsot nyinyiit hu, á̱ na khwuk nyin dyo.

Luka 6:13

Da̱ a̱tsotson tat ka, a̱ si̱ yorong a̱mgba̱m mman ta̱m nggu na. A̱ si̱ khai á̱niet swak ma̱ a̱feang, ba̱ yet a̱yaata̱m guu. Lyulyoot a̱yaata̱m huhwa hu:

Yoona 13:18

“A̱mgba̱m nyin wa nang n dyiat bah. N dyen á̱niet ba nang n ku nkhai ma̱ nyin a̱ni. A̱mgba̱m ma̱ng a̱nia, ku yet ta hwa A̱lyiat A̱gwaza na na̱ bai cha̱chaat nyia̱, ‘A̱tyu a̱ ya kyayak hu ma̱ng a̱nung a̱ni, a̱ bwuak a̱ si̱ tyia̱ a̱tyu lak li nung.’

Yoona 15:19

Ka̱ nyi wa yet á̱niet mi̱ swanta bani bya, si̱ á̱niet swanta ba chat nyin nang á̱si̱ mba a̱ni. Nung gwa khai nyin ghwut ndyo mi̱ swanta hu. Huhwa mbyia̱ nang á̱niet mi̱ swanta ba ndak li nyin hu.

Yoona 15:5

“Nung gwa ngyet a̱tyin a̱na̱p ka. Nyin bya yet mbwak a̱kwon na. A̱tyu a̱ ta̱meet da̱ nung a̱ni; nung mameang n si̱ nta̱meet da̱ nggu. A̱ na tai a̱kwon ka̱ tyei sum ma̱ a̱di̱di̱t a̱ni. Mat, ka̱ nyi ta̱meet da̱ nung wa bah, nyi maai nyi nyia̱ kyang bah.

Yoona 6:70

Yesu si̱ nyia̱ ma̱ng mman ta̱m nggu na a̱ni, “N ku khai nyin swak ma̱ a̱feang. A̱mgba̱m ma̱ng a̱nia, a̱tyo nyiung ma̱ nyin yet A̱ta̱nyeang!”

Nta̱m A̱yaata̱m 1:24

A̱mgba̱m a̱yaata̱m ba si̱ naai A̱gwaza nyia̱, “Zi̱ naai ang A̱gwaza a yet A̱tyoli a̱ni, a lyen fwuo konyan. Zi̱ chat a tak ma̱ng a̱nzi̱t mami á̱niet a̱feang bani; a̱tyu nang a ka̱n khai a̱ni.

Nta̱m A̱yaata̱m 1:8

A̱wot nyi na shya̱ chet di̱n jen nang A̱za̱za̱rak Ntswa wu na ntyei nyin chet a̱ni. A̱wot nyi na yet á̱niet shei nkhang nung bya mi̱ Urusha̱lima, ma̱ng a̱mgba̱m á̱kum fam a̱byin Yahudiya ka, ma̱ng fam a̱byin Sa̱mariya, ba̱ng si̱ nat kuzang a̱byin mi̱ swanta hu!”

Nta̱m A̱yaata̱m 10:41

da̱ a̱vwuo á̱kpa á̱niet kya ma̱nyin mba bah; a̱wot da̱ a̱vwuo nzi̱t kya nang A̱gwaza ku mi̱ nkhai zi̱ yet á̱ghyi nggu ba. Nzi̱t bya ku yet á̱niet ba̱ ku ya á̱ tsa nswuo dundung ma̱ng Yesu di̱n jen nang gu ku ndoot ma̱ á̱niet ba̱ ka̱n kwi a̱ni.

Nta̱m A̱yaata̱m 22:14

“A̱jawa Ananiya si̱ nyia̱ ma̱ng a̱nung, ‘A̱gwaza a̱yaatyia̱ khwop nzi̱t wu, nggu wa khai ang, da̱nian a ka lyen kyang nang gu chat a̱ni, a̱wot a li A̱tsotswat A̱yin a̱wa, a bu fa̱k a̱lyiat a̱bwonu nggu na.

Nta̱m A̱yaata̱m 9:15

A̱wot A̱tyoli Yesu si̱ nyia̱ ma̱ng Ananiya, “Ma̱ninika nat, n wa ka̱n khai Sha̱wulu a̱ yet a̱tyu nta̱m nung; a̱ ka shei A̱lyiat nung na da̱ a̱vwuo Nnwap na̱ nwai yet A̱yahudawa ma̱ng á̱gwam mba ba a̱ni. Ma a̱nia wa, gu na nshei á̱niet Isi̱rela ba.

A̱romawa 1:13

Á̱niet khwi Yesu ba nang n chat a̱ni, ku myim nyi lyen ba̱t, nang n ka̱n vwuoi nsaai di̱n jen ma̱ a̱di̱di̱t n chat n bai n byiat nyin. A̱wot A̱gwaza si̱ nang nung a̱wat ka bah, si̱ ma̱nini. N chat n nyia̱ ta̱m dundung ma̱ng a̱nyin, a̱wot zi̱ ka tyia̱ á̱niet ma̱ a̱di̱di̱t ba̱ ka mbeang nwuak fwuo di̱ Yesu Kristi ba̱ khwi nggu, ma̱nang n ka̱n mbeang Nnwap na̱ nwai yet A̱yahudawa na̱ si̱ khwi nggu a̱ni.

A̱romawa 1:5

Mat mun á̱pyia̱ nzi̱t hu ma̱ng Kristi, A̱gwaza si̱ fa̱k shok zi̱t, a̱ si̱ khai nzi̱t, a̱ si̱ nwuak nzi̱t a̱wat ma̱ng tyok nang a̱yaata̱m nggu a̱ni, da̱nian zi̱ ka shei A̱sham Nkhang ka da̱ a̱vwuo a̱mgba̱m á̱niet mi̱ bibyin swanta hu, ba̱ ka nwuak fwuo ba̱ khwi Yesu, ba̱ nwuak a̱lyoot nggu ka shi.

A̱romawa 15:4

Kuzang kyang nang á̱ ku lyuut gbangbang ma̱ A̱lyiat A̱gwaza na a̱ni, á̱ ku lyuut wa da̱nian á̱ ka tyiet zi̱t, zi̱ mban si̱sak ji nang zi̱ na ntyia̱ fwuo a̱ni. A̱lyiat A̱gwaza na si̱ bu tyei nzi̱t gba̱gbak nang zi̱ nswan ma̱ng nyap fwuo fwuong a̱li̱ka̱uli A̱gwaza a̱ na bai da̱ a̱nu ka a̱ni.

A̱romawa 9:21

A̱tyu a̱ nok li̱la̱n ma̱ng lyem a̱ni, a̱ byia̱ a̱wat za̱m gu na nnyia̱ ta̱m ma̱ng lyem hu di̱ si̱sak gu nchat a̱ni. Ka̱ a̱ shim gu kyiak a̱ kwang lyem a̱nyiung gu nnok li̱la̱n feang; da̱nian a̱nyiung ka̱ yet a̱si̱ weang nkyayak, a̱wot a̱nyiung ka, ka̱ ka yet a̱si̱ khwot a̱fi̱fi̱k kuzang jen.

1 A̱korontiyawa 10:11

Nkyang nani na̱ ku shya̱ mba a̱ni, yet nzi̱t kidee ja. Á̱ si̱ bu lyuut naa da̱nian á̱ ka gba nzi̱t, nzi̱t á̱niet zi̱ shya̱ ma̱ ngaan jen wuni a̱ni.

A̱ga̱la̱tiyawa 1:15

A̱wot, mat a̱gba̱ndang shok A̱gwaza wu, a̱ si̱ khai nung neet nang á̱ ka̱ byin nung bah, a̱ si̱ yorong nung n nyia̱ nggu ta̱m.

A̱fisawa 2:10

Mat A̱gwaza wa ma̱ a̱pyia̱ nggu nyia̱ nzi̱t zi̱ yet a̱tan nta̱m bwak gu bya. Zi̱ bu yet á̱niet á̱fai, di̱ mun á̱pyia̱ ma̱ng Yesu Kristi. Da̱nian zi̱ ka nyia̱ a̱tan nta̱m nang gu mi̱ nda̱p a̱ sak neet gbangbang zi̱ nyia̱ a̱ni.

A̱kolosiyawa 1:23

A̱wot ku yet ta hwa, nyi ya a̱son di̱ nwuak a̱chuchuk nyin hu nang á̱ kpaat di̱ kuntyin ku yet a̱tsatsak a̱lyiat wu a̱ni. A̱wot nyi ba̱ng nggu gi̱ngi̱ng. Nyi yok shim a̱yin a̱ tyia̱ nyi teap nyi ghwon tyia̱ fwuo hu nang A̱gwaza nyia̱ a̱li̱ka̱uli ma̱ A̱sham Nkhang ka a̱ni bah. Da̱ A̱sham Nkhang kani kya nang á̱ nkhai nung Bulut n gyet a̱khwo A̱gwaza wu. A̱wot n shei nka da̱ a̱vwuo á̱niet ma̱ a̱di̱di̱t, mi̱ kuzang a̱vwuo mi̱ swanta hu. A̱sham Nkhang kani kya nang nyi wa ka̱n fa̱k.

A̱kolosiyawa 1:6

A̱sham Nkhang kani nang á̱ shei nyin a̱ni, á̱niet ma̱ a̱di̱di̱t mi̱ swanta hu ka̱n fa̱k, ba̱ si̱ nwuak a̱chuchuk da̱ nka. A̱sham Nkhang kani laai á̱ mban mi̱ nfwuo á̱niet na koji. Ka̱ ni̱ shai swat mba hu nang a̱kwon ni̱ ntyei sum ka̱ laai á̱ mban, mat chet nang ka̱ byia̱ a̱ni. Ma a̱nia wa, nang ka̱ ku nshai a̱ka̱tuk nswat nyin wu di̱n jen nang nyi ku ntsa fa̱k, nyi si̱ fi̱k a̱tsatsak a̱lyiat tazwa a̱gba̱ndang shok A̱gwaza wu a̱ni.

1 Timoti 2:7

Mat tak ta̱m jini kpa̱sai hwa, nang á̱ ku ntyia̱ nung n gyet a̱ta̱m Yesu ma̱ng a̱tyu shei A̱sham Nkhang wu. N si̱ bu ngyet a̱tyu tyiet nwuak a̱chuchuk ma̱ng a̱tsatsak da̱ a̱vwuo Nnwap na̱ nwai yet A̱yahudawa a̱ni. N shei a̱tsak a̱lyiat wa, la hwa nang n bwoi bah.

2 Timoti 1:11

A̱wot A̱gwaza wu khai nung, n gyet a̱ta̱m Yesu n shei A̱sham Nkhang kani, n bu tyiet kaa.

2 Timoti 2:2

Tyiet hu nang a fa̱k nang n tyiet a̱zaghyi á̱niet khwi ma̱ a̱di̱di̱t a̱ni, huhwa yet si̱ hu nang á̱tsotswat á̱niet ba san ba̱ si̱ shim a̱ni. Nwan meang, ma ntyiet á̱ghyang á̱niet ba̱ yet á̱tsotswat a̱ni, da̱nian mba meang ba̱ ma ndyen, ba̱ ka tyiet á̱ghyang á̱niet huu.

Titut 1:5

N ghwon ang ma̱ a̱byin a̱ka̱wa̱tyia̱ a̱sa̱khwot Ka̱rita, a ka ngaan jhyi a̱bya̱bya̱ nswat a̱ bwat a̱ni; a̱wot a bu khai a̱yaakwak a̱son á̱niet khwop á̱niet ba̱ na kwak a̱son susot á̱niet khwi ji ma̱ kuzang a̱gba̱ndang a̱keang, ma̱nang n ka̱n tak ma̱ng a̱nwan a̱ni.

Ibriniyawa 11:4

Mat nang Abila ku nnwuak fwuo da̱ A̱gwaza a̱ni, a̱ si̱ neap za̱nang ji̱ myim A̱gwaza a̱ni, a̱ swak si̱ Kayinu ji. A̱gwaza ku kyiak Habila a̱ yet a̱tsotswat a̱yin wa. A̱ si̱ san za̱nang nggu ji. A̱nia wa, A̱gwaza si̱ ntak kpa̱sai nang gu nfa̱k nyinyang za̱nang nggu ji. Ku nang Abila nkhwu neet gbangbang a̱ni, kidee nwuak fwuo nggu ji ni̱ lyiat ma̱ng a̱nzi̱t ba̱ng ba̱ tat a̱fwun.

Yakubu 3:18

A̱wot á̱niet ba̱ tyei swat nyinyang a̱ni, ba̱ chyui zwá swat nyinyang ja. A̱wot ba̱ bu na chak ba̱ shya̱ zang nyia̱ tsotswat.

1 Bitut 3:15

Da̱ a̱kwonu a̱kya, ku yet ta hwa nyi nwuak Kristi shi, nang A̱tyoli swuan nyin wu a̱ni. A̱wot ka̱ a̱yin lyip nyin tazwa tyia̱ fwuo nyin hu di̱ Kristi, nyi swan ma̱ng la̱p vam nyi nwuak gu shim hu ma̱ cha̱chaat.

1 Bitut 3:2

Mat ka̱ á̱tyok nyin ba li a̱za̱za̱rak nswat nyin wu ma̱ng fwuong a̱wun A̱gwaza, ba̱ na khwi nggu shansham.

1 Yoona 4:10

A̱ni wa nang a̱tsatsak chat wu ndi: Nzi̱t bya chat A̱gwaza wu bah. A̱wot nggu wa chat zi̱t a̱ si̱ ta̱m ma̱ng Nggwon nggu ka nang za̱nang a̱ni, ka̱ ka chi a̱ka̱tuk nyia̱ nzi̱t wu.

1 Yoona 4:19

Zi̱ chat á̱ghyang, mat A̱gwaza wa tsa chat zi̱t hu.