Yoona 15:15 - A̠lyiat A̠gwaza na di̠n Tyap: A̠li̠ka̠uli A̠fai

¹⁵ N bu si̱ mi̱n mak yorong nyin á̱khwo bah. Mat, á̱khwo lyen kyang hu nang A̱tyoli nggu wu nyia̱ a̱ni bah. Da̱ a̱kwonu a̱kya, n gyei nyin á̱kpa̱ndang bya. Mat n tak ma̱ng a̱nyin a̱mgba̱m nkyang na nang n fa̱k da̱ a̱vwuo A̱tyia̱ nung ka a̱ni.

Yoona 15:15 Iomraidhean Croise

Matyu 13:11

Yesu si̱ nwuak ba shim nyia̱, “Á̱ shim nyin dyo nyi fi̱k a̱chuchuk a̱ shya̱ di̱ niat mi̱ Tyok Ma A̱gwaza tswazwa hu a̱ni, kang ma̱ng á̱kum á̱niet ka.

Luka 10:23

Jen nang Yesu ma̱ng mman nta̱m nggu na nshya̱ ndung ma̱nyin mba a̱ni; Yesu si̱ bwuak a̱ si̱ nwuan mman ta̱m nggu na. A̱wot a̱ si̱ nyia̱, “A̱li̱ba̱rka yet á̱si̱ á̱niet, ba̱ li kyang nang nyi ka̱n di a̱ni!

Yoona 12:26

Konyan wa nyia̱ nung ta̱m a̱ni, ku yet ta hwa gu khwi nung. Mat a̱mgba̱m a̱vwuo ka nang n shya̱ a̱ni, a̱ja wa nang a̱khwo nung wu na nshya̱ dundung ma̱ng a̱nung. A̱tyia̱ nung wu mameang, na nwuak a̱tyu a̱ nyia̱ nung ta̱m a̱ni shi.”

Yoona 13:16

A̱tsak a̱lyiat, n tak nyin; a̱khwo si̱ mi̱n shya̱ shi a̱ swak a̱tyoli nggu bah. Ma a̱nia wa, nggwon nta̱m si̱ mi̱n swak a̱tyu a̱ ta̱m ka a̱ni bah.

Yoona 15:20

Nyi jhyung nkyang na nang n ku hyia̱ ma̱ng a̱nyin a̱ni; nyi yok bwung bah. N ku nyia̱, ‘A̱khwo si̱ mi̱n shya̱ shi a̱ swak a̱tyoli nggu bah.’ Ka̱ ba̱ lak li nung, ba̱ si̱ ya̱shuk nung; nyin mameang, ba̱ na lak li nyin, ba̱ ya̱shuk nyin. Ka̱ ba̱ wa ku khwi á̱lyiat nung na, si̱ ba̱ na khwi á̱lyiat nyin na mameang.

Yoona 16:12

“N byia̱ nkyang ma̱ a̱di̱di̱t nang n na hyia̱ ma̱ng a̱nyin a̱ni. A̱wot ma̱ninika nyi si̱ mi̱n ba̱ng na bah.

Yoona 17:26

N si̱ ntyai mba si̱sak ji nang za̱kwa ang ji ndi a̱ni. A̱wot n bu na ngya a̱son ma̱ng tyai mba ndyo hu. Da̱nian mba, ba̱ ma nshya̱ tangka̱i chat nang a tak nung a̱ni; nung mameang, n swan dundung ma̱ng a̱mba.”

Yoona 20:17

Yesu si̱ nyia̱ ma̱ng a̱nggu, “Yok vwuk nung bah, mat n ka̱n bwuok nat tswazwa da̱ a̱vwuo A̱tyia̱ ka bah. Ya mbwuok nat da̱ a̱vwuo á̱na̱nyiuk nung ba, a̱ si̱ hyia̱ ma̱ng a̱mba; n na mbwuok nat tswazwa da̱ a̱vwuo A̱tyia̱ nung ma̱ng A̱tyia̱ nyin, A̱gwaza nung ma̱ng A̱gwaza nyin.”

Yoona 4:19

A̱nap wu si̱ nyia̱ ma̱ng Yesu a̱ni, “A̱tyoli, n fi̱k nang a ngyet a̱ta̱m a̱kwonu A̱gwaza wa!

Yoona 8:26

Nkyang nshya̱ ma̱ a̱di̱di̱t nang n na nhyia̱ n bu nnyia̱ nyin shi̱ri̱ya a̱ni. A̱mgba̱m ma̱ng a̱nia, a̱tyu a̱ ta̱m ma̱ng a̱nung a̱ni, a̱ byia̱ a̱chuchuk. A̱wot kyang hu nang n fa̱k da̱ a̱vwuo nggu a̱ni; huhwa nang n na ntak ma̱ng á̱niet mi̱ swanta ba.”

Nta̱m A̱yaata̱m 20:27

Mat n ku mbut mi̱ fwuo di̱ tak ma̱ng a̱nyin a̱mgba̱m a̱lyiat, nang A̱gwaza chat nyi lyen a̱ni bah.

A̱romawa 7:15

A̱tsak a̱lyiat, n ni̱ nfi̱k kyang hu nang n nyia̱ a̱ni bah. Mat, n ni̱ chat n nyia̱ a̱tan kyang, a̱wot n si̱ mi̱n nyia̱ bah. Da̱ a̱kwonu a̱kya, kyang hu nang n ni̱ ndak nyia̱ hu a̱ni, huhwa nang n ni̱ nyia̱.

1 A̱korontiyawa 2:16

Mat, á̱ nyia̱, “A̱nyan wa maai a̱ lyen a̱di̱dam A̱gwaza wu? A̱nyan wa lyen kyang shansham, a̱ maai a̱ tyiet A̱gwaza?” A̱wot nzi̱t, zi̱ fi̱k a̱mgba̱m nkyang nani, mat zi̱ nyia̱ a̱di̱dam ma̱nang Kristi ni̱ nnyia̱ a̱ni.

A̱ga̱la̱tiyawa 4:6

Mat nang nyin ma̱ng a̱nzi̱t ngyet mman nia a̱ni, A̱gwaza si̱ ta̱m ma̱ng A̱za̱za̱rak Ntswa Nggwon nggu wu mi̱ nfwuo nzi̱t na. Nggu wa tyei nang zi̱ ngyei A̱gwaza, “Abba, A̱tyia̱!”

A̱fisawa 1:9

Ma̱ninika, A̱gwaza ka̱n tyai nzi̱t kyang ku shya̱ di̱ niat nang gu la̱p a̱ sak tazwa Kristi a̱ni. A̱wot la̱p sak huni ku na bai da̱ a̱nu ka cha̱chaat ma̱nang ku mmyim gu a̱ni.

A̱fisawa 3:5

A̱gwaza ku tyai la̱p sak a̱hwa ku shya̱ di̱ niat a̱ni da̱ a̱vwuo á̱niet mi̱ nche na̱ ka̱n swak a̱ni bah. A̱wot ma̱ninika, di̱n vak A̱za̱za̱rak Ntswa nggu wu wa, nang gu ntyai nhu da̱ a̱vwuo á̱za̱za̱rak a̱yaata̱m Yesu ba ma̱ng a̱yaata̱m a̱kwonu A̱gwaza ba.

A̱kolosiyawa 1:26

La̱p sak nang A̱sham Nkhang kani byia̱ a̱ni, ku shya̱ di̱ niat neet mi̱ ndyia̱ chyi ma̱ng nche ma̱ a̱di̱di̱t na̱ swak a̱ni. A̱wot ma̱ninika, á̱ tyai nhu kpa̱sai da̱ a̱vwuo a̱za̱za̱rak á̱niet khwi A̱gwaza.

Filimon 1:16

Ma̱ninika, a san gu nang a̱khwo wa a̱ni bah. A̱wot a̱ swak chet yet a̱khwo, a san gu nang a̱gi̱ngi̱ng a̱na̱nyiuk wa mi̱ khwi Yesu Kristi a̱ni. Si̱sak ji gu nshya̱ a̱gi̱ngi̱ng ma̱ng nung a̱ni, ma a̱nia wa gu nshya̱ gi̱ngi̱ng ma̱ng a̱nwan a̱ swak di̱ yet a̱khwo ma̱ng a̱na̱nyiuk di̱ khwi Yesu Kristi.

Yakubu 1:1

Nung Yakubu, n gyet a̱khwo A̱gwaza ma̱ng A̱tyoli Yesu Kristi a̱ni. N dyuut wusika jini nat ndyo da̱ a̱vwuo kwaí swak ma̱ a̱feang á̱niet Isi̱rela, ba̱ yet á̱niet khwi Yesu ba̱ seang á̱ kai swanta hu a̱ni.

Yakubu 2:23

A̱wot a̱ni wa nang á̱ ndyuut ma̱ A̱lyiat A̱gwaza na, nyia̱, “Ibrahim nwuak fwuo da̱ A̱gwaza. A̱wot A̱gwaza si̱ kyiak gu a̱ yet a̱tsotswat a̱yin a̱zaghyi nggu, mat nwuak fwuo nggu hu.” Á̱ si̱ bu ngyei Ibrahim, “A̱kpa̱ndang A̱gwaza.”

1 Bitut 1:11

Nang A̱za̱za̱rak Ntswa a̱ bu yet a̱si̱ Kristi wu ntyia̱ a̱yaata̱m a̱kwonu A̱gwaza ba si̱ shei a̱lyiat nggu na di̱ kyang á̱ la̱p á̱ sak ku na bai á̱zanson a̱ni. Ba̱ si̱ zop mami a̱lyiat a̱nia da̱ a̱cha̱chaat njen ma̱ng si̱sak ji nang Kristi na nswuo a̱bung, a̱wot a̱ bu shya̱ a̱gba̱ndang a̱kyenkyai shi á̱zanson a̱ni.

2 Bitut 1:1

Nung, Siman Bitut, a̱khwo ma̱ng a̱ta̱m Yesu Kristi, n dyuut nyin wusika jini, nyin á̱niet ba nyi san a̱tsatsak nwuak a̱chuchuk cha̱chaat ma̱ng a̱nzi̱t a̱ni. Á̱ ku nang nyin nwuak a̱chuchuk huni, mat a̱chuchuk ma̱ng tsotswat Yesu Kristi a̱ yet A̱gwaza ma̱ng A̱tyusan nzi̱t wu a̱ni.

Yahuda 1:1

Nung Yahuda, a̱khwo Yesu Kristi, n gyet a̱na̱nyiuk Yakubu. Nung gwa n dyuut nyin wusika jini. N dyuut nyin, a̱mgba̱m á̱niet ba nang A̱gwaza a̱ yet A̱tyia̱ yei a̱ni; á̱si̱ ba ba̱ bu mun á̱pyia̱ ma̱ng a̱nggu A̱gwaza, a̱ yet A̱tyia̱ wu a̱ chat ba ba̱t, a̱ si̱ bu tyia̱ mba mbwak Yesu Kristi gu ka chok ba a̱ni.

Tyai Á̱zanson 1:1

Ta̱m jini ja nang A̱gwaza nwuak Yesu Kristi, gu ka tyai á̱khwo nggu ba nkyang na̱ na bai di̱ mi̱n byian jen a̱ni. Yesu Kristi meang si̱ ta̱m a̱ta̱m tswa A̱gwaza gu tyai nung Yoona, a̱khwo nggu wu ndyo, ma̱ a̱ma̱bwoi.