Yoona 15:13 - A̠lyiat A̠gwaza na di̠n Tyap: A̠li̠ka̠uli A̠fai

¹³ A̱gba̱ndang chat nang a̱tyubishyi na tak a̱kpa̱ndang nggu ba a̱ni, huhwa yet; gu nwuak swuan nggu ji da̱nian mbaa.

Yoona 15:13 Iomraidhean Croise

Luka 12:4

“Á̱kpa̱ndang nung ba nang n chat a̱ni, nyi yok fa̱k a̱wun á̱niet ba̱ hyaai á̱nietbishyi mi̱ swanta hu a̱ni bah. Kang ma̱ng a̱nia, da̱ mba ba̱ si̱ mi̱n nyia̱ nyin kyang ku swak a̱nia a̱ni bah.

Yoona 10:11

“Nung gwa ngyet a̱tan a̱tyu chok wu. A̱tan a̱tyu chok wu ni̱ nwuak swuan nggu ji da̱nian zón seap ji.

Yoona 10:15

Ma̱nang A̱tyia̱ nung wu ndyen nung a̱ni; nung mameang, n si̱ ndyen A̱tyia̱ nung wu. N shya̱ mi̱ fwuo n khwu da̱nian zón seap nung ji.

Yoona 17:19

Mat bibya mbyia̱ n ja̱u a̱pyia̱ nung di̱ nyia̱ ta̱m, da̱nian mba mameang á̱ ka ja̱u mbaa ba̱ nyia̱ ta̱m shansham mami a̱chuchuk.

A̱fisawa 5:2

Nyi swan swat chat á̱ghyang, nyi khwi kidee Kristi ji. A̱ chat zi̱t, a̱ si̱ bu nwuak a̱pyia̱ nggu. A̱ si̱ khwu da̱nian nzi̱t, nang za̱nang á̱ fwui ji̱ byia̱ swam nyinyang nang A̱gwaza chat a̱ni.

1 Yoona 3:16

Si̱sak nang zi̱ ndyen kyang nang a̱tsak chat wu yet a̱ni, jija ji: Yesu tak zi̱t chat nggu hu di̱ si̱sak nang gu nnwuak swuan nggu ji da̱nian nzi̱t a̱ni. Ma a̱nia wa, ku myim nzi̱t meang zi̱ ma nwuak swuan nzi̱t ji da̱nian á̱niet khwi á̱ghyang.