Yoona 15:11 - A̠lyiat A̠gwaza na di̠n Tyap: A̠li̠ka̠uli A̠fai

¹¹ “N tak ma̱ nyin á̱lyiat nani, da̱nian nyi ka shya̱ ma̱ng a̱gwai nang n byia̱ a̱ni. A̱wot a̱gwai nyin na, na̱ bu yet a̱jhyem a̱gwai wa.

Yoona 15:11 Iomraidhean Croise

Luka 15:23

A̱wot nyi bu ta̱bat fi̱ng nyak ji̱ byia̱ vam a̱ni, nyi faat, zi̱ ya ntsa nsong!

Luka 15:32

A̱gya̱ra̱p ma̱ng a̱gwai nzi̱t wu myim za̱m! Mat ku li nang a̱na̱nyiuk ang wu ka̱n khwu wa a̱ni, a̱wot a̱ si̱ bu doot ma̱ng swuan! Ku li nang gu bwuk wa a̱ni, a̱wot á̱ si̱ bu shya̱ nggu!’ ”

Luka 15:5

A̱wot ka̱ a̱ shya̱ nji, a̱ na gwai ba̱t, a̱ kyiak ji a̱ faat a̱zanghwan, a̱ nat ndyo a̱mali.

Luka 15:9

“A̱wot ka̱ a̱ shya̱ tswa kurum ji, a̱ na yei á̱kpa̱ndang nggu ba ma̱ng á̱kpa̱ndang nswat nggu á̱ghyang, ba̱ bai ba̱ ka beang gu a̱gwai na nang gu nshya̱ tswa kurum ji ji̱ bwuk a̱ni.

Yoona 16:24

Ba̱ tat nang yong huni a̱ni, nyi ka̱n dyip kyang da̱ a̱lyoot nung bah. Nyi lyip, nyi na san, da̱nian a̱gwai nyin na na̱ ka yet a̱jhyem.

Yoona 16:33

“N wa ka̱n tak ma̱ng nyin nkyang nani, da̱nian nyi ka shya̱ dundung ma̱ng a̱nung. Nyi na shya̱ swat nyinyang. Mi̱ swanta hu nyi na swuo a̱bung. Ma̱ng a̱nia, nyi gwai, mat n wa ka̱n swuo chet swanta hu!”

Yoona 17:13

“Ma̱ninika n chobai da̱ a̱vwuo ang. A̱wot n tak ma̱ng a̱mba nkyang nani neet nang n ni̱ shya̱ mi̱ swanta hu. Da̱nian á̱niet khwi nung ba, ba̱ ka shya̱ a̱jhyem a̱gwai nung wu mi̱ nfwuo mba na.

Yoona 3:29

“A̱tyu a̱ nyia̱ nyeang fai hu a̱ni; nggu wa byia̱ a̱byii̱k wu. A̱kpa̱ndang a̱tyu byia̱ nyeang wu yong kpa̱mkpaan a̱ myiai a̱fufwuo, a̱wot a̱ ni̱ fa̱k a̱lyia̱ sai, ka̱ a̱ fa̱k a̱nwuat a̱tyu byia̱ nyeang ka. Ma a̱nia wa, nung n byia̱ a̱jhyem a̱lyia̱ sai ba̱t.

A̱romawa 15:13

N naai A̱gwaza, a̱ yet a̱tyin tyia̱ fwuo a̱ni, gu nang nyin a̱lyia̱ sai ma̱ng swat nyinyang gba̱mgbam, mat nang nyi nnwuak fwuo da̱ nggu a̱ni. A̱jawa nyi na mbeang gbang a̱lyia̱ ma̱ng tyia̱ fwuo nyin hu gba̱mgbam da̱ nggu, mat nang A̱za̱za̱rak Ntswa wu ntyia̱ nyin chet a̱ni.

2 A̱korontiyawa 1:24

A̱wot si̱ a̱hwa fa zi̱ chat zi̱ nyia̱ nyin tyok di̱ tak ma̱ng a̱nyin si̱sak nyi na nnyia̱ nta̱m ma̱ng nwuak a̱chuchuk nyin hu a̱ni bah. Kaai, zi̱ chat zi̱ nyia̱ nta̱m na dundung ma̱ng a̱nyin, da̱nian nyi ka shya̱ nfwuo sai. Mat nwuak a̱chuchuk nyin hu hwa mbyia̱ nang nyi ngyong mi̱ chet.

A̱fisawa 5:18

Nyi yok yet á̱niet hyeng a̱kan bah, mat si̱ a̱hwa tyei tsot wun ku chong ma̱ng a̱khwu a̱ni. Da̱ a̱kwonu a̱kya, si̱ nyi ghwon chet A̱za̱za̱rak Ntswa huhwa a̱ tyia̱ nyin chet nang gu nchat a̱ni.

A̱filibiyawa 1:25

Nang ku ndi a̱nia a̱ni, n nwuak a̱chuchuk n na ngya a̱son ma̱ng shya̱ a̱chet, da̱nian n ka beang nyin nyi mbeang nwuak fwuo da̱ A̱gwaza; a̱wot nyi bu lyen tangka̱i a̱gwai nang nyi byia̱ di̱ nwuak fwuo da̱ nggu a̱ni.

1 A̱ta̱solonikawa 5:16

Nyi ni̱ nshya̱ ma̱ng a̱lyia̱ sai kuzang jen.

1 Bitut 1:8

Ku nang nyi nwai nwuan gu a̱ni, nyi chat gu. Ku nang nyi nwai nwuan nggu ma̱nini a̱ni, nyi si̱ nwuak fwuo da̱ nggu. Nyi bu byia̱ a̱gba̱ndang a̱lyia̱ sai, ka̱ swak kidee a̱ni.

1 Yoona 1:4

Zi̱ lyuut nyin a̱lyiat nani, da̱nian zi̱ ka fa̱k a̱tsatsak a̱lyia̱ sai gba̱mgbam dundung ma̱ng a̱nyin.

2 Yoona 1:12

N byia̱ nkyang ma̱ a̱di̱di̱t n na ntak ma̱ng a̱nyin a̱ni. A̱wot n na ndyuut nyin dyo mami wusika bah. Da̱ a̱kwonu a̱kya, n tyia̱ fwuo n na mbai n byiat nyin, n bu ndyiat ma̱ng a̱nyin a̱ghyi ma̱ng a̱ghyi, da̱nian a̱gwai nzi̱t na na̱ ka tyia̱ a̱jhyem.