Yoona 15:10 - A̠lyiat A̠gwaza na di̠n Tyap: A̠li̠ka̠uli A̠fai

¹⁰ Ka̱ nyi khwi doká nung ji; huhwa na tak nang nyi nchat nung. Ma̱ cha̱chaat nang n khwi doká A̱tyia̱ nung ji, n si̱ ntak si̱sak nang n chat gu a̱ni.

Yoona 15:10 Iomraidhean Croise

Yoona 10:18

Á̱ mbyia̱ a̱tyu a̱ na san swuan nung ji a̱ ghwon nung a̱ni bah. Nung gwa shim, n na neap swuan nung ji, a̱wot n doot n bu mbwuok ma̱ng a̱nji. Si̱ huni hwa yet kyang hu nang A̱tyia̱ nung wu ta̱m nung n nyia̱ a̱ni.”

Yoona 12:49

“Nkyang nang n tyiet a̱ni, na̱ neet da̱ a̱vwuo nung kya bah. A̱tyia̱ nung wu wa a̱ ta̱m nung a̱ni; nggu wa tak nung a̱lyiat nang n dyiat a̱ni.

Yoona 14:15

“Ka̱nang nyi chat nung, ku myim nyi khwi doká nung ji.

Yoona 14:21

“Konyan wa lyen doká nung ji, a̱wot a̱ si̱ khwi nji a̱ni, nggu wa yet a̱tyu a̱ chat nung a̱ni. A̱tyu a̱ chat nung a̱ni; nggu wa nang A̱tyia̱ nung wu ma na chat. Nung, mameang, n na chat gu, a̱wot n tyai a̱pyia̱ nung kpa̱sai da̱ a̱vwuo nggu.”

Yoona 14:23

Yesu si̱ ma nwuak gu shim nyia̱, “Konyan wa chat nung a̱ni, a̱ na khwi á̱lyiat nung na. A̱wot A̱tyia̱ nung wu na chat gu. Nung ma̱ng A̱tyia̱ nung wu, zi̱ na bai da̱ a̱vwuo nggu, zi̱ swan dundung ma̱ng a̱nggu.

Yoona 14:31

Ma̱ng a̱nia, ku myim swanta hu ku lyen nang n chat A̱tyia̱ wu. Huhwa mbyia̱ nang n nyia̱ kuzang kyang cha̱chaat nang gu ntak ma̱ng a̱nung n nyia̱ a̱ni.” “To, nyi bai zi̱ doot zi̱ ghwon a̱vwuo kani!”

Yoona 17:4

“N wa ka̱n nwuak ang shi mi̱ swanta hu, mat si̱sak ji nang n ku ntyak ta̱m hu nang á̱ ku nwuak nung n nyia̱ a̱ni.

Yoona 4:34

Yesu si̱ nyia̱ ma̱ng a̱mba a̱ni, “Kyayak nung huhwa yet; n khwi kyang nang a̱tyu a̱ ta̱m nung chat a̱ni, a̱wot n bu nyia̱ ta̱m nang gu nwuak nung a̱ni, n tyak hu.

Yoona 8:29

A̱wot a̱tyu a̱ ta̱m nung a̱ni, a̱ shya̱ dundung ma̱ng a̱nung. Mat kuzang jen n ni̱ nyia̱ kyang hu nang gu chat a̱ni.”

Yoona 8:55

“Nyin, nyi lyen gu bah. A̱wot nung, n dyen nggu. Ki̱ n nyia̱ di̱ n dyen gu bah, n na ngyet a̱tyu bwoi a̱ka̱laa cha̱chaat ma̱ng a̱nyin. A̱wot n dyen nggu za̱m, a̱wot n si̱ khwi a̱lyiat nggu na.

1 A̱korontiyawa 7:19

Tyia̱ mi̱ chen ku nwai tyia̱ mi̱ chen ku shyak kyang bah. Kyang ku yet a̱ swak a̱ni, huhwa yet; á̱ khwi doká A̱gwaza ji.

1 A̱ta̱solonikawa 4:1

Di̱ ngaan hu, á̱niet khwi Yesu ba nang n chat a̱ni, zi̱ naai nyin mami a̱lyoot A̱tyoli nzi̱t wu Yesu, nyi swan swat ku myim A̱gwaza a̱ni, ma̱nang zi̱ ka̱n tyiet nyin a̱ni. Ma a̱nia wa nyi nswan ma̱nini, a̱wot zi̱ tyia̱ nyin gba̱gbak nyi ya a̱son nyi mban di̱ nyia̱ a̱nia hu ba̱t.

Ibriniyawa 7:26

Yesu wa yet tangka̱i a̱gba̱ndang pris nang zi̱ chat a̱ beang nzi̱t a̱ni. Mat, a̱ yet a̱za̱za̱rak, a̱ si̱ sang a̱bun. A̱wot da̱ nggu, a̱ byia̱ a̱ka̱tuk nyia̱ bah. Á̱ wa ka̱n khap gu zan ma̱ng á̱niet a̱ka̱tuk nyia̱ ba. A̱gwaza si̱ ta̱ngam ngguu, a̱ si̱ nwuak gu a̱gba̱ndang a̱vwuo shi tswazwa.

2 Bitut 2:21

Ma a̱nia wa, ku na lan á̱niet tyiet a̱ka̱laa a̱bya ka̱nang ba̱ wa ka̱n dyen a̱tsotswat nvak wu neet di̱n tsa hu bah, nang ba̱ na ndyen nhu, a̱wot ba̱ sii ghwon khwi doka nang á̱ ku nwuak ba ba̱ swan a̱za̱za̱rak nswat a̱ni.

1 Yoona 2:3

Ki̱ zi̱ khwi doka A̱gwaza ji, a̱ni wa zi̱ na nnwuak a̱chuchuk nang zi̱ ndyen nggu.

1 Yoona 2:5

A̱wot á̱niet ba ba̱ khwi a̱lyiat A̱gwaza na a̱ni, chat A̱gwaza mba hu tak kpa̱sai si̱sak nang ba̱ nchat gu a̱tsatsak chat a̱ni. Si̱sak ji nang zi̱ na ndyen nang zi̱ nshya̱ ndung ma̱ng A̱gwaza a̱ni, jija yet:

1 Yoona 2:6

Á̱niet ba ba̱ tak nyia̱ ba̱ shya̱ ndung ma̱ng A̱gwaza a̱ni, ku yet ta hwa ba̱ swan ma̱nang Yesu nswan a̱ni.

1 Yoona 5:3

Ki̱ zi̱ chat A̱gwaza, ku fa nang zi̱ na nkhwi doka nggu ji. A̱wot doka nggu ji vwuo a̱khwu bah.

Tyai Á̱zanson 22:14

“Á̱niet a̱li̱ba̱rka bya yet á̱niet ba̱ kwi a̱yaatoot mba ba a̱ni! Á̱ na shim mba ndyo ba̱ nwuo á̱zanunwuai a̱keang a̱fai ka, a̱wot ba̱ ya sum a̱kwon swuan hu!