Yoona 15:1 - A̠lyiat A̠gwaza na di̠n Tyap: A̠li̠ka̠uli A̠fai

¹ “Nung gwa ngyet a̱tsatsak a̱kwon a̱na̱p wu. A̱wot A̱tyia̱ nung wa si̱ yet a̱tyu khap wu.

Yoona 15:1 Iomraidhean Croise

Matyu 15:13

Yesu si̱ nwuak ba shim nyia̱, “Kuzang a̱kwon da̱nang A̱tyia̱ nung wu a̱ shya̱ tswazwa kya a̱ni ti̱p ka bah, á̱ na ngat kaa.

Matyu 20:1

“Tyok Ma A̱gwaza tswazwa hu li nang a̱tyu byia̱ a̱byin a̱na̱p wa mak a̱vwuo ma̱ a̱tsotson a̱tson, a̱ nat kyiak á̱niet nta̱m, ba̱ na nyia̱ gu ta̱m ma̱ a̱byin a̱na̱p ka a̱ni.

Matyu 21:33

“Nyi myiai a̱fufwuo nyi fa̱k kidee jhyang! A̱tyoli a̱ghyang wa ku kap a̱byin a̱na̱p. A̱ si̱ nok bat a̱ nkeang a̱byin ka. A̱ si̱ lung jhyat da̱ a̱fang nang gu na nshyui a̱sa̱khwot a̱na̱p na a̱ni. A̱ si̱ nok a̱ga̱nga̱ng a̱dak nang á̱ na nswan á̱ cham a̱byin ka a̱ni. A̱wot a̱ si̱ khwap á̱niet khap á̱ghyang a̱byin ka, a̱ si̱ nkat a̱keang a̱ghyang.

Ma̱rkut 12:1

Yesu si̱ kin nwuo tyiet a̱cha̱chet a̱yaakwak a̱son ba di̱ kidee nyia̱, “A̱tyok a̱ghyang wa kap a̱byin a̱na̱p. A̱ si̱ nok bat a̱ nkeang kaa. A̱ si̱ lung jhyat da̱ a̱fang nang gu na nshyui a̱sa̱khwot a̱na̱p na a̱ni. A̱wot a̱ si̱ nok a̱ga̱nga̱ng a̱dak nang á̱ na nswan á̱ cham a̱byin ka a̱ni. A̱ si̱ khwap á̱niet khap á̱ghyang a̱byin ka. A̱wot a̱ si̱ nkat a̱keang a̱ghyang.

Luka 13:6

A̱wot Yesu si̱ lyiat ma̱ng á̱kpa á̱niet ka di̱ kidee nyia̱, “A̱kwon a̱la̱n kya nang a̱tyu khap a̱ghyang ku ti̱p ma̱ a̱byin nggu. A̱ si̱ chong kuzang a̱lyia̱ a̱ cham, a̱ li ka̱ a̱la̱n ka na tyia̱ sum. A̱wot a̱ si̱si̱ shya̱ nang ka̱ tyia̱ sum bah. Ku si̱ byian nggu fwuo.

Yoona 1:17

Mat A̱gwaza ku nwuak Musa wa doka nggu ji. A̱wot shok ji ma̱ng gba̱mgbam tsotswat wu si̱ bai mat Yesu Kristi wa.

Yoona 1:9

Sai huni hwa ku yet a̱tsatsak wu. Ku na bai mi̱ swanta hu, ku sai tazwa a̱mgba̱m á̱nietbishyi ba.

Yoona 15:2

Kuzang bwak a̱kwon ku shya̱ da̱ nung a̱ni, ka̱ ku tyia̱ sum bah, á̱ na tyap hu á̱ ji̱p. Kuzang bwak a̱kwon ku tyei sum a̱ni, á̱ ni̱ shyok hu da̱nian hu ka mbeang sum hu.

Yoona 6:32

A̱jawa Yesu si̱ nyia̱ ma̱ng a̱mba a̱ni, “A̱tsatsak a̱lyiat wa za̱m, n na hyia̱ ma̱ng a̱nyin, Musa wa ku nwuak nyin kyayak hu, ku neet Ma A̱gwaza tswazwa ka a̱ni bah. A̱tyia̱ nung wu wa ma̱ a̱pyia̱ nggu; nggu wa nwuat nyin a̱tsatsak kyayak a̱ neet tswazwa ka a̱ni.

Yoona 6:55

“Nam vam nung hu yet a̱tsatsak kyayak wa. A̱sok nung na mameang, si̱ yet a̱tsatsak kyang swuo wa.

A̱romawa 11:17

Á̱ ku tyap bwak ghyang da̱ a̱tsatsak a̱kwon za̱itun nang á̱ chyui a̱ni. A̱wot nyin Nnwap na̱ nwai yet A̱yahudawa a̱ni, nyin bya yet kidee mbwak a̱kwon za̱itun a̱yit na, nang á̱ fwuop di̱ mbwak nkwon a̱tsatsak a̱kwon za̱itun wu a̱ni. Mat a̱nia, ma̱ninika, nyi na shya̱ a̱li̱ba̱rka Ibrahim wu ma̱nang mbwak a̱kwon nang á̱ fwuop da̱ a̱tsatsak za̱itun a̱ni, ni̱ nshya̱ a̱nwai neet da̱ á̱ni̱nan a̱tsatsak a̱kwon ba a̱ni.

1 A̱korontiyawa 3:9

Mat a̱mgba̱m nzi̱t a̱feang zi̱ yet á̱kpa̱ndang ta̱m A̱gwaza bya. A̱wot nyin bya li nang a̱byin khap A̱gwaza ka a̱ni. Nyi si̱ bu li nang nok A̱gwaza a̱ni.

1 Yoona 2:8

A̱mgba̱m ma̱ng a̱nia, Yesu tak doka swai kpa̱sai di̱ si̱sak nang gu nswan swat nggu hu a̱ni. A̱wot nyin meang, nyi ni̱ ntak ji kpa̱sai di̱ si̱sak ji nang nyi nswan swat nyin hu a̱ni. Mat lyin hu sweap, a̱wot a̱chuchuk sai wu wa si̱ sai.