Yoona 14:9 - A̠lyiat A̠gwaza na di̠n Tyap: A̠li̠ka̠uli A̠fai

⁹ Yesu si̱ nwuak Filibut shim hu nyia̱, “N dabeang ma̱ng a̱nyin ba̱t a̱ni. A̱mgba̱m ma̱ng a̱nia, nyi lyen nung baa? Konyan wa li nung, a̱ wa ka̱n di A̱tyia̱ nung wu za̱m! Yihwa mbyia̱ nang a nyia̱, ‘Tak zi̱t A̱tyia̱ wu’?

Yoona 14:9 Iomraidhean Croise

Ma̱rkut 9:19

Yesu si̱ nyia̱ ma̱ng a̱mba, “Kwot! Nyin á̱niet nwai nwuak a̱chuchuk mi̱ nche huni. N na nswan ma̱ng a̱nyin si̱ nat zang jen ja? Zang jen ja n na ngya a̱son mi̱ nyap fwuo ma̱ng a̱nyin? Nyi bai ma̱ng a̱nung nggwon ka a̱ji.”

Luka 12:56

“Nyin á̱bubuk á̱niet! Nyi lyen si̱sak nang nyi na nfi̱k a̱lama njen mi̱ swanta ma̱ng kyai tswazwa hu a̱ni. A̱wot nyi lyen si̱sak nang nyi na nfi̱k a̱tsatsak njen ma̱nini ji a̱ni bah.

Yoona 1:14

Swang A̱lyiat ji ku tyia̱ a̱tyubishyi. A̱ si̱ swan dundung ma̱ng a̱nzi̱t. Zi̱ si̱ li a̱kyenkyai shi nggu wu. A̱ si̱ byia̱ shok ma̱ng a̱chuchuk gba̱mgbam. A̱kyenkyai shi wuni wa ku tak nang gu ma̱nyin gu neet da̱ a̱vwuo A̱gwaza.

Yoona 10:30

Nung ma̱ng A̱tyia̱ nung wu, zi̱ yet kyang nyiung hwa.”

Yoona 12:45

Konyan wa nwuan nung a̱ni, a̱ nwuan A̱tyu a̱ ta̱m nung wa a̱ni.

Yoona 14:20

A̱tuk a̱kyakya nang nyi na ndyen nang nung nshya̱ mami A̱tyia̱ nung; nyin, nyi si̱ ma nshya̱ mami nung; nung mameang, n si̱ ma shya̱ mami nyin.

Yoona 14:7

Ka̱ nyi wa lyen nung, si̱ nyi lyen A̱tyia̱ nung wu mameang. Di̱ yong huni si̱ nat á̱zanson, nyi na lyen gu za̱m! A̱wot nyi wa ka̱n di ngguu.”

Yoona 8:19

Ba̱ si̱ lyip Yesu, nyia̱ “A̱tyia̱ ang wu shya̱ a̱ji wa?” Yesu si̱ nwuak ba shim nyia̱, “Mat nang nyi ndyen nung a̱ni bah, huhwa mbyia̱ nang nyi ndyen A̱tyia̱ nung wu bah. Ka̱ nyi wa lyen nung, si̱ nyi lyen A̱tyia̱ nung wu mameang.”

1 A̱korontiyawa 15:12

Ma̱ninika, ki̱ zi̱ shei a̱lyiat A̱gwaza na nyia̱ Kristi ku khwu, a̱ si̱ doot ma̱ng swuan ma̱ á̱niet ba̱ ka̱n kwi a̱ni; yihwa mbyia̱ nang á̱ghyang ma̱ nyin nnyia̱ di̱ á̱niet ba̱ ka̱n kwi a̱ni, na doot ma̱ng swuan bah?

A̱filibiyawa 2:6

Ku nang Kristi ma̱ a̱pyia̱ nggu ngyet A̱gwaza a̱ni, a̱mgba̱m ma̱ng a̱nia, a̱ du kyiak a̱pyia̱ nggu cha̱chaat ma̱ng A̱gwaza bah. A̱ si̱ kyiak yet A̱gwaza nggu hu ku yet gu a̱wat nang gu na mba̱ng gi̱ngi̱ng a̱ni bah.

A̱kolosiyawa 1:15

Kristi tyia̱ a̱tyubishyi nang á̱ nwuan a̱ni. A̱ si̱ tyai A̱gwaza nang á̱ nwai nwuan ma̱ng á̱ghyi a̱ni kpa̱sai. A̱ ku nshya̱ neet nang á̱ ka̱n mat kyang mi̱ swanta hu bah. A̱wot a̱ byia̱ a̱tsatsak a̱gba̱ndang tyok tazwa a̱mgba̱m kuzang kyang nang á̱ mat mi̱ swanta hu a̱ni.

Ibriniyawa 1:3

Nggwon kikya tyai a̱kyenkyai shi A̱gwaza wu. A̱wot ka̱ si̱ bu tyai za̱kwa A̱gwaza ji ma̱ cha̱chaat. Kikya ba̱ng a̱mgba̱m kuzang kyang mi̱ swanta hu, mat chet a̱lyiat nka hu. Nang nggwon ka ntyak chi a̱ka̱tuk nyia̱ ka̱ si̱ jaat zi̱t a̱ni, ka̱ si̱ swan di̱n chuk tyok a̱zayak A̱gwaza Tswazwa, A̱ byia̱ A̱tsatsak A̱gba̱ndang Tyok a̱ni.

1 Yoona 5:20

A̱wot zi̱ lyen nang Nggwon A̱gwaza ka mbai mi̱ swanta hu, ka̱ si̱ tat zi̱t a̱ghyi ba, da̱nian zi̱ ka lyen A̱gwaza a̱ yet a̱chuchuk wu a̱ni. A̱wot ma̱ninika zi̱ byia̱ a̱meang di̱ mun á̱pyia̱ ma̱ng A̱gwaza, a̱ yet a̱chuchuk wu a̱ni, mat nang zi̱ mbyia̱ a̱meang di̱ mun á̱pyia̱ ma̱ng Yesu Kristi a̱ yet Nggwon nggu ka a̱ni. Nggu wa ma̱nyin nggu yet a̱chuchuk A̱gwaza wu. A̱wot a̱ si̱ yet swuan sang sangba̱p ji.