Yoona 14:30 - A̠lyiat A̠gwaza na di̠n Tyap: A̠li̠ka̠uli A̠fai

³⁰ “N bu si̱ mi̱n dyiat ma̱ng a̱nyin a̱jojoot a̱lyiat bah, mat A̱ta̱nyeang swanta kani, ka̱ chobai. A̱mgba̱m ma̱ng a̱nia, ka̱ si̱ mi̱n nyia̱ tyok tazwa nung bah.

Yoona 14:30 Iomraidhean Croise

Luka 1:35

A̱ta̱m tswa wu si̱ nwuak gu shim nyia̱, “A̱za̱za̱rak Ntswa wa na chyok da̱ nwan. A̱wot chet A̱gwaza a̱ Swak ma̱ng A̱kyenkyai Shi a̱ni, na kup ang. Mat a̱nia, nggwon ka a na byin a̱ni, ka̱ na yet a̱za̱za̱rak wa. A̱wot á̱ na ngyei nka Nggwon A̱gwaza.

Luka 22:53

Kuzang a̱tuk n ni̱ shya̱ dundung ma̱ng a̱nyin tyiet A̱mali Nwuat Za̱nang A̱gwaza ka. Da̱ nyin, nyi ta̱bat nung mi̱ jen a̱ja bah. A̱wot jen jini yet si̱ nyin ja. Jen jini ja nang a̱ka̱tuk ndyin nnyia̱ tyok mi̱ swanta hu.”

Yoona 12:31

Ma̱nini kya nang á̱ na nyia̱ á̱niet mi̱ swanta ba shi̱ri̱ya, a̱wot á̱ bu vwuong A̱ta̱nyeang swanta kani.

Nta̱m A̱yaata̱m 1:3

Nang Yesu ku nghwut mi̱ swuo a̱bung da̱ a̱team a̱khwu wu a̱ni, a̱ si̱ tyai a̱pyia̱ nggu kpa̱sai mami mam swak naai di̱n jen di̱n jen, da̱ a̱vwuo a̱yaata̱m nggu ba! A̱wot a̱ si̱ tyai a̱pyia̱ nggu kpa̱sai di̱ nvak na̱ tak chi̱k nang nggu wa ndoot ma̱ng swuan ma̱ á̱niet ba̱ ka̱n kwi a̱ni. A̱ si̱ wa̱i mba a̱lyiat tazwa Tyok A̱gwaza hu.

2 A̱korontiyawa 4:4

A̱ta̱nyeang ka ka̱ yet a̱gwaza swanta wuni a̱ni, a̱ tyia̱ lyin mi̱ nfwuo á̱niet ba̱ nwai nwuak a̱chuchuk wu a̱ni. Ba̱ si̱ mi̱n di a̱sai a̱kyenkyai shi A̱sham Nkhang wu bah. Ba̱ si̱ lak fi̱k a̱lyiat nani tazwa a̱kyenkyai shi Kristi, a̱tyu a̱ tai A̱gwaza ma̱ cha̱chaat a̱ni.

2 A̱korontiyawa 5:21

Mat A̱gwaza tyia̱ Kristi, a̱ ka̱ nwai nyia̱ a̱ka̱tuk nyia̱ a̱ni, gu yet za̱nang a̱ka̱tuk nyia̱ nzi̱t. Da̱nian A̱gwaza a̱ ka tak kpa̱sai nang gu nkyiak nzi̱t á̱tsotswat á̱niet sang a̱bun a̱zaghyi nggu, di̱n vak Kristi.

A̱fisawa 2:2

Nyi ni̱ khwi a̱ka̱tuk nyia̱ swanta wuni ma̱nang á̱kum á̱niet swanta ka a̱ni. Nyi si̱ khwi A̱ta̱nyeang ka̱ yet a̱gwam á̱ka̱tuk ntswá ba̱ nyia̱ tyok mi̱ kyai tswazwa hu a̱ni. Kikya yet a̱ka̱tuk ntswa ji̱ ni̱ nyia̱ nta̱m mi̱ nfwuo á̱niet ba̱ lak khwi A̱gwaza a̱ni.

A̱fisawa 6:12

Mat á̱nietbishyi bya nang zi̱ kwan zwang ji ma̱ng a̱mba bah. A̱wot da̱ a̱kwonu a̱kya, zi̱ kwan zwang ji ma̱ng á̱ka̱tuk a̱yaakwak a̱son ma̱ng ntyok swanta na nang á̱ nwai nwuan a̱ni; ma̱ng á̱gwam ba̱ nyia̱ tyok swanta huni ku byia̱ lyin a̱ni; ma̱ng á̱ka̱tuk ntswá ba̱ shya̱ ma̱ a̱ka̱vwuo mi̱ kyai tswazwa a̱ni.

A̱kolosiyawa 1:13

Mat nggu wa san nzi̱t mbwak tyok A̱ta̱nyeang ku yet lyin a̱ni. A̱wot a̱ si̱ shyak nzi̱t a̱ tyia̱ mi̱ Tyok ku yet si̱ Nggwon nggu, nang gu chat a̱ni.

Ibriniyawa 4:15

Mat zi̱ byia̱ A̱gba̱ndang Pris, a̱ fi̱k lat nzi̱t hu a̱ni za̱m. Mat á̱ ku mak gu ma̱nang á̱ mmai nzi̱t a̱ni. A̱mgba̱m ma̱ng a̱nia, á̱ si̱ shya̱ nggu ma̱ng a̱ka̱tuk nyia̱ bah.

Ibriniyawa 7:26

Yesu wa yet tangka̱i a̱gba̱ndang pris nang zi̱ chat a̱ beang nzi̱t a̱ni. Mat, a̱ yet a̱za̱za̱rak, a̱ si̱ sang a̱bun. A̱wot da̱ nggu, a̱ byia̱ a̱ka̱tuk nyia̱ bah. Á̱ wa ka̱n khap gu zan ma̱ng á̱niet a̱ka̱tuk nyia̱ ba. A̱gwaza si̱ ta̱ngam ngguu, a̱ si̱ nwuak gu a̱gba̱ndang a̱vwuo shi tswazwa.

1 Bitut 1:19

Da̱ a̱kwonu a̱kya, A̱gwaza ku san nyin ma̱ng a̱za̱za̱rak a̱sok Kristi wa. Nggu wa yet kidee Fi̱ng A̱nfwuk A̱gwaza a̱ yet jhyem a̱ bu sang nyan a̱ni.

1 Bitut 2:22

Ma̱nang á̱ ndyuut tazwa Kristi a̱ni, nyia̱, “A̱ ku nyia̱ a̱ka̱tuk nyia̱ bah. Da̱ nggu, a̱ ku laai a̱yin bah.”

1 Yoona 4:4

A̱wot nyin mman nung na nang n chat a̱ni, nyi yet mman A̱gwaza nia. Nyi wa ka̱n swuo chet a̱yaata̱m á̱niet tyiet a̱ka̱laa a̱bya. Mat A̱za̱za̱rak tswa wu a̱ shya̱ ma̱ nyin a̱ni, a̱ byia̱ chet a̱ lan tswa ji ji̱ shya̱ mi̱ swanta hu a̱ni.

1 Yoona 5:18

Zi̱ lyen nang konyan wa yet nggwon A̱gwaza a̱ ya a̱son mi̱ nyia̱ a̱ka̱tuk nyia̱ nchi̱ri̱ng bah, mat Yesu a̱ yet a̱tsak Nggwon A̱gwaza ka a̱ni, chok gu, kalak A̱ta̱nyeang ka ka̱ du tyia̱ nggu swuo a̱bung.

1 Yoona 5:19

Zi̱ lyen nang zi̱ ngyet mman A̱gwaza nia, a̱wot a̱mgba̱m swanta hu shya̱ mbwak tyok A̱ta̱nyeang hwa.

Tyai Á̱zanson 12:9

A̱gba̱ndang a̱ka̱tuk nzwuo a̱ byia̱ nfeap na a̱ni, a̱ yet a̱khwukhwop nzwak gbangbang a̱wa, nang á̱ ngyei A̱ta̱nyeang, á̱ bu ngyei nggu, “Sha̱tan”; a̱tyu a̱ laai a̱mgba̱m á̱niet swanta ba a̱ni. Á̱ si̱ yuut gu ma̱ng a̱ka̱tuk a̱yaata̱m tswá nggu ba neet Ma A̱gwaza tswazwa á̱ ta a̱byin mi̱ swanta hu.