Yoona 14:22 - A̠lyiat A̠gwaza na di̠n Tyap: A̠li̠ka̠uli A̠fai

²² Yahuda a̱ghyang (kang ma̱ng Yahuda Iska̱riyoti wu), a̱ si̱ lyip Yesu nyia̱, “Nwan A̱tyoli, yihwa mbyia̱ a na ntyai a̱pyia̱ ang da̱ a̱vwuo nzi̱t kya ma̱nyin zi̱t, kang ma̱ng á̱niet mi̱ swanta ba?”

Yoona 14:22 Iomraidhean Croise

Matyu 10:3

Filibut, Ba̱tolomi, Toma, Matyu, a̱tyu saai kurum ga̱ndu. Yakubu a̱fai A̱lfayat, ma̱ng Tadiyut.

Ma̱rkut 3:18

Anda̱rawut, Filibut, Ba̱tolomi, Matyu (á̱ bu ngyei La̱wi a̱ni), Toma, Yakubu a̱fai A̱lfayat, Tadiyut, Siman (nang á̱ ngyei Za̱loti a̱ni),

Luka 6:16

Yahuda (a̱fai Yakubu wu), ma̱ng Yahuda Iska̱riyoti (a̱tyu a̱ ku yet a̱bang a̱byin wu a̱ni).

Yoona 3:4

Nikodimut si̱ lyip Yesu nyia̱, “Ku na li ni wa á̱ mbyin a̱yin nang gu ka̱n kwop? Ka̱ doot gu bu nwuo ma̱ a̱fa a̱yang nggu ka, á̱ bu byin gu a̱ka̱feang a?”

Yoona 3:9

Nikodimut si̱ bu lyip Yesu nyia̱, “Ku na nyia̱ ni ku ndi a̱nia?”

Yoona 4:11

A̱jawa a̱nap wu nyia̱ ma̱ng a̱nggu a̱ni, “Nwan a̱tyoli, a byia̱ kyang bwuo a̱sa̱khwot hu bah. Ri̱jiya huhwa hu ku yet a̱tsuung. Ka̱ a̱nia wa, a̱ji wa nang a na nshya̱ a̱sa̱khwot nswuan na?

Yoona 6:52

A̱lyiat nani ku tyia̱ A̱yahudawa ma̱ a̱di̱di̱t si̱ fa̱k a̱lyia̱ ya. Ba̱ si̱ ta̱bat ya fwuang ma̱ng á̱ghyang mba nyia̱, “A̱tyu wuni na nyia̱ ni wa, a̱ nnwuak nzi̱t nam vam gu hu, zi̱ ya?”

Yoona 6:60

Nang mman nta̱m Yesu ma̱ a̱di̱di̱t nfa̱k tyiet gu hu a̱ni, ba̱ si̱ nyia̱, “Tyiet ang hu vwuo a̱khwu ba̱t! A̱nyan wa na san huu?”

Nta̱m A̱yaata̱m 1:13

Nang ba̱ ku si̱ nnwuo a̱keang Urusha̱lima ka a̱ni, ba̱ si̱ nyeak á̱ nat ma̱ a̱gba̱ndang nyuo a̱mali tazwa ka nang ba̱ ku nswan a̱ni. A̱yaata̱m bani bya ku yet: Bitut, Yoona, Yakubu ma̱ng Anda̱rawut, Filibut ma̱ng Toma, Ba̱tolomi ma̱ng Matyu, Yakubu a̱fai A̱lfayat ma̱ng Siman (nang á̱ ngyei Za̱loti a̱ni,) mbeang Yahuda a̱fai Yakubu wu.

Yahuda 1:1

Nung Yahuda, a̱khwo Yesu Kristi, n gyet a̱na̱nyiuk Yakubu. Nung gwa n dyuut nyin wusika jini. N dyuut nyin, a̱mgba̱m á̱niet ba nang A̱gwaza a̱ yet A̱tyia̱ yei a̱ni; á̱si̱ ba ba̱ bu mun á̱pyia̱ ma̱ng a̱nggu A̱gwaza, a̱ yet A̱tyia̱ wu a̱ chat ba ba̱t, a̱ si̱ bu tyia̱ mba mbwak Yesu Kristi gu ka chok ba a̱ni.