Biblia Todo Logo
Bìoball air-loidhne

- Sanasan -




Yoona 14:21 - A̠lyiat A̠gwaza na di̠n Tyap: A̠li̠ka̠uli A̠fai

21 “Konyan wa lyen doká nung ji, a̱wot a̱ si̱ khwi nji a̱ni, nggu wa yet a̱tyu a̱ chat nung a̱ni. A̱tyu a̱ chat nung a̱ni; nggu wa nang A̱tyia̱ nung wu ma na chat. Nung, mameang, n na chat gu, a̱wot n tyai a̱pyia̱ nung kpa̱sai da̱ a̱vwuo nggu.”

Faic an caibideil Dèan lethbhreac




Yoona 14:21
43 Iomraidhean Croise  

A̱wot Yesu si̱ nwuak gu shim nyia̱, “A̱tsak a̱lyiat, á̱niet ba ba̱ fa̱k a̱lyiat A̱gwaza na, ba̱ si̱ nyia̱ nta̱m ma̱ng á̱na a̱ni; bibya A̱gwaza na nang mba a̱li̱ba̱rka wu a̱ swaak.”


“Ka̱nang nyi chat nung, ku myim nyi khwi doká nung ji.


“N na ghwon nyin ma̱nyin nyin nang á̱kunak a̱ni bah. N na mbwuok mbai da̱ a̱vwuo nyin.


“A̱wot nyi yet á̱kpa̱ndang nung bya, ka̱nang nyi khwi doka ji nang n nwuak nyin a̱ni.


A̱ bye nnwuak nung shi, da̱nian á̱lyiat nung nia gu bye hyia̱ ma̱ng a̱nyin.


“Nggu A̱tyia̱ wu fa̱k da̱ nyin ma̱ a̱pyia̱ nggu, mat si̱sak nang nyi nfa̱k da̱ nung a̱ni, a̱wot nyi si̱ bu nwuak a̱chuchuk nang n neet da̱ a̱vwuo gu kya.


N na swan dundung ma̱ng a̱mba; nwan mameang, a ma nswan dundung ma̱ng a̱nung. Yok ba̱ mun á̱pyia̱ za̱m, ku na tyia̱ á̱niet ma̱ a̱di̱di̱t mi̱ swanta hu ba̱ lyen nang nwan wa nta̱m nung; a̱wot ba̱ bu lyen nang a nchat ba ma̱ cha̱chaat nang a nchat nung a̱ni.


Ma̱ a̱ma̱bwoi na, A̱tyoli Yesu si̱ nyia̱ ma̱ng a̱nung, ‘Ghan a̱nggang! A ghwon Urusha̱lima hu! Mat á̱niet ba̱ shya̱ a̱ji a̱ni, ba̱ na nwuak a̱chuchuk da̱ á̱lyiat nang a shei tazwa nung a̱ni bah.’


N si̱ mbwuo a̱ka̱tat nang n naai A̱tyoli Yesu gu ka ti̱n nung sa̱kan ji tyei nung swuo a̱bung a̱hwa mi̱ vam hu a̱ni.


Mat a̱nia, a̱mgba̱m nzi̱t nang á̱ ka̱n khwuk nzi̱t a̱toot a̱wa ma̱ a̱ghyi nzi̱t ba a̱ni, zi̱ byia̱ a̱wat zi̱ li zi̱ bu tak shi A̱gwaza hu kpa̱sai. A̱wot A̱gwaza wu, a̱ yet A̱za̱za̱rak Ntswa wu a̱ni, a̱ ni̱ tyia̱ zi̱ li nang nggu a̱ni kuzang jen. Mat nang nggu nshai za̱kwa nzi̱t ji zi̱ ka tai nggu ma̱ng a̱kyenkyai shi nggu wu a̱ni.


Mat A̱gwaza wa ku hyia̱ nyia̱, “Yok sai hu, ku sai mi̱ ndyin hu!” Nggu wa bu tyia̱ sai huni ku sai mi̱ nfwuo nzi̱t na, mat zi̱ ka lyen a̱kyenkyai shi A̱gwaza wu ma̱ a̱ghyi Yesu Kristi ba, a̱ ya á̱ghyi ma̱ mya̱myat a̱myat nang á̱ nwuan a̱ni.


Ma̱ninika, yok A̱tyoli nzi̱t, Yesu Kristi ma̱ a̱pyia̱ nggu, ma̱ng A̱gwaza a̱ yet A̱tyia̱ nzi̱t wu a̱ni, a̱ chat zi̱t a̱wot mat shok nggu ji, a̱ si̱ tyei nzi̱t gba̱gbak ku nwai tyiai a̱ni, a̱wot a̱ si̱ tyia̱ nzi̱t zi̱ ntyia̱ fwuo da̱ nggu;


Yok A̱gwaza wu a̱ shya̱ dundung ma̱ng nyin! Shok nggu ji mameang, ji̱ shya̱ dundung ma̱ng a̱nyin!


A̱wot á̱niet ba ba̱ khwi a̱lyiat A̱gwaza na a̱ni, chat A̱gwaza mba hu tak kpa̱sai si̱sak nang ba̱ nchat gu a̱tsatsak chat a̱ni. Si̱sak ji nang zi̱ na ndyen nang zi̱ nshya̱ ndung ma̱ng A̱gwaza a̱ni, jija yet:


Nyi dam si̱sak ji nang A̱tyia̱ nzi̱t wu nchat zi̱t a̱tsatsak chat a̱ni, mat a̱ kyiak zi̱t nang mman nggu a̱ni. A̱tsak a̱lyiat mman nggu ni̱nia nang zi̱ yet. A̱mgba̱m ma̱ng yet mman A̱gwaza nzi̱t hu, á̱niet mi̱ swanta ba fi̱k nang zi̱ ngyet mman nggu nia bah, mat si̱sak nang ba̱ ndyen nggu a̱ni bah.


Ki̱ zi̱ chat A̱gwaza, ku fa nang zi̱ na nkhwi doka nggu ji. A̱wot doka nggu ji vwuo a̱khwu bah.


A̱tsatsak chat wu fa, zi̱ khwi doka nang A̱gwaza tak ma̱ng a̱nzi̱t a̱ni. Ma̱nang a ka̱n fa̱k neet di̱ tsa nwuo khwi Kristi hu a̱ni; doka jini, jija yet zi̱ ya a̱son ma̱ng chat á̱ghyang.


Konyan wa chat lyen a̱ni, ku yet ta hwa gu myiai a̱fufwuo gu fa̱a̱k, a̱ bu fi̱k a̱lyiat nang A̱za̱za̱rak Ntswa A̱gwaza wu shei susot á̱niet khwi ji a̱ni! Konyan wa swuo chet swanta hu a̱ni, n na nang gu a̱za̱za̱rak ‘mana’ nang á̱ niat Ma A̱gwaza tswazwa a̱ni. N bu na nang gu a̱sai a̱fang nang á̱ ndyuut a̱lyoot a̱fai tazwa a̱ni. Á̱ mbyia̱ a̱tyu a̱ na fi̱k a̱lyoot ka a̱ni bah; si̱ a̱tyu a̱ san a̱fang ka a̱ni.


“Á̱niet a̱li̱ba̱rka bya yet á̱niet ba̱ kwi a̱yaatoot mba ba a̱ni! Á̱ na shim mba ndyo ba̱ nwuo á̱zanunwuai a̱keang a̱fai ka, a̱wot ba̱ ya sum a̱kwon swuan hu!


Nyi fa̱k! Di, nung gwa wu! N gyong a̱zanunyuo ka tsot nyinyiit hu. Ka̱ nyi fa̱k a̱nwuat nung ka, nyi si̱ khwuk nyinyiit hu; n na nnwuo, a̱wot zi̱ na ya kyayak dundung nang á̱kpa̱ndang á̱ghyang a̱ni.


Lean sinn:

Sanasan


Sanasan