Yoona 14:19 - A̠lyiat A̠gwaza na di̠n Tyap: A̠li̠ka̠uli A̠fai

¹⁹ N bwat a̱banjen ma̱ chunchwiit á̱niet mi̱ swanta ba bu na li nung bah. A̱wot nyin, nyi na li nung. Mat nang nung nshya̱ ma̱ng swuan a̱ni; ma a̱nia wa, nyin mameang nyi na nswuan.

Yoona 14:19 Iomraidhean Croise

Yoona 11:25

Yesu si̱ nyia̱ ma̱ng a̱nggu a̱ni, “Nung gwa ngyet a̱tyu ya̱ngam á̱niet ba̱ ka̱n kwi a̱ni ma̱ng swuan. Nung gwa si̱ bu ngyet swuan ji. A̱tyu a̱ nwuak fwuo da̱ nung a̱ni, a̱ na shya̱ swuan, ku nang gu khwu.

Yoona 12:35

Yesu si̱ nyia̱ ma̱ng a̱mba, “Sai hu shya̱ dundung ma̱ng a̱nyin da̱ a̱bada̱dei njen. Nyi chong di̱n jen ji nang sai hu nshya̱ dundung ma̱ nyin a̱ni, kalak lyin ku shya̱ nyin. Mat a̱tyu a̱ chong mi̱ ndyin a̱ni, a̱ lyen a̱vwuo ka nang gu nchong a̱ ntyei a̱ni bah.

Yoona 13:33

“Nyin mman nung, jen ji nang n na nshya̱ ma̱ng a̱nyin a̱ni, ji̱ bu la̱u shi hu bah. Nyi na chat nung, a̱wot ma̱nang n hyia̱ ma̱ng A̱yahudawa ba a̱ni; a̱vwuo ka nang n naat a̱ni, nyi si̱ mi̱n nat bah. Huhwa n chat n tak nyin.

Yoona 14:6

Yesu si̱ nyia̱ ma̱ng Toma a̱ni, “Nung gwa ngyet vak hu. Nung gwa si̱ ngyet a̱chuchuk wu. Nung gwa si̱ bu ngyet swuan ji. Á̱ mbyia̱ a̱tyu a̱ na nat da̱ a̱vwuo A̱tyia̱ ka, ka̱nang a̱nyuu khwi nung a̱ni bah.

Yoona 16:16

“Á̱ na labeang bah, nyi na chat nung lyin. A̱wot á̱ bu na labeang bah, nyi bu li nung.”

Yoona 16:22

A̱nia wa ku na ndi da̱ a̱vwuo nyin. Ma̱ninika, nyi shya̱ ma̱ng byian fwuo. A̱mgba̱m ma̱ng a̱nia, n bu na ndi nyin. A̱wot a̱yin si̱ mi̱n ti̱n nyin a̱gwai a̱nia bah.

Yoona 6:40

“Mat ta̱m hu nang A̱tyia̱ nung wu chat a̱ni, huhwa yet; konyan wa li Nggwon nggu ka, a̱ si̱ nwuak fwuo da̱ nka a̱ni, a̱ na shya̱ ma̱ng swuan sang sangba̱p. Nung meang, n ma nta̱ngam nggu ma̱ng swuan ma̱ á̱niet ba̱ ka̱n kwi a̱ni a̱tuk mam doot swanta ka.”

Yoona 7:33

Yesu si̱ nyia̱, “N na nswan ma̱ng a̱nyin da̱ a̱banjen ma̱ a̱da̱dei. A̱wot n na mbwuok nat da̱ a̱vwuo a̱tyu a̱ ta̱m nung a̱ni.

Yoona 8:21

Yesu si̱ bu nyia̱ ma̱ng a̱mba a̱ni, “N na nkat, a̱wot nyi na chat nung. Ma̱ng a̱nia, nyi na kwi ma̱ a̱ka̱tuk nyia̱ nyin wu. A̱vwuo ka nang n na nat a̱ni, nyi si̱ mi̱n nat bah.”

Nta̱m A̱yaata̱m 10:41

da̱ a̱vwuo á̱kpa á̱niet kya ma̱nyin mba bah; a̱wot da̱ a̱vwuo nzi̱t kya nang A̱gwaza ku mi̱ nkhai zi̱ yet á̱ghyi nggu ba. Nzi̱t bya ku yet á̱niet ba̱ ku ya á̱ tsa nswuo dundung ma̱ng Yesu di̱n jen nang gu ku ndoot ma̱ á̱niet ba̱ ka̱n kwi a̱ni.

A̱romawa 5:10

Ma a̱nia wa, ma̱nang zi̱ wa ni̱ ngyet á̱niet lak li A̱gwaza bya a̱ni, a̱wot Yesu Kristi si̱ jhyi swat kpa̱ndang nzi̱t hu ma̱ng A̱gwaza di̱n vak a̱khwu nggu hu, a̱tsak a̱lyiat, ku fa nang A̱gwaza na nsan nzi̱t za̱m di̱n vak nwuak swuan Nggwon nggu ji ja.

A̱romawa 8:34

A̱nyan wa maai a̱ nyia̱ nzi̱t shi̱ri̱ya? A̱yin maai bah, mat Yesu Kristi wa khwu da̱nian nzi̱t. A̱wot á̱ si̱ ta̱ngam nggu ma̱ng swuan ma̱ á̱niet ba̱ ka̱n khwi a̱ni da̱nian nzi̱t. Nggu wa swan di̱n chuk tyok a̱zayak A̱gwaza, a̱ ni̱ naai A̱gwaza wu da̱nian nzi̱t.

1 A̱korontiyawa 15:20

A̱wot a̱tsatsak a̱lyiat wu wa yet, A̱gwaza ta̱ngam Yesu Kristi ma̱ng swuan ma̱ á̱niet ba̱ ka̱n kwi a̱ni. Nggu wa yet a̱son mami á̱kpa á̱niet ba̱ tai a̱gba̱ndang chak yak a̱mgba̱m á̱niet nang A̱gwaza na ta̱ngam ma̱ng swuan ma̱ á̱niet ba̱ ka̱n kwi a̱ni.

1 A̱korontiyawa 15:45

Ma̱nang á̱ ndyuut ma̱ A̱lyiat A̱gwaza na a̱ni, nyia̱, “A̱da̱mu wa nang á̱ ku tsa mat mi̱ swanta hu. A̱ ku yet a̱tyu swuan nang á̱ ku nyia̱ ma̱ng mbyin a̱ni.” A̱wot A̱da̱mu a̱ngaan wu meang, nggu wa yet Yesu Kristi, a̱ si̱ yet tswa ja, ji̱ nwuat swuan a̱ni.

Ibriniyawa 7:25

Mat a̱nia, kuzang jen Yesu byia̱ chet a̱ maai a̱ san á̱niet ba, ba̱ bai da̱ a̱vwuo A̱gwaza mami a̱lyoot nggu ka a̱ni. Mat a̱ ni̱ swuan si̱ nat sang sangba̱p. A̱wot a̱ ni̱ naai A̱gwaza da̱nian mbaa.

Tyai Á̱zanson 20:4

A̱jawa n si̱ ndi a̱cha̱chet chuchuk tyok ma̱ a̱di̱di̱t! A̱wot á̱ si̱ nwuak á̱niet ba̱ swan da̱ nji a̱ni tyok, ba̱ ka nyia̱ shi̱ri̱ya. Bibya yet tswá á̱niet nang á̱ hyaai mba mat tak kpa̱sai mba hu tazwa Yesu ma̱ng a̱lyiat A̱gwaza na a̱ni. A̱wot da̱ mba, ba̱ ku kwok ntong a̱zaghyi a̱ka̱tuk nyam a̱yit a̱wa ku ghwughwu nji hu bah. Da̱ mba ba̱ ku shim ba̱ san zwunzwuo a̱ka̱tuk nyam a̱yit ji di̱ kpi̱kpeang mba hu ku mi̱ mbwak mba na bah. A̱mgba̱m mba, ba̱ bu ku shyip ma̱ng swuan. A̱wot ba̱ si̱ nyia̱ tyok ndyia̱ chyikwop jhyung dundung ma̱ng Kristi.