Yoona 14:15 - A̠lyiat A̠gwaza na di̠n Tyap: A̠li̠ka̠uli A̠fai

¹⁵ “Ka̱nang nyi chat nung, ku myim nyi khwi doká nung ji.

Yoona 14:15 Iomraidhean Croise

Matyu 10:37

Ka̱ a̱yin chat a̱tyia̱ ku a̱yang gu a̱ swak nung, a̱tyu a̱wa maai a̱ khwi nung bah. Ku ka̱ a̱nyuu chat nggwon a̱sam, ku nggwon a̱nap nggu ka a̱ swak nung, a̱ maai a̱ yet a̱si̱ nung bah.

Yoona 8:42

Yesu si̱ nyia̱ ma̱ng a̱mba a̱ni, “Ka̱ a̱tsatsak a̱lyiat wa nang A̱gwaza wa yet A̱tyia̱ nyin wu; si̱ nyi fa̱k da̱ nung. Mat, n ghwut neet da̱ a̱vwuo A̱gwaza kya; n shya̱ a̱ji ma̱ninika. N bai a̱ji da̱nian a̱pyia̱ nung bah, A̱gwaza wa ta̱m nung.

1 A̱korontiyawa 16:22

Konyan wa da̱ a̱ chat A̱tyoli Yesu a̱ni bah, yok á̱ shyi ngguu. Yok A̱tyoli nzi̱t wu, a̱ bai!

A̱ga̱la̱tiyawa 5:6

Mat, jen nang zi̱ nnwuak fwuo di̱ Yesu Kristi a̱ni, tyia̱ mi̱ chen ku nwai tyia̱ mi̱ chen, ku byia̱ nzi̱t kpangti̱n bah. Kyang ku yet a̱ swak a̱ni, huhwa yet; nwuak fwuo nzi̱t hu di̱ Kristi. Ku tyei nzi̱t zi̱ chat A̱gwaza ma̱ng á̱ghyang á̱niet.

A̱fisawa 6:24

Yok A̱gwaza a̱ fa̱k shok a̱mgba̱m á̱niet ba̱ chat A̱tyoli nzi̱t wu Yesu Kristi a̱ni, ba̱ng si̱ nat sang sangba̱p.

1 Bitut 1:8

Ku nang nyi nwai nwuan gu a̱ni, nyi chat gu. Ku nang nyi nwai nwuan nggu ma̱nini a̱ni, nyi si̱ nwuak fwuo da̱ nggu. Nyi bu byia̱ a̱gba̱ndang a̱lyia̱ sai, ka̱ swak kidee a̱ni.

2 Yoona 1:6

A̱tsatsak chat wu fa, zi̱ khwi doka nang A̱gwaza tak ma̱ng a̱nzi̱t a̱ni. Ma̱nang a ka̱n fa̱k neet di̱ tsa nwuo khwi Kristi hu a̱ni; doka jini, jija yet zi̱ ya a̱son ma̱ng chat á̱ghyang.