Yoona 14:13 - A̠lyiat A̠gwaza na di̠n Tyap: A̠li̠ka̠uli A̠fai

¹³ A̱wot n bu na nyia̱ kuzang kyang nang nyi naai mami a̱lyoot nung da̱nian hu a̱ni. N na nyia̱ nyin ndyo, da̱nian A̱tyia̱ nung wu a̱ ka shya̱ a̱kyenkyai shi wu kpa̱sai mat Nggwon ka.

Yoona 14:13 Iomraidhean Croise

Matyu 21:22

Ka̱ nyi nwuak a̱chuchuk, a̱mgba̱m kyang nang nyi lyip A̱gwaza mami naai a̱ni, nyi na shya̱.”

Matyu 7:7

“Nyi lyip, á̱ na nang nyin. Nyi kup á̱ghyi di̱ chat, nyi na shya̱. Nyi tsot nyinyiit hu, á̱ na khwuk nyin dyo.

Ma̱rkut 11:24

Huhwa mbyia̱ nang n nyia̱ ma̱ng a̱nyin, jen nang nyi nnaai A̱gwaza kyang a̱ni, a̱wot ka̱ nyi nwuak a̱chuchuk nang nyi wa ka̱n san hu wa a̱ni; nyi na shya̱ nhu.

Luka 11:9

“Mat a̱nia, n shei ma̱ng a̱nyin, nyi ni̱ ndyip, á̱ na nang nyin kyang hu nang nyi lyip a̱ni. Nyi ni̱ nkup á̱ghyi di̱ chat, nyi na shya̱. Nyi ni̱ ntsot nyinyiit hu, á̱ na khwuk nyin ndyo.

Yoona 10:30

Nung ma̱ng A̱tyia̱ nung wu, zi̱ yet kyang nyiung hwa.”

Yoona 12:44

A̱jawa Yesu si̱ ngeap a̱nu. A̱ si̱ hyia̱ ma̱ng a̱gba̱ndang a̱nwuat nyia̱, “Konyan wa nwuak fwuo da̱ nung a̱ni, da̱ nung wa nang gu nnwuak fwuo hu bah; a̱ nwuak fwuo da̱ a̱tyu a̱ ta̱m nung wa a̱ni!

Yoona 13:31

Nang Yahuda nghwut a̱ si̱ nkat a̱ni, Yesu si̱ nyia̱, “Ma̱nini kya nang á̱ na nnwuak Nggwon A̱tyubishyi, a̱wot a̱ bu nwuak A̱gwaza shi mat Nggwon A̱tyubishyi.

Yoona 14:14

Kuzang kyang nang nyi naai mami a̱lyoot nung a̱ni, n na nyia̱ nyin ndyo.”

Yoona 14:6

Yesu si̱ nyia̱ ma̱ng Toma a̱ni, “Nung gwa ngyet vak hu. Nung gwa si̱ ngyet a̱chuchuk wu. Nung gwa si̱ bu ngyet swuan ji. Á̱ mbyia̱ a̱tyu a̱ na nat da̱ a̱vwuo A̱tyia̱ ka, ka̱nang a̱nyuu khwi nung a̱ni bah.

Yoona 15:16

“Nyin bya ku khai nung bah. Nung gwa ku khai nyin. N si̱ ntyia̱ nyin, nyi nat nyi tyei sum ma̱ a̱di̱di̱t. Sum hu ku na labeang a̱ni. Huhwa na mbyia̱, A̱tyia̱ wu a̱ nang nyin a̱mgba̱m nkyang nang nyi naai mami a̱lyoot nung ka a̱ni.

Yoona 15:7

Ka̱ nyi ta̱meet da̱ nung, a̱wot a̱lyiat nung na si̱ shya̱ mi̱ fwuo nyin na; nyi doot nyi lyip kuzang kyang nang nyi chat a̱ni, á̱ na shim á̱ nyia̱ nyin ndyo.

Yoona 16:23

“A̱tuk a̱kya, nyi si̱ ba̱ lyip nung kyang bah. N tak ma̱ng a̱nyin a̱chuchuk; a̱tyia̱ nung wu na nang nyin a̱mgba̱m kyang hu nang nyi lyip mami a̱lyoot nung a̱ni.

Yoona 16:26

A̱tuk a̱kya, nyi na naai da̱ a̱lyoot nung. Nyi na naai A̱tyia̱ ma̱ á̱pyia̱ nyin. Nung gwa na naai nyin ndyo bah.

Yoona 16:7

A̱wot, n shei nyin a̱chuchuk; ka̱ n ghwon nyin, ku na yet nyin a̱sham za̱m. Mat, ki̱ n nkat n si̱ ghwon nyin bah, A̱tyu Beang wu na bai da̱ a̱vwuo nyin bah. Huhwa mbyia̱, ka̱ n nkat, n na nta̱m ma̱ng a̱nyin guu.

Yoona 4:10

Yesu si̱ nwuak gu shim nyia̱, “Ka a wa lyen za̱nang A̱gwaza, a̱wot a si̱ bu lyen a̱tyu a̱ nyia̱ a nang gu a̱sa̱khwot na gu swuo a̱ni; si̱ a na lyip gu, a̱wot gu nang ang a̱sa̱khwot nswuan.”

Yoona 4:14

Da̱ a̱kwonu a̱kya, a̱sa̱khwot nang n na nang nggu a̱ni, a̱ bu si̱ mi̱n mak fa̱k mashyi bah. A̱sa̱khwot na nang n na nnang nggu a̱ni; na̱ na yet nnang a̱sa̱khwot na̱ hyai á̱ ghwut. A̱wot na̱ bu na nwuak gu swuan sang sangba̱p.”

Yoona 5:19

A̱jawa Yesu si̱ wa̱i a̱lyiat nyia̱, “N na hyia̱ ma̱ng a̱nyin a̱chuchuk; Nggwon A̱gwaza ka nyian kuzang kyang ma̱nyin ka bah; a̱ ni̱ nyia̱ kuzang nkyang nang gu li nang A̱tyia̱ wu nyia̱ wa a̱ni. Mat kuzang kyang nang A̱tyia̱ wu nyia̱ a̱ni; huhwa nang Nggwon ka nyia̱ mameang.

Yoona 7:37

A̱tuk ngaan A̱yet Á̱suswak ka, mam a̱hwa hwa yet a̱gba̱ndang mam a̱yet wu. Yesu si̱ doot a̱ yong. A̱ si̱ ta̱ngam a̱nwuat ka mi̱ chet nyia̱, “Konyan wa fwuong mashyi a̱sa̱khwot a̱ni, gu bai da̱ a̱vwuo nung, gu swuo!

1 A̱korontiyawa 14:13

Mat a̱nia, konyan wa lyiat di̱ lilyem A̱za̱za̱rak Ntswa nang á̱ chyi a̱ni, si̱ gu naai A̱gwaza a̱ nang gu za̱nang chet ji gu na mbwuak a̱lyem ka nang gu lyiat a̱ni.

A̱fisawa 2:18

Mat kyang hu nang Kristi nyia̱ wa a̱ni, huhwa tyia̱ a̱mgba̱m nzi̱t A̱yahudawa ma̱ng Nnwap na̱ nwai yet A̱yahudawa a̱ni, ka̱ doot zi̱ shya̱ a̱wat zi̱ bai da̱ a̱vwuo A̱gwaza a̱ yet A̱tyia̱ wu a̱ni, mat A̱za̱za̱rak Ntswa wu nang a̱mgba̱m nzi̱t zi̱ mun byia̱ a̱ni.

A̱fisawa 3:12

Mun á̱pyia̱ nzi̱t hu ma̱ng Kristi, ma̱ng nwuak fwuo nzi̱t hu da̱ nggu, tyia̱ zi̱ byia̱ a̱wat ma̱ng gbang a̱lyia̱ zi̱ nat a̱zaghyi A̱gwaza ka ma̱ sa̱t ma̱ng fwuo nyiung.

A̱fisawa 3:14

Mat a̱nia, kuzang jen nang n nyia̱ a̱di̱dam tazwa nkyang nani, n ni̱ kpaat a̱khwukhwut n naai A̱gwaza, a̱ yet A̱tyia̱ nzi̱t wu a̱ni;

A̱filibiyawa 4:13

Ki̱ n doot n swan nswat huni mi̱ kuzang tangka̱i njen nang n shya̱ a̱pyia̱ nung a̱ni, mat chet hu nang Kristi nang nung a̱ni.

A̱kolosiyawa 3:17

A̱wot nang nyi ngyet á̱niet ba̱ yet á̱ghyi A̱tyoli Yesu bya a̱ni, a̱mgba̱m kuzang kyang nang nyi lyiat nyi si̱ nyia̱ a̱ni, nyi ni̱ nyia̱ kyang ku myim gu wa a̱ni. Nyi ya a̱son ma̱ng gwai A̱gwaza mat Yesu a̱ yong da̱ a̱kwonu nzi̱t a̱ni.

Ibriniyawa 13:15

Mat a̱nia, yok zi̱ neap A̱gwaza za̱nang zi̱ dyep gu nchi̱ri̱ng mami a̱lyoot Yesu. A̱wot zi̱ shei kpa̱sai nang nggu wa ngyet A̱gwaza nang zi̱ khwi a̱ni.

Ibriniyawa 4:15

Mat zi̱ byia̱ A̱gba̱ndang Pris, a̱ fi̱k lat nzi̱t hu a̱ni za̱m. Mat á̱ ku mak gu ma̱nang á̱ mmai nzi̱t a̱ni. A̱mgba̱m ma̱ng a̱nia, á̱ si̱ shya̱ nggu ma̱ng a̱ka̱tuk nyia̱ bah.

Ibriniyawa 7:25

Mat a̱nia, kuzang jen Yesu byia̱ chet a̱ maai a̱ san á̱niet ba, ba̱ bai da̱ a̱vwuo A̱gwaza mami a̱lyoot nggu ka a̱ni. Mat a̱ ni̱ swuan si̱ nat sang sangba̱p. A̱wot a̱ ni̱ naai A̱gwaza da̱nian mbaa.

Yakubu 1:5

Ka̱ a̱yin ma̱ nyin chat mumwang, a̱ naai A̱gwaza wu a̱ ka̱u konyan gba̱mgbam ma̱ng fwuo a̱nyiung a̱ni. A̱wot A̱gwaza na tyia̱ nggu a̱bun di̱ naai nggu hu bah.

Yakubu 5:16

Mat a̱nia, nyi ni̱ nshei á̱ghyang nyin a̱ka̱tuk nyia̱ nyin wu. Nyi naai A̱gwaza da̱nian á̱ghyang nyin, á̱ ka choot nyin. Ka̱ a̱tsotswat a̱yin naai A̱gwaza ma̱ng fwuo nyiung, naai hu ni̱ byia̱ chet. A̱wot ku bai ma̱ng a̱gba̱ndang kpangti̱n.

1 Bitut 2:5

A̱wot nyin nyi yet nfang nswuan nia nang á̱ nnok A̱za̱za̱rak A̱li A̱gwaza wu a̱ni. Kang ma̱ng a̱nia, nyi bu yet a̱za̱za̱rak sot a̱yaapris wa. Mat nang Yesu Kristi ngyet a̱tyu a̱ yong da̱ a̱kwonu nyin a̱zaghyi A̱gwaza a̱ni, A̱za̱za̱rak Ntswa na beang nyin, nyi neap za̱náng nang A̱gwaza na nfa̱k nyinyang nyin a̱ni.

1 Yoona 3:22

Zi̱ ni̱ shya̱ kuzang kyang nang zi̱ naai da̱ a̱vwuo A̱gwaza a̱ni, mat ka̱ zi̱ khwi doka nggu ji, zi̱ si̱ bu nyia̱ nkyang na̱ myim gu a̱ni.

1 Yoona 5:14

A̱wot gbang a̱lyia̱ nzi̱t hu nang zi̱ byia̱ a̱zaghyi A̱gwaza a̱ni, huhwa yet; ki̱ zi̱ naai gu kuzang kyang ku myim nggu a̱ni, a̱ na fa̱k zi̱t.