Yoona 14:12 - A̠lyiat A̠gwaza na di̠n Tyap: A̠li̠ka̠uli A̠fai

¹² “A̱tsatsak a̱lyiat wa nang n shei nyin; konyan wa nwuak fwuo da̱ nung a̱ni, a̱ na nyia̱ nta̱m nang n nyia̱ a̱ni. Shimba, gu nyia̱ nta̱m na̱ swak á̱si̱ na n nyia̱ a̱ni, mat n naat da̱ a̱vwuo A̱tyia̱ nung.

Yoona 14:12 Iomraidhean Croise

Matyu 21:21

A̱jawa Yesu si̱ nwuak ba shim nyia̱, “N tak nyin a̱tsak a̱lyiat, ka̱ nyi nwuak fwuo da̱ A̱gwaza da̱nang nyi but mi̱ fwuo bah, nyi na nyia̱ nkyang a̱ga̱de na̱ swak shyishyi a̱kwon a̱bwabwap jini a̱ni. A̱wot ka̱ nyi ma nyia̱ ma̱ng a̱fan kani, ‘Doot a̱ji, a si̱ kwa mami a̱gba̱ndang jok a̱sa̱khwot!’ Ku na bai da̱ a̱nu ka.

Ma̱rkut 11:13

Yesu si̱ li a̱kwon a̱bwabwap ka̱ yet a̱sham ma̱ a̱kyikyo nang gu ni̱ laai shya̱ gbang. A̱ si̱ teap a̱ nat gu lii ke ka̱ byia̱ sum. A̱wot nang gu si̱ ntat a̱ni, a̱ si̱ li ka̱ yet ma̱ a̱kyikyo bya, mat nang jen koot sum nka ji ka̱n nyia̱ bah.

Ma̱rkut 16:17

“A̱wot á̱niet ba ba̱ nwuak fwuo da̱ nung a̱ni, ba̱ na nyia̱ nkyang a̱ri̱bi̱di nani. Ni̱nia yet: Ba̱ na khai á̱ka̱tuk ntswá mami a̱lyoot nung nang ba̱ ghwut ma̱ á̱niet; a̱wot A̱za̱za̱rak Ntswa wu na nwuak ba chet ba̱ lyiat di̱ lilyem fai ku yet si̱ nggu a̱ni.

Yoona 14:28

Nyi jhyung n hyia̱ ma̱ nyin nyia̱; n na nat mbwuok mbai da̱ a̱vwuo nyin. Ka̱ nyi wa chat nung, si̱ nyi gwai nang n naat da̱ a̱vwuo A̱tyia̱ nung a̱ni. Mat A̱tyia̱ nung wu shi a̱ lan nung.

Yoona 16:7

A̱wot, n shei nyin a̱chuchuk; ka̱ n ghwon nyin, ku na yet nyin a̱sham za̱m. Mat, ki̱ n nkat n si̱ ghwon nyin bah, A̱tyu Beang wu na bai da̱ a̱vwuo nyin bah. Huhwa mbyia̱, ka̱ n nkat, n na nta̱m ma̱ng a̱nyin guu.

Yoona 4:37

“Huhwa mbyia̱ á̱ ni̱ nyia̱, ‘A̱ghyang a̱niet chyui yak, a̱wot a̱ghyang a̱niet wa si̱ chak,’ yet a̱tsatsak a̱lyiat wa.

Yoona 5:20

Mat A̱tyia̱ wu fa̱k di̱ nggwon ka ba̱t. Huhwa mbyia̱ gu si̱ nshei ma̱ng Nggwon ka a̱mgba̱m nkyang nang gu nyia̱ a̱ni. A̱tyia̱ wu na hyia̱ ma̱ng Nggwon ka a̱cha̱chet nkyang na̱ lan á̱si̱ nani a̱ni, ka̱ nyia̱. A̱wot nyi na fa̱k a̱ga̱de.

Yoona 7:33

Yesu si̱ nyia̱, “N na nswan ma̱ng a̱nyin da̱ a̱banjen ma̱ a̱da̱dei. A̱wot n na mbwuok nat da̱ a̱vwuo a̱tyu a̱ ta̱m nung a̱ni.

Yoona 7:39

(Yesu lyiat á̱lyiat nani tazwa A̱za̱za̱rak Ntswa wu nang á̱niet ba̱ nwuak fwuo da̱ nggu na san a̱ni. Mat ba̱ng ba̱ tat jen jini á̱ ka̱n ta̱m ma̱ng A̱za̱za̱rak Ntswa wu bah. Mat á̱ ka̱n ta̱ngam Yesu ma̱ng swuan ma̱ á̱niet ba̱ ka̱n kwi a̱ni, a̱ si̱ shya̱ a̱kyenkyai shi tyok nggu wu bah.)

Nta̱m A̱yaata̱m 10:46

Mat nang ba̱ ku nfa̱k nang á̱niet ba lyiat di̱ lilyem A̱za̱za̱rak Ntswa nang ba̱ mi̱ ndyen a̱ni bah! A̱wot ba̱ si̱ dyep A̱gwaza. A̱jawa Bitut si̱ lyip nyia̱,

Nta̱m A̱yaata̱m 16:18

Nggwon neam ka si̱ bwuo mam ma̱ a̱di̱di̱t nang ka̱ lyiat a̱nia. Á̱ si̱ tat jen nang Bulut nnwuo a̱di̱dam a̱ni, a̱ si̱ bwuak a̱ si̱ nyia̱ ma̱ng a̱ka̱tuk ntswa wu, a̱ shya̱ ma̱ nka a̱ni, “N kam ang mami a̱lyoot Yesu Kristi; ghwut a ghwon nggwon neam ka!” Mi̱ di̱ yong a̱hwa, a̱ka̱tuk ntswa wu si̱ kin ghwut, a̱ si̱ ghwon nkaa!

Nta̱m A̱yaata̱m 19:12

Ka̱ á̱ kyiak tyiang a̱toot lyang a̱ghyi Bulut, ku a̱toot á̱ byam vam gu hu a̱ni, á̱ si̱ mbyam á̱niet nzwán ba, zwán mba ji ni̱ choot. A̱wot á̱ka̱tuk ntswá ba ni̱ ghwut ma̱ á̱niet ba.

Nta̱m A̱yaata̱m 2:33

Ma̱ninika, á̱ nwuak Yesu shi. Á̱ si̱ sak gu da̱ a̱vwuo a̱gba̱ndang shi a̱zayak A̱gwaza, a̱ nyia̱ tyok dundung ma̱ng a̱nggu tswazwa. A̱wot A̱tyia̱ wu si̱ bu nang Yesu A̱za̱za̱rak Ntswa wu nang gu nyia̱ a̱li̱ka̱uli a̱ na ta̱m a̱ni. A̱wot Yesu meang, si̱ nang nzi̱t A̱za̱za̱rak ntswa gba̱mgbam; ma̱nang nyi ndi, nyi si̱ bu nfa̱k a̱fwun a̱ni.

Nta̱m A̱yaata̱m 2:41

A̱wot a̱tuk a̱kya á̱kpa á̱niet ma̱ a̱di̱di̱t si̱ san á̱lyiat nggu na; ba̱ ku shim tat chyikwop tsat! Ba̱ si̱ nwuak nfwuo mba na, á̱ si̱ nyia̱ mba ba̱ptisman. A̱wot ba̱ si̱ mun á̱pyia̱ ma̱ng á̱kum sot á̱niet khwi Yesu ka.

Nta̱m A̱yaata̱m 4:16

Ba̱ si̱ nyia̱, “Yihwa zi̱ na nyia̱ ma̱ng á̱niet bani? A̱mgba̱m á̱niet ba ba̱ shya̱ Urusha̱lima a̱ni lyen, nang bibya nyia̱ a̱gba̱ndang a̱lama a̱ tyei á̱niet ba ba̱ fa̱k a̱ga̱de a̱ni. A̱wot da̱ nzi̱t, zi̱ byia̱ vak fwuo a̱lama wuni bah.

Nta̱m A̱yaata̱m 4:33

A̱wot a̱yaata̱m Yesu ba si̱ ya a̱son ma̱ng shei mi̱ chet nang A̱tyoli Yesu ndoot ma̱ á̱niet ba̱ ka̱n kwi a̱ni! A̱wot A̱gwaza si̱ nyia̱ a̱mgba̱m mba a̱gba̱ndang shok.

Nta̱m A̱yaata̱m 4:4

A̱wot á̱niet ma̱ a̱di̱di̱t si̱ fa̱k á̱lyiat A̱gwaza na, ba̱ si̱ nwuak a̱chuchuk da̱ ná. Mat a̱nia, á̱kpa á̱niet khwi ka si̱ mbeang á̱ tat chyikwop tsuon, kang ma̱ng á̱nyiuk ma̱ng mman!

Nta̱m A̱yaata̱m 5:15

Mat nkyang a̱ga̱de ma̱ng nkyang a̱ri̱bi̱di nang a̱yaata̱m Yesu ba ku nyia̱ a̱ni, á̱niet ma̱ a̱di̱di̱t si̱ bai ma̱ng á̱niet nzwán da̱ a̱yaagbaat ma̱ng a̱yaakpang á̱ ba̱ myiai di̱ nvak. Da̱nian ghwughwu Bitut hu ku ka choot mbaa di̱n jen nang gu nchong a̱ sweap mba a̱ni.

Nta̱m A̱yaata̱m 6:7

Huhwa a̱lyiat A̱gwaza na si̱ mbeang ya a̱son hu. Á̱kpa á̱niet khwi A̱gwaza ka si̱ mbeang ba̱t mi̱ Urusha̱lima. A̱wot a̱yaapris A̱yahudawa ma̱ a̱di̱di̱t meang si̱ bwuak, ba̱ si̱ nwuo khwi A̱tyoli Yesu.

Nta̱m A̱yaata̱m 8:7

Kidee, Filibut si̱ khai á̱ka̱tuk ntswá ba̱ ghwut ma̱ á̱niet ma̱ a̱di̱di̱t. Á̱ka̱tuk ntswá ba si̱ tyiet nkun, ba̱ si̱ ghwut ma̱ a̱mba. A̱wot á̱niet nang a̱ti̱tak ba ta̱luk, ma̱ng á̱niet ba̱ ku chong a̱kyiat a̱ni, á̱ si̱ choot mbaa.

Nta̱m A̱yaata̱m 9:34

Huhwa Bitut si̱ nyia̱ ma̱ng a̱nggu, “Iniyat, Yesu Kristi choot ang! Doot, a kuut a̱kpang myia̱ ang wu!” A̱wot mi̱ di̱ yong a̱hwa, a̱ si̱ kin choot!

Nta̱m A̱yaata̱m 9:40

A̱wot Bitut si̱ tyia̱ a̱mgba̱m mba ba̱ si̱ ghwut á̱ nat nta. A̱jawa gu si̱ nkpaat a̱khwukhwut a̱byin. A̱ si̱ naai A̱gwaza. Nang gu mbwuak a̱ si̱ nwuan kwom hu a̱ni, a̱ si̱ yorong, “Ta̱bita, doot!” A̱wot Ta̱bita si̱ kin khwuk á̱ghyi nggu ba! Jen nang gu ndi Bitut a̱ni, a̱ si̱ doot a̱ swan ka̱tsak!

A̱romawa 15:19

Chet a̱ga̱de ma̱ng nkyang a̱ri̱bi̱di, ma̱ng chet A̱za̱za̱rak Ntswa nang Nnwap na̱ nwai yet A̱yahudawa ku li a̱ni, ku tyia̱ na̱ si̱ nwuak a̱chuchuk da̱ A̱sham Nkhang ka. Di̱ nvak huni hwa, n si̱ nshei A̱sham Nkhang Kristi ka, neet Urusha̱lima ba̱ng si̱ nat fam a̱byin Ili̱rikum.