Yoona 14:1 - A̠lyiat A̠gwaza na di̠n Tyap: A̠li̠ka̠uli A̠fai

¹ “Nfwuo nyin na na̱ yok byian bah. Nyi nwuak fwuo da̱ A̱gwaza. A̱wot nyi bu nwuak fwuo da̱ nung.

Yoona 14:1 Iomraidhean Croise

Yoona 11:33

Nang Yesu ndi Ma̱ryamu twei, a̱ si̱ bu li nang A̱yahudawa ba̱ shya̱ dundung ma̱ng a̱nggu twei a̱ni; fwuo hu si̱ byian ba̱t.

Yoona 12:27

“Di̱ yong huni fwuo nung hu byian ba̱t! Yihwa nang n na hyia̱? N hyia̱ nyia̱, ‘A̱tyia̱, ti̱n jen jini ji̱p nung ndyo a?’ Kaai, n na hyia̱ a̱nia bah. Mat kyang ku bai ma̱ng a̱nung a̱ni, huhwa hu; n swuo a̱bung di̱n jen jini.

Yoona 12:44

A̱jawa Yesu si̱ ngeap a̱nu. A̱ si̱ hyia̱ ma̱ng a̱gba̱ndang a̱nwuat nyia̱, “Konyan wa nwuak fwuo da̱ nung a̱ni, da̱ nung wa nang gu nnwuak fwuo hu bah; a̱ nwuak fwuo da̱ a̱tyu a̱ ta̱m nung wa a̱ni!

Yoona 13:19

“N shei ma̱ng a̱nyin a̱lyiat nani ma̱ninika, neet nang na̱ ka̱ mbai da̱ a̱nu ka bah. Da̱nian jen nang na̱ bye mbai da̱ a̱nu ka a̱ni, nyi ka nwuak a̱chuchuk nang nung gwa ngyet A̱tyu A̱gwaza kup gu tyok a̱ni.

Yoona 16:24

Ba̱ tat nang yong huni a̱ni, nyi ka̱n dyip kyang da̱ a̱lyoot nung bah. Nyi lyip, nyi na san, da̱nian a̱gwai nyin na na̱ ka yet a̱jhyem.

Yoona 16:3

Ba̱ na nyia̱ a̱nia, mat ba̱ ka̱n dyen A̱tyia̱ wu ma̱ng a̱nung bah.

Yoona 16:6

A̱wot ma̱ninika nang n tak ma̱ng a̱nyin á̱lyiat nani a̱ni, nfwuo nyin na si̱ byian.

Yoona 5:23

Da̱nian a̱mgba̱m á̱niet ba ba̱ ka nwuak Nggwon ka shi, ma̱ cha̱chaat nang ba̱ nnwuat A̱tyia̱ wu a̱ ta̱m ma̱ng a̱nka a̱ni.

Yoona 6:40

“Mat ta̱m hu nang A̱tyia̱ nung wu chat a̱ni, huhwa yet; konyan wa li Nggwon nggu ka, a̱ si̱ nwuak fwuo da̱ nka a̱ni, a̱ na shya̱ ma̱ng swuan sang sangba̱p. Nung meang, n ma nta̱ngam nggu ma̱ng swuan ma̱ á̱niet ba̱ ka̱n kwi a̱ni a̱tuk mam doot swanta ka.”

2 A̱korontiyawa 2:7

Mat a̱nia, ma̱ninika jen ji nyia̱ nang nyi na nchi ngguu, a̱wot nyi tyia̱ nggu gba̱gbak a̱ni. Kalak byian fwuo nggu ji ji̱ swuo chet gu.

A̱fisawa 1:15

N ku nfa̱k si̱sak nang nwuak fwuo nyin hu da̱ A̱tyoli Yesu mbyia̱ chet, ma̱ng si̱sak nyi bu nchat a̱mgba̱m á̱niet khwi A̱gwaza ba mi̱ kuzang a̱vwuo a̱ni.

2 A̱ta̱solonikawa 2:2

nyi yok shim a̱yin a̱ kyiai nfwuo nyin na nyi tyia̱ ma̱ tai ma a̱nggang, nyia̱ a̱tuk ka nang A̱tyoli Yesu na mbwuok a̱ bai a̱ni, nyia̱ ku wa ka̱n bai ku si̱ swak. Nyi yok nwuak a̱chuchuk da̱ a̱lyiat a̱nia bah, ku nang a̱nyuu nyia̱ a̱ shei a̱lyiat A̱gwaza á̱zanson nang A̱za̱za̱rak Ntswa A̱gwaza wa tyia̱ gu ndyo a̱ni; ku a̱nyuu a̱ nyia̱ á̱ tyai gu ta̱m ji kpa̱sai; ku a̱nyuu a̱ ma nyia̱ á̱ lyuut mi̱ wusika ja neet da̱ a̱vwuo nzi̱t.

1 Bitut 1:21

Mami Kristi kya nang nyi nnwuak fwuo da̱ A̱gwaza. A̱wot nyi si̱ nwuak a̱chuchuk ma̱ng tyia̱ fwuo da̱ A̱gwaza, mat a̱ ku ta̱ngam Kristi ma̱ á̱niet ba̱ ka̱n kwi a̱ni, a̱wot a̱ si̱ nwuak gu a̱gba̱ndang shi.